Tẽgẽl 27
Tẽgẽl cĩ Davide.
1 Ẽẽn Makayyioiti lanyĩt kĩ elianĩt cannĩ,
kongollie katĩ na ngẽnẽ?
Ẽẽn Makayyioiti tiirthẽt cĩ rũgẽt cannĩ,
kongollie katĩ na ngẽnẽ?
2 Mĩ avvu eeta cĩk gerthek kĩ aneeta,
ĩthõng athĩ ne, kivitia kurukta aneeta,
mĩ avvu mĩrõwa cĩganniek,
kĩ eet cĩk akanana aneeta jora kĩ aneeta,
ĩdda katĩ bĩĩ ĩnõõgõ kuukitõ looc.
3 Kõdẽ woyyia kĩlĩktaha aneeta nyĩcẽkẽrĩ,
athii katĩ cĩ kongollie nana,
kõdẽ woyyia ngĩ kikiyyiaha jore aneeta,
alna katĩ õkõmĩ thĩnĩn cannie.
4 Kajini na Makayyioit thõõth codoi doo,
ĩthõng kẽrẽ thõõth nĩcẽ õrrõt,
cĩ anya kaavu Ciitha cĩ Makayyiokto,
wathinniowẽy vẽlẽk ĩcĩk karũknẽ nana,
kĩĩ katĩ kĩcĩn bulẽnĩt cĩ Makayyiokto,
ĩthõng kidiima ĩnõõnõ Ciitha cĩnnĩ.
5 Nyatarka wathinniowẽy ĩcĩk pĩrnantak,
athunnia katĩ nẽ aneeta ngatĩ aavẽ nẽnẽ,
alugunya katĩ nẽ Ciitha cĩnnĩ,
kõdẽ aarĩca naaraba cĩ wuuni.
6 Ĩthõng thĩ, kijiari katĩ na,
mĩrõk cĩk alĩhananĩ,
kapaaei katĩ ĩnõõnõ gii cĩ cavĩto Ciitha cĩnnĩ talintia,
kebellie katĩ, ĩthõng kĩdĩhĩtha Makayyioit.
7 Makayyioit, thĩk molook cannĩ katĩ ngĩ kavvuyyi nana,
tamatĩhanĩ, ĩthõng ẽdẽcanĩ.
8 Õthõõth aneeta thĩnĩn cannie aniitia athĩ ne,
“Diim nguum cĩnnĩ!”
Makayyioit, kadiimi katĩ na nguum cunni.
9 Nyĩ alugunyi niia nguum cunni kĩ aneeta,
nyĩ ingkayya ticciannioit cunni varaaca.
Eeni balna niia Ellioit cannĩ.
Nyekuc Ellioit cannĩ,
nyĩ abũrna, kõdẽ ũũngnĩca aneeta.
10 Kõdẽ woyyia ngĩ ũtũngtea baangĩ kĩ yaang,
ẽlẽmnya katĩ Makayyioiti aneeta.
11 Makayyioit, limana thõõth cunni,
bitia gõõla cĩ edeemothi,
nyatarka mĩrõk cĩganĩk.
12 Nyĩ anyi mĩrõk cĩganĩk kijiaryanĩ, nyatarka
eet cĩk ẽẽn kẽbẽrẽ cĩk aduwa võlõng kĩ aneeta,
ĩthõng ẽgẽrẽny adiim ngĩ arukcanĩ.
13 Kagga na jurrung kacini katĩ
bũnnathĩt cĩ Makayyiokto
looca cĩ eet cĩk arũgĩ.
14 Rẽẽ niia Makayyioit!
Ĩthĩ tiir, ĩthõng anyiwu thĩnĩn cunni kõkõm,
ĩthõng ereewu Makayyioit!