5
1 Gɩdonɩ gbõdaar wo gbõdaarɩkɛ wɩ-n phiirni tɩbɩlaa thɩ̃thɩɩn, wɩ-n pɩɛraarɛ a na-n dɔ tɩbɩlala Thãgbaa thɔ̃, a na 'laana khaardaasɔ a na jenə bonɩɛ tɩbɩlaa sopugosɔra.
2 A-n dor ʋrɛ na-n hananɩ hɛlɛlɛ fɩlɛ yʋ 'leedarara, na wɩrɛraakɛ lɛnanɩ hʋɛra, gɩdonɩ a dor tibil dakha a yɔɔ.
3 Dɩ yɔɔrɛɛlera dɔ nɔɔ dɩɩ teena a je bonɩɛ ɔɔ thɛthɛɛ sopugosɔra dakha mɔ̃kɛ a-n jini tɩbɩlaadara.
4 Tibil bɩɛl na hale na ti dɩbara nayɩ, ɩnɛr na cʋɛ thɔ̃ caale saagado Thãgba wɩɛ mɔ̃ a wenɩ Aarɔ̃ dɩ ha gaaga.
5 Mɛ̃ gɩ ha na Kirisiti. Ga do ɔr kɔɔ te ire dɩbara ɩnɩ-n dɔ gbõdaara', sɩ a 'lɛ gɛr ʋrɛraakɛ kɔɔ sʋɔraanɩ ayɩ: «Fɛr dʋɔn ɩ̃ Bikuun, mɛr Thãgba kɔna fɩ nĩ gɩrɛ.»
6 Mɔ̃kɛ a sonɩ dakha pa kpɩɩ wo ayɩ: «Fɛr dʋɔn bonɩ jidaar khorr mɔ̃kɛ Mɛlkɩsɛdɛkɩɩ kpam hanɩ.»
7 Ɔɔ yi hana bɔɔ kɛ thɩɩra, khɩɩ khena na yilẽbe a kɔɔ bɩɛlna Thãgba da-n ƴɛɛnaa, ɔrkɛ hananɩ punone na taanaa khirrə, dɩ ɔɔ dɩbara jo dor nɔɔ dɩ Thãgba kɔɔ tu ɔɔ bɩɛl.
8 A donɩnakɛ Bikuun sɩ a kɔɔ dɩɩrɛ nũ nɩɩr dɩɩ the gɩrɛraakɛ a kɔɔ gaarɔnɩ bʋɔ.
9 Dɩ ɔbɔɔkɛ a danɩ waa thu pɩ, a debire do khorr taa 'lɛ paar wɩrɛraakɛ n nɩɛnɛɛnɩ nũu;
10 dɩ Thãgba kɔɔ pɩɛrɛ a dɔ gbõdaar mɔ̃kɛ Mɛlkɩsɛdɛkɩɩ kpam hanɩ.
11 Ga thɩmɩɩra sɩ hananɛ thɩ̃ɛ jɔɔ a na mɩɩ, sɩ thɩ̃ɛ gɩɩkɛ khiinoni mɩɛrɛra gɩdonɩ anɩ nũ ka hulone.
12 Gɩdonɩ nɛrɛɛkɛ kɛkɛkɛ kanɩ teena nɩ deba dɔ tɩbɩlaa dɩɩrdara, nɛr ha wɩrɛ 'lo n ƴaalɛnɩ wɩ birə na dɩrɛ nɩ Thãgbaa so tɔ̃tʋ̃ɔ pa, dɩɩ do ɩlɛ̃ nɩ-n ƴaal 'lo na-n ƴaal dɩko khena ga.
13 Dɩ tibilikɛ n bɔnɩ da-n jɩɩl ɩlɛna, aa-n jɩ gɩrɛ dɔnɩ dasarʋ kpɩa', gɩdonɩ bɩsã buu a do.
14 Sɩ dɩko khena wɩrɛ bɩnanɩ hɩna, kɛ dɔnɩ wɩrɛ mɩlananɩ bɩ̃ kuure, dɩ wɩ puno dɩ wa-n jɩ gɩrɛɛkɛ bʋɔnɔnɩ na gɩrɛ puuroni.