Tẽgẽl 15
Tẽgẽl cĩ Davide.
1 Makayyioit, ngẽnẽ cĩ woccia cĩ aavĩ Ciitha cunni?
Ngẽnẽ cĩ woccia cĩ abaak thiira cunni ĩcĩ dĩhĩmĩ?
2 Et cĩ aavĩ cĩ kothii gerthetin,
cĩ atican tiicanẽ cĩk edeemothi,
ĩthõng õthõõth thõõth cĩ ẽẽn dĩdĩ
cĩ aku thĩnĩna cĩnnĩ,
3 athii nẽ cĩ ayak kirirẽn,
ĩthõng athii cĩ adĩman et cĩ abakanõy buth,
ĩthõng athii cĩ adaac gõõnĩ.
4 Abũrĩ nẽ eet cĩk gerthek, ĩthõng thĩ,
kẽnnẽ, ongollie eet cĩk ongollie Makayyioit.
Athũnnĩ nẽ kõngan cĩnnĩ,
kõdẽ woyyia ngĩ awuci buu nuun,
5 agama nẽ nyarobinya cĩgĩnĩk dõ,
wũk balna acuwana eeti,
ĩthõng athii cĩ ẽlẽmĩ taabiniet,
kĩĩ katĩ kũmũda eeti cĩ amĩrĩ pĩrnanẽt.
Eeti cĩ adĩman kaal cĩkkõ,
athii katĩ cĩ õmmõtĩ.