1
1 Mɛr Polɩkɛ dɔnɩ khaɩdaar Jeju Kirisitii sora, na asɩ omi Timothe, thɔna sɛbɛɛkɛ a ha fɛr Filemɔ̃ɔkɛ sɩ-n nanɩ, kɛ sɩ-n donanɩ kha thɔma,
2 a hana dakha asɩ õkhɛr Afɩa na Arsɩpɩɩkɛ sɩ-n kɛ̃kɛrɛnanɩ kɛ̃kɛrɛ̃ bɩɛl, na we gbɛbɩdaraakɛ n gbɛbanɩ kha afɩ cɔ.
3 Thãgba asɩ Thɩ na Jeju Kirisiti Kɔ̃tɩn na-n jɛ nɩ bʋɔra a na hana nɩ dakha ha ɩɩ.
4 Wire fɛʋ mɩ-n khɩɩ ɩ̃ Thãgba dɩ ma-n bɩɛlna dɩ ma-n pɛ far,
5 gɩdonɩ mɩ nɩɛrɛ mɔ̃ afɩ naʋʋkɛ fɩ hananɩ Jeju Kɔ̃tɩnna na tɩɩ phuusɔra fɛʋ hanɩ, na mɔ̃ afɩ ha pɛ hanɩ.
6 Mɩ-n bɩɛlɛ Thãgba dɩ afɩ ha pɛ hana n dɔ thɩ̃ɛɛkɛ hananɩ thɩ̃ cʋʋrɛ gɩ do Kirisitiida dɔ nɔɔ, gɩ cʋʋ tɩbɩla wa-n yɩ sar thɔ̃ bɔ cʋʋ caar dɩɩdɩɩ.
7 Daʋ fʋ mɛr jɔɔ ka dɩ afɩ naʋ dor nɔɔ dɩ ɩ̃ faa haar; gɩdonɩ fɛr dɔ nɔɔ, ɩ̃ omi, dɩ mãthɩ̃ɩ na-n the tɩɩ phuusɔɔ nɔɔ.
8 Kirisiti ha mɛr hʋɛ gbobi dɩ ma puno na so far nayɩ: Fɩ teenanɛ;
9 sɩ naʋ dɔ nɔɔ dɩ ma-n phʋʋr fɩ, mɛr Polɩkɛ dɔnɩ kũu kɔ̃tɩ̃ɩ, a dona dakha nɛnɛ̃ khaɩdaar Jeju Kirisitii sora.
10 Mɩ-n phʋʋr fɛr ɩ̃ bɩsã Onejɩmɩdara, kɛ debanɩ a do ɩ̃ bikuun bɔɔraakɛ mɩ hanɩ khaɩra,
11 kɛ mamara na kɔɔ dɔ farnɩ bɔ taa tibilə', sɩ nɛnɛ̃ bɔ taa tibil a do, sɩ ga do fɛrɛra dɩbara ga, sɩ na mɛrɛra dakha.
12 Mɩ bire thɔnaa ma-n ha fɩ sɩ ɩ̃ yi bi a do.
13 Mɩ kɔɔ ƴaalɛla dɩ na toona mɩ a na-n do mɩ thɔmaakɛ fa kɔɔ do mɩnɩ bɔɔraakɛ mɩ hanɩ khaɩra tutugo bʋɔɔ thɩmɩɩra.
14 Sɩ ma ƴaal ɩ̃ cʋʋ thɩ̃ɛ sɩ ga do fɛr hana mɩ hʋɛa ga, dɩ mɛ̃ ga-n do afɩ bɔ cʋʋ dor fɛrɛ pɛra', sɩ gɩ do afɩ ƴaalla gɩ the.
15 Anaa gɛr a kɔɔ faa far bɔɔ gbe, sɩ fɩ bir fɩ 'lɩɛ waa khorr;
16 sɩ ga do dee khaa bã, sɩ a ba dee, omineekɛ fa-n nanɩ a na do. Mɩ naarɛ ka, sɩ fɛr na naanɛɛnakɛ na ka na jɔ, mɔna a donɩ dee na Kɔ̃tɩnɩda.
17 Dɩ gɛr gɩ ado fɩ-n hɩɩn mɛr dɩ ɩ̃ do afɩ kuun, teaa mɔ̃ fa tee mɩnɩ.
18 Dɩ ado a cʋʋ fɛr puu dɔɔ mɔnakɛ, dɩ a helu gɩ dɩ hana fɩ, dɔ gɩ ha ɩ̃ yʋɔ.
19 Mɛr Pol khera gɩrɛ na ɩ̃ thɛthɛɛ nyɛ̃ ayɩ: Mɛr na lɩma fɛʋ. Sɩ ma so far nayɩ, yireekɛ fɩ hananɩ helu gɩ dɩ fɩ hana ma'.
20 Mɛ̃ gɩ ɩ̃ omi, cʋɛ mɩ bɔ ca ʋrɛ gɩ do Kɔ̃tɩn dɔ nɔɔ; cʋɛ mãthɩ̃ɩ n the mɩ nɔɔ Kirisitiida dʋʋrra.
21 Mɔ̃ mɩ jɩnɩ dɩ fa pɛ mɛr nũu mɩ khere farɛ sɛbɛɛkɛ, mɩ jɩrɛrakɛ dɩ fa cʋʋrɛ dɩ ga jɔ gɩrɛɛkɛ mɩ sonɩ.
22 Sɩ wo, gbɛbɩrɛ mar cɔ paar gɩdonɩ mɩ pɛrɛ haar anɩ Thãgba bɩɛlla na dor nɔɔ dɩ wa faa mɩ.
23 Epafɩrasɩɩkɛ sɩ hananɩ kha khaɩra dɩɩ do Jeju Kirisitiida dɔ nɔɔ, a fʋɔr fɛr.
24 Wɩrɛ fɛʋʋkɛ sɩ-n donanɩ kha thɔma, Markɩ na Arɩsɩtarkɩ na Demasɩ na Luki, wɩ fʋɔr fɛr dakha.
25 Asɩ Kɔ̃tɩ̃ Jeju Kirisiti na-n jɛ nɛrɛ fɛʋ bʋɔra.