Tegeluanu 13

Tẽgẽl 13

Ẽẽn tẽgẽl cĩ Davide coo, cĩ makayyioit cĩ tegeluanu.

1 Makayyioit, ereheca katĩ niia aneeta kuumuc kĩĩ tĩngan?

Alugunyi katĩ niia nguum cunni ĩcannĩ, kuumuc kĩĩ tĩngan?

2 Kuukona katĩ na kĩ muwẽẽnĩt cannĩ ĩĩthõng kĩĩ tĩngan,

ĩthõng kõmõthẽ thĩnĩna cannĩ dõõkĩthĩ, ĩĩthõng kĩĩ tĩngan?

Ijiarya katĩ miroiti cannie ĩĩthõng kĩĩ tĩngan?

3 Makayyioit Nyekuc cannĩ, cĩna, ĩthõng atajananĩ.

Anya tiirthẽt cannĩ naboo, kõdẽ ngĩ kadaai katĩ na.

4 Athĩ katĩ miroiti cannie ne,

“Kijiara balna na ĩnõõnõ.”

Ĩthõng katĩ ebelbelit eeta cĩk akanana aneeta

katĩ ngĩ kuuki na looc.

5 Ĩthõng thĩ kẽnnẽ, kaari na thĩnĩn cannĩ mĩnanintia cunni

ĩcĩ alna kũdũt,

ẽbẽlbẽl thĩnĩn cannie elianta cunni.

6 Kebelei katĩ na Makayyioit tẽgẽl,

nyatarka balna abũnna nẽ kĩ aneeta.