Tẽgẽl 12
Ẽẽn tẽgẽl cĩ Davide coo, cĩ makayyioit cĩ tegeluanu.
1 Makayyioit, ẽẽlanĩ, nyatarka ithiic eeta
wũk balna athĩraryi aniitia,
adaaitõ eeta wũk athũnnĩ thoothonniok cugunik.
2 Aduwaai eeta vẽlẽk gõõnõgĩ võlõng.
Õthõõth kutugeti cĩgĩk thoothonniok
cĩk aniia ne, abũnna cĩk ẽẽn võlõng.
3 Anycĩk woccia Makayyioit kẽtẽdak kutugeti
cĩk õvõlõng vẽlẽk tuu,
kĩ ahaatua cĩk ẽngẽrẽn wo vẽlẽk,
4 cĩk athĩ ne, “Kõvõlõng katĩ naaga kĩ cĩ kadiim naaga,
ẽẽn ahaatuana cĩgaac, ngẽnẽ koccia cĩ abilniet ageeta?”
5 Athĩ Makayyioiti ne, “Nyatarka adĩman eeta eet
cĩk athii cĩ tiirti buth
kĩ ulua cĩ eet cĩk apĩrna,
kĩngathi katĩ nana, kẽẽla katĩ na ĩnõõgõ
eetĩnẽy cĩk adĩman ĩnõõgõ buth.”
6 Ĩthõng athii gerthetini thoothiowẽy cĩk Makayyioktak tõ,
kaavu kĩ thiihiti cĩ athĩ kathalkathala cĩ avaaddi nyekiteta,
ngõnana tũrgẽrẽm kũbũna.
7 Makayyioit, anyet katĩ niia kaavuttia jurrung,
ĩthõng rĩcanahet ageeta eetĩnẽy cĩk õgõõn noko, kũdũt.
8 Irian eeta cĩk gerthek,
katĩ ngĩ idihiththie thoothonniowa
cĩk gerthek kõrgẽna cĩ eetu.