Tẽgẽl 23
Tẽgẽl cĩ Davide.
1 Ẽẽn Makayyioiti tũwayyioit cannĩ,
athii katĩ gimma cĩ kadiimi na tõ.
2 Anya nẽ aneeta yuwuthõn ngatĩ aavẽ kartienti cĩ abũnna,
okoyyia nẽ aneeta ĩcĩ maam cĩk aatĩ tiv,
3 anyĩk nẽ ririwac cannĩ kĩĩ tiir naboo.
Okoyyia nẽ aneeta ĩcĩ goolliok cĩk edeemothi,
nyatarka thar cĩgĩnĩk.
4 Kõdẽ woyyia ngĩ kõwõ na
muwuratõ cobbi õrrõt ĩcĩ daaĩtho,
athii katĩ gii cĩ gerthe cĩ kongollie na tõõ,
nyatarka karũmẽ naaga kĩ aniitia,
anyĩk tẽlẽẽĩ cunnie cĩ towominto
thĩnĩn cannĩ kõkõm.
5 Adĩmaneca niia aneeta dainit cobbi
kõrgẽna cĩ mĩrõk cĩganĩk.
Avuudi niia õõ cannĩ ngooroca ĩcĩ gataninto,
ĩthõng anyiwu lõkũlkũl cannĩ kĩbbĩt kutduutie.
6 Dĩdĩ, õwõbja katĩ aneeta bũnnathĩtĩ kĩ mĩnan
wathinniowẽy vẽlẽk ĩcĩk rũgẽt cannĩ.
Ĩthõng katĩ kabaaha
Ciitha cĩ Makayyiokto kũdũt.