Daaĩth cĩ abuunyiawu
11
Uduwak Makayyioiti Mutha, ennei ne, “Kayahai katĩ naboo na hecinit ĩmma alaan, kĩ eet cĩk Ijibi. Ma katĩ vurtia cĩnnĩ, anyung katĩ nẽ agiitia õõtõ, ĩthõng ma ngĩ ĩdĩman nẽ, umuryung katĩ nẽ agiitia vẽlẽk õõt ngatĩvõrĩ kũdũt. 2 Duwak eet ennek ne, anycĩk ngaay kĩ kõdõõt abũnna ngĩ ajina eet cĩk Ijibi cĩk abakanõy kaal cĩk adĩmaniay thĩĩhĩy ĩcĩk athĩ kathalkathal kĩ daab.” 3 Anyĩk balna Makayyioiti eet cĩk Ijibi kotongollie eet cĩk Ĩthraĩlĩ, ĩthõng balna otongollie eeta cĩk Ijibi Mutha õrrõt kĩ gaala cĩgĩk kĩ eet vẽlẽk.4 Ĩthõng ethek balna Mutha alaan cĩ Ijibi ne, “Thõõth cĩ aduwa Makayyioiti coo, ‘Tĩbaal tĩna baalina tobbi kõkkõ katĩ na kõwõyyẽ Ijib vẽlẽk. 5 Adaaĩ katĩ lõgõõ cĩk ẽẽn abuuẽt vẽlẽk Ijiba, logoota ĩcĩ ẽẽn abuu cĩ alaano, wũ aavẽ taaba, kĩ abuu cĩ doo cĩ ẽẽn nyakapanait wũ aticanni erekcie, kĩ maala cĩk tiinu cĩk ẽẽn abuuẽt buu. 6 Aavĩ katĩ ulua cobbi looca cĩ Ijibi vẽlẽk, ngaanie balna gimma kutugu ketee, kõdẽ athii cĩ õgõõn naboo. 7 Ĩthõng thĩ, eetĩnẽy ĩcĩk Ĩthraĩlĩ, athii katĩ cĩ orowei kũrũth et ĩmma, kõdẽ kelegit ĩmma.’ ” Ĩthõng ethek Mutha alaan ne, “Ĩthõng thĩ, aga niia ngatĩ ẽngẽrĩ Makayyioiti eet cĩk Ĩthraĩlĩ kĩ eet cĩk Ijibi. 8 Avvu katĩ gaala cugunniek koo ĩcannĩ, ĩthõng akattieha aneeta kuthungti, ululi ĩcannĩ, ĩthõng entea ne, ‘Bĩtõ, aniit kĩ eet vẽlẽk wũk owobji aniitia!’ Ĩthõng katĩ kũwa na vurtia.” Ĩthõng avarac Mutha õrrõt, ĩthõng ũũk ũtũngek alaan.
9 Uduwak balna Makayyioiti Mutha, ennek ne, “Athii katĩ alaanĩ cĩ Ijibi cĩ athikni aniitia, ĩthõng katĩ kĩĩ kĩdĩman na tiiciok cĩk anaat eeta cĩk meelĩk Ijiba,” 10 Ĩdĩman Mutha kĩ Aarõn tiiciok cĩk anatti, vẽlẽk ngatĩ aavẽ alaanĩ, ĩthõng aanyĩk Makayyioiti thĩnĩn cĩ alaano kõkõm kĩĩ gẽrtha, ĩthõng ĩnĩnga nẽ anyi eet cĩk Ĩthraĩlĩ kõõt looca cĩnnĩ ngatĩvõrĩ.