Tẽgẽl 47
Ẽẽn tẽgẽl coo cĩ lõgõõ cĩk lõgõõ cĩk Kõõra, cĩ eyeleei makayyioiti belliok kebelit.
1 Apanit athĩn cuguk niigia eeta vẽlẽk cĩk loociowu,
ĩthĩrantek Nyekuc talintia!
2 Ẽẽn Makayyioiti cĩ Ijiar vẽlẽk tiirthẽt kĩ bulẽnĩt,
Alaan cobbi cĩ agam looc vẽlẽk.
3 Anyet balna nẽ kagamta loociok,
ĩthõng arĩk ĩnõõgõ thoonĩy cĩgaac.
4 Ẽbẽracet balna Nyekuci ageeta looc cĩ kabarĩca,
cĩ ẽngẽrẽnĩ eeta cĩk Yokobĩ cĩ balna amĩnan nẽnẽ.
5 Õtõd balna Nyekuci tiddina thĩrana cĩ talintio,
õtõd Makayyioiti rowua ĩcĩ tulelenyawu.
6 Ebelliek niigia Nyekuc dĩhĩthẽnĩt, ebelliek dĩhĩthẽnĩt,
ebelliek dĩhĩthẽnĩt Alaan cĩnac, ebelliek dĩhĩthẽnĩt.
7 Nyatarka ẽẽn Nyekuci Alaan cĩ looc vẽlẽk,
ebelliek niigia ĩnõõnõ tẽgẽl cĩ dĩhĩthẽntõ.
8 Ẽẽn Nyekuci Alaan cĩ agam loociok vẽlẽk,
aavĩ Nyekuci taabawa cĩnnĩ ĩcĩ dĩhĩmĩ.
9 Alũtẽ makayyiowa cĩk loociowu
kĩ eet cĩk Nyekuc cĩ Abrahamĩ,
nyatarka alaanẽta cĩk loocu ẽẽn cĩk Nyekucak,
adĩhĩth eeta ĩnõõnõ õrrõt kũdũt.