4
1 Anye n ɩnana kɩla na kɛ̃kɛrɛnɛ anɩ thɩ̃thɩɩn saagado anɩ thɩ̃ ƴaal kpãkpãa kheekɛra n hərəne nini ga?
2 Nɩ-n pɩɛrɛ haar sɩ na yɩ ga; tɩɩ kɔ ha nɩ na yeye, sɩ na puno na 'lɛ thɩ̃ɛ kpɩɩraka'. Nɩ hananɛ kɛ̃kɛrɛnɛ na kɩla sɩ na hana dɩkha dɩ ga do anɩda fɩɩʋraka', gɩdonɩ na-n bɩɛl Thãgba ga.
3 Nɩ-n bɩɛlɛ sɩ na-n 'la' gɩdonɩ kpɩɛr puu nɩ-n bɩɛlna, nɩ gba na-n kʋɛ anɩ thɩ̃ ƴaal kpãkpãa khera.
4 Nɩ hʋrɛ khɛrɩkɛ hananɩ kuun sɩ da-n ƴaal kũu kpɩɩ. Na jɩ dɩɩ do a tibil na thɩɩkɛɛ thɩ̃, gɩ-n pɛr laarɛ na Thãgba gaa? Tibil wo tibilikɛ n naannɩ thɩɩkɛɛ thɩ̃, a-n debire dɩ do Thãgbaa lãlaardaar.
5 Thueekɛ Thãgba tinəni tibil, nɩ pɛrɛ haar mɔlɔ Thãgbaa sɛbɛ so ayɩ, a hananɛ gbugi thɩ̃ ƴaalɛ ya?
6 Sɩ Thãgba n 'laarɛ bɔ jɩɩr dɩɩ jɔr dɩɩ ha mɔ̃kɛ ɔɔ sɛbɛ sonɩ ayɩ: «Thãgba n bãbaranɛ i ƴaaldara, sɩ a-n jɩrɛ dɩbara jodara bʋɔra.»
7 Dɩ gɛr gɩ na-n jɔ anɩbara Thãgbara, nɩ pɩɛrɛ Satã kĩkĩ a fuu saa faa nɩ.
8 Na-n wɔrɔnɛ Thãgba a na wɔrɔ̃ nɛr. Nɛr sopugodara, na-n hulo nyɛ̃ɛ, nɩ dɔ anɩ ha na-n phu nɛrkɛ n ƴeƴerenenɩ.
9 Nɩ yɛ mɔ̃ nɩ donɩ bɔ kʋ tɩbɩla; na-n bɛ dɩ na-n khɩa. Nɩ dɔ anɩ mãthɩ̃ n debi gɩ do benɩɛ, anɩ da n debi gɩ do gbobire.
10 Na-n jɔ dɩbara Kɔ̃tɩnɩ ƴɛra dɩ ɔr na ɩrɛ nɩ.
11 Omɩna na-n mɩɩ thɩmɩɩ puunə na pɛ khasɔa'. Ʋrɛ mɩanɩ dapuu ɔɔ omina, agɩbo dɩ 'laa da-n yɩ ɔɔ omiida, jɔfʋ a mɩɩrɔ puure da-n kɩɩlna gɩrɛ jɔfʋ sonɩ. Dɩ a fa kɩɩlna gɩrɛ jɔfʋ sonɩ, ga do jɔfʋ hɩ̃hɩn ha fa', sɩ kɩɩldaar ha fɩ.
12 Bɩɛl dɩbara dʋɔn jɔfʋ 'laadaar na kɩɩldaar; ɔr dɔ ʋrɛ na punoneni na cʋʋ tibil da 'lɛ taarɛ, agɩbo a bu. Sɩ fɛrɛ, amɛ fɛrkɛ do dɩ fɩ 'laa na yɩ afɩ 'walãkha tibilida.
13 Dɩ nɛnɛ̃, nɛrkɛ n sɔnɩ dɩ nɩ yɩ: Nĩ agɩbo cʋɔ sa jaal dɩ ʋrɛra, na too yɛ bɩɛl sɩ ƴabɩ sa-n 'lɛ mũsumo,
14 sɩ na jɩ mɔ̃ anɩ yi na hanɩ cʋɔa'. Anye anɩ yi do? Ɩsiirikɛ n bananɩ bɔɔ gbe fɩɩʋ sɩ dɩɩ kur nɩ do.
15 Nɩ teenanɛ nɩ ka na sɔ: A Kɔ̃tɩn tu dɩ sɩ hana yire, sa cʋʋrɛ gekɛ na gekɛ.
16 Sɩ nɛnɛ̃ na-n ƴaal ire kpãkpalã ga, dɩ na-n sona kuune. I ƴaal caar thakɛ puurore ka.
17 Mɛ̃ gɩ ʋrɛ jɛnɩ thɩ̃ bɔ cʋʋrɛ sɩ aa-n cʋa', sopugo a-n cʋʋ.