Tẽgẽl 39
Ẽẽn tẽgẽl cĩ Davide coo, cĩ eyeleei makayyioiti belliok kebelit. Athĩ balna thar cĩ makayyioit cĩ tegeluanu Jeduthan.
1 Kathĩ na ne, “Kebeei katĩ na goolliok cĩganĩk,
ĩthõng ĩthĩnga kẽgẽrẽthani kũtũga cannĩ.
Athii katĩ cĩ kothoothi, wathinniowẽy vẽlẽk
ĩcĩk karũmenia kĩ eet cĩk gerthek.”
2 Ĩthõng thĩ, kẽnnẽ balna ngĩ kĩjakcie na, ĩthõng kitivanẽ,
ĩthõng ngaanĩ kuduwa thõõth cĩ abũnna buu,
ikiyyia balna ĩtõõrẽ pĩrnanẽtĩ cannie.
3 Aaburi aneeta thĩnĩn cannie ĩcĩtõ,
mĩ kamui thõng, acananna kẽnnẽ õrrõt,
ngaatĩ wanĩco kajinie Makayyioit kẽnnẽccẽ ne,
4 “Makayyioit, yeleha turnanẽt cĩ rũgẽt cannĩ
kĩ ngatĩ ẽnnẽ iinyia cĩganniek cĩk ngaanĩ uungnothi thõng,
anya kagga ngĩ avir wathinniowa cĩk rũgẽt cannĩ tamanoko.
5 Anyiwu balna niia avuthit cannĩ kĩĩ tura,
ĩĩtõ erkinya cĩk avuthit cannĩ õgõõn
kĩ gimma kaganoko nguuma cunni.
Õgõõn rũgẽtĩ cĩ et codoi codoi
kĩ tivongi kaganoko.
6 Aavĩ eeti kĩ ririwacĩ kaganoko,
ĩthõng ĩĩtõ tiicanẽ cĩgĩnnẽk kaal kaganoko,
athadeei nẽ balinit, athii cĩ agawĩ
ngẽnẽ katĩ cĩ adĩmanini balinit nĩcẽ.
7 “Ĩthõng thĩ, yoko Makayyioit, nyia cĩ ngaanĩ kadiimi na wo?
Kaari na muwẽẽnĩt cannĩ cĩ abũnna kĩ aniitia.
8 Ẽẽlawa aneeta gerthetina cannĩ vẽlẽk,
nyĩ anyi katararyia giithiaha.
9 Kĩjakcie balna na, ĩthõng athii woccia cĩ kapui kũtũk cannĩ buu,
nyatarka aniitia cĩ adĩmaneca aneeta thõõth coo wo.
10 Bĩlĩ ukwẽẽnĩt cunni wo ĩcannĩ.
Amaaca aneeta ukwẽẽntĩ cĩ athiit cunni.
11 Egerenyeei niia eet, ĩthõng itirithu ĩnõõgõ,
nyatarka gerthetin cĩnĩng,
ẽgẽrẽthani niia balinit cĩnĩng kĩ thõrõwõnyẽ,
ẽẽn eeti tivongi kaganoko.
12 “Makayyioit, thĩk lawinit cannĩ,
thĩk ulua cannĩ cĩ elintio,
nyĩ ĩjakcie, nyatarka ulua cannĩ,
nyatarka kaavẽ na ĩcunni kĩ takanti,
kĩ õõ baatĩ baatĩ baangietĩ cĩganniek.
13 Nyẽẽĩ varac cunni ĩcannĩ,
kĩĩ katĩ woccia kũrũba talinit naboo,
ngaanĩ kadaawũ.”