4
1 Gɛr gɩ gɩdonɩ Kirisiti kɔɔ gaarɛ bʋɔ tomɩrra, nɛrɛ dakha nɩ hana ga kpɩɛr ca, gɩdonɩ ʋrɛɛkɛ gaarɛnɩ bʋɔ tomɩrra a-n sɩrɔrɛ sopugo cʋʋrɛ.
2 Thɩ̃ puu ƴaalɛɛkɛ n kɔnɩ tibil thue ga-n do gɛr dɔ ɔɔ yi hana bã, sɩ mɔ̃kɛ Thãgba n ƴaalnɩ a-n hana fɩlɛ ɔɔ yirəəkɛ sɩɛraanɩ kɛkɛ thɩɩra.
3 Gɩdonɩ bɔɔkɛ kɔɔ kanɩ gɩ thʋnɛ dã mɛ̃ mɔ̃ nɩ kɔɔ cʋʋnɩ gɩrɛɛkɛ n kɔɔ danɩ thɩldara haar dɩ wa-n cʋʋ. Nɩ kɔɔ faarɛ dɩbara dakhaba cʋʋrɛra, na thɩ̃ puu ƴaalɛlaakɛ n kɔ nɩnɩ thue, na ta laarɛra, na gbõgolõ dɩko khorra, na ta yɔ kpãkpaanɛna, na thɩl kpal dɩɩrsɔra.
4 Dɩ wɩ yɩɛnɩ dɩɩ kpal war mɔ̃ na-n tuni na-n kpaarɛ kha na wɛr dakhaba thɩ̃ cʋʋ jɔjʋɔraalera bã wɩ-n kue ner;
5 sɩ wa mɩɩrɛ awɩda na ha ʋrɛɛkɛ tɔɔnɩ ga too sɩ a na-n kɩɩlna yidara na khe.
6 Gɛrra dɔ nɔɔ dakha dɩ Thãgbaa thɩmɩɩ kɔɔ mɩɩ wɩrɛraakɛ kɔɔ khenɩ, dɩ ga dor mɔ̃ awɩ tomɩ 'lɛnɩ kɩɩlʋ mɔ̃ wɩ donɩ tibil, awɩ thu na hananɛ yire mɔ̃ Thãgba hana gɩnɩ.
7 Thɩ̃ɛ fɛʋʋ khu pa wɔrɔnɛ, gɛr gɩ nɩ fɔ dɩbara, a na jʋrɛna, a na bɩɛlna Thãgba.
8 Sɩ gɩrɛ jɔnɩ thɩ̃ɛ fɛʋ dʋɔn na-n jɩɛ na kha bɔɔbɔɔ, gɩdonɩ naʋ n thire sopugo jɔjʋɔra.
9 Na-n tea kha kpakpaalɛ sɩ hũhuune na-n hala'.
10 Mɔ̃ nɩ donɩ wɩrɛ 'lɛnɩ Thãgbaa bɔ jɩ khaardasɔ dɩɩdɩɩ dɩ na-n dona thɔmaakɛ bʋɔnɔnɩ, dɔ nɛrɛ fɛʋ bɩɛlbɩɛl n gba khaardaakɛra nɩ 'lɛnɩ na-n bulnə ɩkhasɔ.
11 Dɩ a tibil 'lɛ punone thɩmɩɩ mɩɩrɛra, dɔ a na-n mɩɩ thɩmɩaakɛ thɛnɩ Thãgbaa nɔɔ; dɩ a tibil 'lɛ punone thɔ̃ dʋʋrra, a na-n dɔ na Thãgbaa fãgaakɛ a haanɩ; dɩ mɛ̃ thɩ̃ɛ fɛʋra Thãgba na 'lɛr khɩɩrɛ, gɩ do Jeju Kirisitii pa gɩ the, kɛ hɩnanɩ i dʋbɩrɛ na fãga bɔɔ fɛʋ waa khorr vʋ̃ʋ. Amɛn.
12 Nɛrɛɛkɛ mɩ-n nanɩ, na-n do gɩ kpal nar gɩ ho nar thɩ̃ phaa, dɔɔraakɛ nɩ hanɩ gɩrɛ dɩɩ mɩɛ nɩ dɩ ga-n hɩɩna'.
13 Sɩ nɩ ka na kãkanɛ mɔ̃ nɩ bulni kha na gaarɛɛkɛ Kirisiti kɔɔ gaarnɩ, gɩ do nɔɔ dakha na-n kãka na daʋ ɔɔ i dʋbɩ wirəəkɛ na phananɩ.
14 A Kirisitii i do kɩrʋ dɩ wa nɩɩr nɩ ga-n da nar, gɩdonɩ Thãgbaa Thuukɛ n nɛnanɩ mɔ̃ ɔɔ i dʋbɩ hanɩ ha narɛ.
15 Tibil nɛrɛra na-n gaar tɩɩ kʋdaar dʋʋrra ga, dɩ yudaar dʋʋrra ga, dɩ puu cʋʋdaar dʋʋrra ga, dɩ gɩrɛraakɛ na hɩɩrɛɛnaa ga,
16 sɩ ado Kirisitiida dʋʋrra gɩ, yicuru na-n fʋ nta', sɩ a ka na khɩa Thãgba ireraalera.
17 Gɩdonɩ bɔɔkɛ Thãgba na kɔɔ fʋnanɩ ɔɔ too kɩɩlɛ gɩ daan; dɩ ado sɛr ga kɔɔ fʋna ɓo, wɩrɛ na-n nɩɛnɩ Thãgbaa tutugo bʋɔɔ thɩmɩɩ nũə', mɔ̃ awɩda na ha?
18 Gɩdonɩ gɩ kherere Thãgbaa sɛbɛra ayɩ: «A gɩ sɩ fɩɩʋ sɩɩ do tɩɩ sarʋ na 'lɛ taara', dɩ mɔ̃ ga ha ʋrɛraakɛ na-n therananɩ Thãgba ga a dona sopugodaar?»
19 Gɛr gɩ wɩrɛ n gaarɛnɩ mɔ̃kɛ Thãgba tuur hanɩ na-n jalana awɩ bɔ cʋʋra a gbana awɩ ha na pɛ thɩ̃ Tidaar bʋɔɔ nyɔ̃kɔɔ.