Tẽgẽl 46
Ẽẽn tẽgẽl coo cĩ lõgõõ cĩk lõgõõ cĩk Kõõra, cĩ eyeleei makayyioiti belliok kebelit.
1 Ẽẽn Nyekuci ngĩtĩ kalugunyenia naaga, ĩthõng ẽẽn tiirthẽt cĩnac,
ellet nẽ ageeta dõõkĩthĩ ngĩ kapĩrna naaga.
2 Ĩthõng thĩna, athii katĩ cĩ kongolina naaga, kõdẽ woyyia kõtõmõ lõõcĩ loota,
ĩthõng utduktothĩk thiiryiowa bũlũca cobbi,
3 kõdẽ woyyia ngĩ ẽgẽrẽny maama cĩgĩnnẽk, ĩthõng uduuvitõ,
õmmõnnĩ kẽnnẽ maama thiiryiok.
4 Aavĩ duwwua cĩ anyi lilliowa cĩgĩnnẽk talinit
kõrõõk cĩ gaalawu cobbi cĩ Nyekuco,
ẽẽn ngĩtĩ angiranni cĩ aavẽ Nyekuci cĩ Ijiar vẽlẽk.
5 Aavĩ Nyekuci natẽ, ĩthõng athii katĩ cĩ athaan eeti ĩmma nginicẽ,
ẽẽla katĩ Nyekuci ĩnõõnõ katĩ ngĩĩ lõõcĩ wataak.
6 Atalmanyantẽ loociowa, ĩthõng ijiaryie kabicõnĩnẽ,
ĩthõng õdõng Nyekuci molook cĩnnĩ, ĩthõng õbõõwẽ lõõcĩ.
7 Aavĩ Makayyioiti cĩ Ijiar vẽlẽk kĩ ageeta,
ẽẽn Nyekuci cĩ Yokobĩ ngĩtĩnac cĩ alũwẽ kõkõm.
8 Ivitia niigia ĩcĩnĩt tiicanẽ cĩk Makayyioktak,
thaniniet cĩ ayahai nẽ looc.
9 Abĩlnĩ nẽ jõrẽnĩn looc vẽlẽk,
ĩthõng uduul kirihit kĩ dĩla,
ĩthõng ũtũũth kilibwua guyyia.
10 “Aavut niigia tiv, ĩthõng agaac keeni na Nyekuc,
kadĩhĩthẽ katĩ na loociowẽy vẽlẽk,
kadĩhĩthẽ katĩ na looc vẽlẽk.”
11 Aavĩ Makayyioiti cĩ Ijiar vẽlẽk kĩ ageeta.
Ẽẽn Nyekuci cĩ Yokobĩ ngĩtĩnac cĩ alũwẽ kõkõm.