Tẽgẽl 6
Ẽẽn tẽgẽl cĩ Davide coo, cĩ eyeleei makayyioiti belliok kebelit, ĩthõng uukitõ kidõrẽta.
1 Makayyioit, atĩrĩtha niia varacintia cunni,
kõdẽ nyĩ egerenyeca varacintia cunni ĩcĩ obbi.
2 Makayyioit, tamatĩha aneeta, nyatarka athii na cĩ keeni tiir,
Makayyioit, anya kũbũna, nyatarka awuci ammẽ cĩganniek.
3 Omoththie thĩnĩn cannie.
Ĩĩthõng kĩĩ tĩngan Makayyioit, ĩĩthõng kĩĩ tĩngan?
4 Makayyioit, tũũwẽ ijjia ẽẽla aneeta,
ẽẽla aneeta, nyatarka mĩnan cunni cĩ athii cĩ edecciay.
5 Athii eeti cĩ ahadani aniitia katĩ ngĩ adaak tõ.
Athii eeti cĩ adihiththi aniitia loowatõ tõ?
6 Kĩpĩra na tuluwi cannĩ,
ĩthõng baalin vẽlẽk, õcõk tulalõ cĩganniek ngĩtĩ kĩnyawu.
Õcõk tulalõ cĩganniek kwuen.
7 Atavtavtẽ kẽbẽrẽ cĩganniek, nyatarka ulua,
ĩthõng ĩthĩnga acĩnẽ kẽbẽrẽ cĩganniek jurrung, nyatarka mĩrõk cĩganĩk.
8 Niigia eeta cĩk adĩmannu thõõth cĩ gerthe, ũtũngteangũ aneeta,
nyatarka ĩthĩrar balna Makayyioiti ulua cannĩ.
9 Ĩthĩrar balna Makayyioiti ulua cannĩ cĩ tamati cĩnnĩ,
ẽlẽm Makayyioiti lawinit cannĩ.
10 Angawan katĩ mĩrõwa cĩganniek vẽlẽk, ĩthõng abarritita,
avir katĩ nẽẽgẽ ngawanintia.