3
1 Na khɛ war wa-n jɔ dɩbara fãgadarasɔra na kɔ̃tmasɔra, wa-n nɛ nũu, wɩ tɔɔ thɔ̃ bʋɔ fɛʋʋ cʋʋ too,
2 wa-n mɩɩ thɩmɩɩ puu tibillə ga, sɩ wɩ dɔ ha ie ƴaal tɩbɩla, na bɩ̃ bɔ tɩbɩla, na hɛlɛlɛ fɩldara tɩbɩlala fɛʋ.
3 Gɩdonɩ sɛrɛ dakha thalera sɩ kɔɔ ha, sɩ kɔɔ dor də̃bələ, na nũ nʋra, sɩ kɔɔ buure, a dona dakha ha pɩɛr dea thɩ̃ɛsɔraakɛ n kɔ sɩnɩ thue; sɩ kɔɔ hananɛ bɩ̃ puu na gbugi, dɩ sɩ kɔɔ teenanɛ laarɛ dɩ dakha sɩ-n laarɛ khasɔ.
4 Sɩ ɔbɔɔkɛ Thãgbaakɛ dɔnɩ asɩ Taadaarɩ ha bulo fɩl na ɔɔ naʋ tɩbɩlala yɩrnɩ,
5 gɛr a kɔɔ taa sar, sɩ ga do fɩl sar thɔ̃ dɩkha sɩ kɔɔ cʋa', sɩ ɔɔ bɔ jɩra gɩ, mɔ̃ a cɔcɔɔ sɩnɩ a cʋʋ sɩ dɩ sɩ kɔ̃ daphaa, kɛ dɔnɩ tibil pha dʋʋrɩkɛ Thu Phuu cʋʋ sɩnɩ dɩ sɩ do;
6 dɩ Jeju Kirisiti asɩ Taadaar dɔ nɔɔ dɩ sɩ 'lɛ Thu Phuulera dɩɩ və̃vĩə,
7 gɩ do nɔɔ gɩdonɩ sor hɛl sarɛ bɔ jɩɩrra pɩ, sɩ debi sɩ do wɩrɛ na 'lɛnɩ yire khorrɩkɛra sɩ-n pɛnɩ nũu.
8 Sobɔr thɩmɩɩrɩkɛ do, dɩ mɩ-n ƴaalɛ fɩ bɔ na ɩa gar, dɩ mɛ̃ wɩrɛ pɩɛrnɩ haar Thãgbara na gbuuro yʋʋ wa-n cʋʋ thɔ̃ bʋɔ; gɛr dɔ gɩrɛ telenenɩ a bɔr tɩbɩlala dɩ wa cʋʋ.
9 Sɩ golone də̃bəəl thɩ̃ bana bananɛna, na thɩ kɔ̃ jɔfʋ thɩmɩɩrra, na kɩlasɔ, na thɩ̃ banaa jɔfʋdaara, gɩdonɩ ga do bɔ taa thɩ̃ɛ ha gela', mɔlɔ thɩ̃ɛ gɩ.
10 A fɩ kpãkpãa ʋrɛraakɛ n pɩɛrnɩ leere dɩɩ dã babɩɛl na balanyɔ dɔrɔɔm, fa-n do nɩ ha kha dɩkha bã.
11 Jɛna dɩ tibil ca ole kʋɛrɛ koo, sopugo a-n cʋʋ da-n heen sor dɩbara.
12 Ɔbɔɔkɛ ma thɔ̃ farnɩ Artemasɩ agɩbo Tɩsɩkɩ bãbanɛ sa caanɛ mɩ Nɩkopolɩsɩ, gɩdonɩ mɩ kpɩɛrɛ sa yɩ le ma too yʋʋrɔ.
13 Gʋrɛ thɩ̃ɛ fɛʋʋkɛ dɔnɩ Jenasɩ jɔfʋ dɩɩrdaar na Apolɔsɩɩ kpaarda a pɛ wɩ, dɩ mɛ̃ thɩ̃ɛ na ɓɔr wa'.
14 Dɔ asɩ too dakha n dɩɩr wa-n do thɔ̃ bʋɔ wɩ puno wa-n bul wɩrɛ gɩ-n ɓɔrnɩ ɓɔr bʋɔ, wa-n too gɩ do ga do bɔ taa tɩbɩla ha waa ga.
15 Wɩrɛ fɛʋʋkɛ hanɩ kha na mɛrɛ wɩ fʋɔr fɛr. Fʋɔrɛ wɩrɛ fɛʋʋkɛ n naan sɩnɩ, kɛ sɩ donanɩ kha ha pɛdara. Thãgba na-n jɛ nɛrɛ fɛʋ bʋɔra.