Tẽgẽl 38
Tẽgẽl cĩ Davide cĩ ajini nẽ Nyekuc kũtũngek gerthetin cĩnnĩ.
1 Makayyioit, nyĩ egerenyeca varacintia cunni,
kõdẽ nyĩ uukca aneeta varacintia cunni õrrõt.
2 Nyatarka icciayya balna aneeta nyarangĩta cugunniek,
ĩthõng uukca niia aneeta athĩnẽy cugunik.
3 Kĩmori na, nyatarka varac cunni,
athii ammẽ cĩganniek cĩ abũnna, nyatarka gerthetin cannĩ.
4 Atamaaca gerthetini cannie aneeta
kĩ ijjio cĩk adĩngdĩngĩ õrrõt kũdũt katĩ ngĩ kocodi na.
5 Ummuẽcõ kaakuanya cĩganniek, ĩthõng uwucit õrrõt kũdũt,
nyatarka gerthetin kĩ giithakthẽt cĩnanĩ.
6 Agiinyi balna ẽlẽ cannie, ĩthõng awuci,
kalu na tub mothintia.
7 Aaburi ẽlẽ cannie ẽcẽrẽt õrrõt,
athii cĩ abũnna ẽlẽ cannie.
8 Athii cĩ õkõmĩ ẽlẽ cannie, ĩthõng uduule vẽlẽk,
ĩthõng kabalaci na wuciitha cĩ thĩnĩno.
9 Makayyioit, edenyiay thoothiowa cĩkkõ vẽlẽk
kĩ aniitia, ma ngĩ kabalaci nana,
athii cĩ kalugunyie ĩcunni.
10 Athĩ thĩnĩn cannie puk, puk,
ĩthõng ithii tiirthẽtĩ kĩ aneeta tõõ,
kõdẽ ĩthĩnga lanyĩtĩ cĩ kẽbẽrẽ cĩganĩk acĩnẽ.
11 Utuburyia gõõnõga, nyatarka kaakuanya cĩganĩk,
aavuttia eeta cĩk kabakanona rẽẽna kĩ aneeta.
12 Edettia eeta cĩk adiim ngĩ arukca edettiek nyeritienya.
Õthõõththa eeta cĩk adiim ngĩ
ayahaca canan adiim arukca aneeta.
Atukwuan nẽẽgẽ võlõng tub.
13 Kaavu na kĩ eeti cĩ adĩĩtĩ kĩĩna cĩ athii cĩ athĩknẽ.
Kaavu na kĩ eeti cĩ athii cĩ aga ngatĩ õthõõthĩ.
14 Kikiyyia balna kaavu kĩ eeti cĩ athii cĩ athĩknẽ buu
cĩ athii cĩ ẽdẽcĩ kũtũgĩ cĩnnẽ thõõth.
15 Makayyioit, kereyyi na aniitia,
Makayyioit Nyekuc cannĩ, ẽdẽcca katĩ niia aneeta.
16 Nyatarka kathĩ balna na ne,
“Nyĩ anyi ĩnõõgõ katararyia aneeta,
kõdẽ kĩdĩhĩthĩt eleeti cĩgĩk,
nyatarka aneeta, katĩ ngĩ kuuki looc.”
17 Kõbõwẽ kuuka looc,
ĩthõng alna ẽcẽrẽt ẽlẽ cannie dõõkĩthĩ.
18 Kaduwai na gerthetin cannĩ Nyekuc,
acananna gerthetini cannie.
19 Mẽẽlĩ eeta cĩk ẽẽn mĩrõk cĩganniek cĩk tiirtik,
ĩĩtõ mẽẽlĩ eeta cĩk akanana aneeta,
kothii thõõth cĩ kẽgẽrẽthana buu.
20 Adũman nẽẽgẽ thoothonniok cĩganĩk
cĩk abũnna gerthetina,
adaacca aneeta katĩ ngĩ
kadĩmani thõõth cĩ abũnna.
21 Makayyioit, nyĩ ũũngnĩca aneeta,
Nyekuc cannĩ, nyĩ eeni rẽẽn kĩ aneeta.
22 Makayyioit Ellioit cannĩ,
ijjia ẽẽla aneeta taman.