Tẽgẽl 52
Ẽẽn tẽgẽl cĩ Davide coo, cĩ eyeleei makayyioiti belliok kebelit. Ẽbẽla Davide tẽgẽl coo balna ngĩ õkkõ eeti cĩ athĩ Doeg cĩ Ẽdõmĩ, arubothi alaan Thaulo, ĩthõng uduwak ĩnõõnõ ethek ne, “Õkkõ Davide ciitha cĩ Ahimeleĩ paadĩr cobbi.”a
1 Dootit cĩ joro, engereni niia,
nyatarka thoothonniok cĩk gerthek nyia?
Nyia dõng niia ẽlẽ cunni tub wo?
Athii niia cĩ aga ma ngĩ ẽtẽd Nyekuci
thõõth dõõkĩthĩ gõõla ĩcĩ edeemothi?
2 Gẽrtha ahaatĩ cunnie atukwuan thõõth cĩ thanintio,
õgõõn kĩ dwuani cĩ lẽhẽdĩ,
niia cĩ othoothi võlõng wo.
3 Amĩnani niia gerthetin kijiar bũnnathĩt,
ĩthõng ĩmĩnanu võlõng kijiar thõõth cĩ ẽẽn dĩdĩ.
4 Amĩnani niia thoothonniok vẽlẽk cĩk ẽgẽrẽthanẽ eeta,
niia cĩ othoothi võlõng wo!
5 Uukci katĩ aniitia Nyekuci dĩdĩ kũdũt,
agurriani katĩ nẽ aniitia õlõõ cunni,
ĩthõng ũtũngeei katĩ daawũ.
6 Acĩn katĩ eeta cĩk edeemi thoothonniok
et nĩcẽ, ĩthõng otongollie,
ĩthõng atararyi katĩ nẽẽgẽ ĩnõõnõ ĩĩtõ ne,
7 “Ĩcĩnĩt nõõnõ niigia et coo, cĩ athii balna cĩ
anyi nẽ Nyekuc kĩĩ ngĩtĩnnĩ cĩ tiiri,
ĩthõng thĩ, aari kẽnnẽ thĩnĩn cĩnnĩ vẽlẽk
balintia cĩnnĩ cobbi õrrõt,
ĩthõng ikiyyia ĩthĩ et cĩ tiiri,
cĩ athaan eet õõgĩ õrrõt!”
8 Kaavẽ kẽnnẽ na kĩ kẽẽt cĩ olivi
cĩ alĩthĩ Ciitha cĩ Nyekuco jurrung.
Kaari na thĩnĩn cannĩ mĩnanintia cĩnnĩ
ĩcĩ alna kũdũt.
9 Kadihiththi katĩ na aniitia dõõkĩthĩ,
nyatarka thõõth cĩ ĩdĩmanu balna niinia,
kaari katĩ na muwẽẽnĩt cannĩ cĩ abũnna thaarĩy cugunik,
nyatarka abũnna thara cugunniek.
Kadihithi katĩ na aniitia nguumtẽnẽy
cĩk eet cugunik cĩk dĩhĩmĩk.