Tẽgẽl 14
Ẽẽn tẽgẽl cĩ Davide coo, cĩ makayyioit cĩ tegeluanu.
1 Athĩ giitheeiti thĩnĩna cĩnnĩ ne,
“Athii Nyekuci tõõ.”
Ẽgẽrẽthantẽ eeta, ĩthõng gẽrthẽ thoothiowa cĩgĩk,
athii eeti cĩ atican thõõth cĩ abũnna tõõ.
2 Acĩn Makayyioiti tammuatiddina eet vẽlẽk,
kĩĩ katĩ kĩcĩn mĩ ẽgẽẽnyĩ eeti ĩmma,
ĩthõng ẽrẽppan nẽ Nyekuc.
3 Ẽngẽlanit balna eeta vẽlẽk,
ĩthõng ẽgẽrẽthantõy nẽẽgẽ vẽlẽk,
athii eeti cĩ atican thoothonniok cĩk abũnna tõõ,
kothii nẽnnẽ codoi doo kaganoko.
4 Aliman katĩ thẽk eeta cĩk gerthek thõõth?
Adak nẽẽgẽ eet cĩganĩk kĩcĩ aduk nẽẽgẽ ahata dõõkĩthĩ,
ĩthõng ĩthĩnga alayyu Makayyioit wo.
5 Agam katĩ barritõnĩ ĩnõõgõ õrrõt,
nyatarka aavĩ Nyekuci kõrgẽna
cĩ eet cĩk atican thoothonniok cĩk edeemothi.
6 Ẽgẽrẽthan eeta cĩk gerthek thoothonniok cĩk eet cĩk apĩrna,
ĩthõng thĩ, kẽnnẽ athũnnĩ Makayyioiti ĩnõõgõ.
7 Aku katĩ eliantĩ cĩ eet cĩk Ĩthraĩlĩ Thiona,
mĩ anyĩk Makayyioiti eet cĩgĩnĩk kaavutõ jurrung naboo,
ĩthõng anyĩk katĩ nẽ eet cĩk Yokobĩ kĩ Ĩthraĩl kebelbelit!