1
1 Gɩrɛ kɔɔ hanɩ kɛkɛkɛ fʋ paar, gɩrɛ sɩ kɔɔ nɩɛnɩ, gɩrɛ sɩ kɔɔ yɩnɩ na asɩ yi dɩ sa-n hɩɩn, dɩ asɩ nyɛ̃ dakha kɔɔ tharrɔ, kɛ dɔnɩ yi thɩmɩɩ, gɛr sɩ khere nar.
2 Dɩ yireele kɔɔ yɩrrɛ dɩ sɩ kɔɔ yɩ gɩ, dɩ sa-n mɩɩ sobɔ so jɩɩr, dɩ yire khorrɩdara sɩ-n mɩɩ nɩ, kɛ kɔɔ hanɩ Thɩrɛɛ pa sa yɩr sar gɩrɛ.
3 Gelela sɩ kɔɔ yɩnɩ a nɩɛna gɛr sɩ-n mɩɩ nɩ, dɩ mɛ̃ nɛrɛ dakha na do kha kũu bɩnɔ na sɛrɛ; dɩ ado sɛr gɩ sɩ dor kha kũu bɩnɔ na Thɩrɛ nakha ɔɔ Bikuun Jeju Kirisiti.
4 Dɩ sɩ-n kherere ga thɩ̃sɔɔkɛ dɩ mɛ̃ asɩ da na jɩɩ do daʋ na ka.
5 Dɩ thɩmɩɩrɩkɛra sɩ kɔɔ nɩnɩ ɔɔ pa, dɩ sa-n mɩɩ nɩ gɩrɛ, gɛr dʋɔn Thãgba dʋɔn dahɩrɛ, dabirə na haaraa fɩɩʋraka'.
6 Dɩ a sɩ so ayɩ, sɩ dor kha kũu bɩnɔ na ɔr, sɩɩ do dabirə sɩ-n jalna, sõsor sɩ kur, sa-n cʋʋ gɩrɛ dɔnɩ sobɔra'.
7 Sɩ ado sɩ-n jaal na dahɩrɛ mɔ̃kɛ ɔɔ thɛthɛ hanɩ dahɩrɛra, ga dor sɩ kuune khasɔ bɩɛlbɩɛl dɩ ɔɔ Bikuun Jejuu tɔmɩ̃ na-n cɔcɔɔ sɛr sopugo ɓibi.
8 Ado sɩ so ayɩ, sa hana sopugoə', ga dor dɩbara sɩ-n fɩɩl dɩ sobɔr na ha sara'.
9 Sɩ ado sɩ cã asɩ sopugosɔ, sobɔdaar Thãgba do, na fɩl sardaar, a na faa asɩ sopugosɔ na ha sɩ, sɩ a cɔcɔɔ sɩ asɩ thɩ̃ gõgolõ fɛʋ.
10 Dɩ ado sɩ so ayɩ, sa kɔɔ cʋʋ sopugoə', ga dor sõsodaar sɩ cʋgʋʋ dɩ do, dɩ ga dor ɔɔ so na haan asɩ bɩnɔa'.