Tẽgẽl 3
Tẽgẽl cĩ Davide balna ngĩ avir nẽ ĩcĩ ngẽrĩnĩ Abthalamĩ.
1 Makayyioit, ẽẽn mĩrõwa cĩganniek ĩĩthõng!
Ẽẽn cĩk avvu jora kĩ aneeta ĩĩthõng!
2 Õthõõththa aneeta eeta cĩk meelĩk athĩ ne,
“Athii katĩ cĩ ẽẽla Nyekuci ĩnõõnõ.”
3 Ĩthõng thĩ, Makayyioit, eeni niia kilib cannĩ,
anya niia aneeta bulẽnĩt, ĩthõng anya kõkõm thĩnĩn cannie.
4 Kaluei na Makayyioit moloowa cobbi,
ĩthõng ẽdẽca nẽ aneeta thiira cĩnnĩ ĩcĩ dĩhĩmĩ.
5 Kõthõllanie na loota, ĩthõng katangu,
ĩthõng kĩtĩnga naboo, nyatarka Makayyioit cĩ athunnia aneeta.
6 Athii katĩ cĩ kongollie na eet cĩk ẽẽn vucciaknya õmmõtõ,
cĩk alĩhana aneeta.
7 Makayyioit, tĩnga jiena!
Nyekuc cannĩ, ẽẽlawa aneeta!
Uuk mĩrõk cĩganĩk vẽlẽk ngarĩĩna,
lib nyĩgĩt cĩk eet cĩk gerthek.
8 Aku ellianĩtĩ Makayyiokta.
Anyĩk gatan cunni kaavu ĩcĩ eet cugunik.