Tẽgẽl 20
Ẽẽn tẽgẽl cĩ Davide coo, cĩ makayyioit cĩ tegeluanu.
1 Atajanni woccia Makayyioiti katĩ ngĩ aavẽ niia pĩrnanta.
Anyĩk thar cĩk Nyekuc cĩ Yokobĩ kũthũtĩ aniitia.
2 Anyĩk woccia kitionai nẽ aniitia elinit Ciitha cĩnnĩ,
ĩthõng anyi elinit Thiona.
3 Ahada woccia nẽ kaal cĩk cavawu cugunik vẽlẽk,
ĩthõng ẽlẽm anyinit cunni cĩ avaaddi vẽlẽk.
4 Anyi woccia nẽ aniitia thoothonniok cĩk adiim thĩnĩn cunnie,
ĩthõng anyĩk nẽ thoothonniok cugunik vẽlẽk kĩdĩmantẽ.
5 Kẽgẽrẽny naaga bẽlbẽllõna katĩ ngĩ ijiaru niia mĩrõk,
ĩthõng katĩ kodongit berettua thaarĩy cĩk Nyekuc cĩnac.
Atajan woccia Makayyioiti thoothonniok
cĩk ajini niia ĩnõõnõ vẽlẽk.
6 Kagawa na yoko, ngatĩ ẽẽlĩ Makayyioiti alaan
cĩ balna ẽbẽra nẽnẽ,
ẽdẽcĩ nẽ ĩnõõnõ ngatĩnnĩ cĩ dĩhĩmĩ tammuatiddina,
attia cĩnnĩ ĩcĩ tiiri ĩcĩ elianto.
7 Aari eeta gwuak thinneti cĩgĩk toromilẽt
cĩk agurut nyangõlẽnya,a kõdẽ nyangõlẽnyay.
Ĩthõng thĩ kẽnnẽ, kaari naaga thinneti cĩgaac
thaarĩy cĩk Makayyioit Nyekuc cĩnac.
8 Atdukai nẽẽgẽ looc, ĩthõng ijiaryie,
ĩthõng thĩ kẽnnẽ, keegin naaga tiirti,
ĩthõng kĩngathĩ naaga kĩbĩlĩt mũrũũr.
9 Makayyioit, ẽẽla niia alaan!
Tajanet katĩ ngĩ kavvuyyi naaga!