2
1 Sɩ ado fɛr gɩ, na dɩrɛ ga-n jal mɔ̃kɛ dɩɩr bʋɔ hanɩ.
2 Sɔ kũu kɔ̃tɩnana dɩ wa hana dɩbara fʋrɛ, wɩ dɔ dakha tɩɩ cʋnanɛ, a dɔna yʋ bɔ tɩbɩla, wɩ tɛ ha pɛrɛra, na naʋra, na ha fʋrɛra.
3 Sɔ dakha khɛ kpɛɛnana wɩ dɔ awɩ cʋʋ pa na-n nɩna gɩrɛ n dɔnɩ phur; wa-n do i kʋɛ khɛra ga, wa-n do taanɩ dea', sɩ wɩ dɔ khɛraakɛ hananɩ dɩɩr bʋɔ,
4 dɩ mɛ̃ wa puno a na dɩɩr khɛ bɩsana wa-n na awɩ ko, nakha awɩ bɩsãsɔ,
5 wɩ do dakha khɛraakɛ hanɩ hɛlɛlɛ, wɩ hanana fɩl phuu, wɩ dona dakha wɩrɛ n jɩɛnnɩ do awɩ cɔka thɔ̃, wɩ dona dakha khɛraakɛ bʋɔnɔnɩ, wɩ jo dakha awɩ kora gɩ do nɔɔ tibil na puno na kpɛ Thãgbaa soa'.
6 Sɔ daɓolala dakha dɩ wa fʋ dɩbara;
7 sɩ fɛrɛ dakha fɩ do thɩ̃ nɩrɔrɛ thɩ̃ɛ fɛʋra thɔ̃ bɔ cʋʋrɛra mɔ̃ fɩ-n dɩɩrnɩ tɩbɩla na fɩl bʋɔ na cʋ hananɛ,
8 ga-n dɔ thɩmɩɩ bʋɔɔkɛ tibil na yɩnɩ kpɛ paara', dɩ mɛ̃ yicuru na fʋ asɩ lãlaardaar a na yɩ asɩ dapuu mɩɩ pa ga.
9 Sɔ deara dɩ wa jo dɩbara awɩ kɔ̃tɩ̃sɔra, a na da war haar thɩ̃ɛ fɛʋra, wa-n bana wɩ thɩ̃ banaa ga,
10 wa-n yu thɩ̃a', sɩ wa-n nɛna wɩ wire fɛʋ awɩ sobɔdaar do, gɩ do thɩ̃ɛ wo thɩɛna gɩ cʋʋrɛ Thãgba asɩ Taadaarɩ dɩɩr dɩ ga hana cʋrɛ.
11 Gɩdonɩ Thãgbaa bɔ jɩɩkɛ dɔnɩ tɩbɩla fɛʋʋ taa 'lɛ pa gɩ yɩrrɛ dɩphã;
12 gɩ-n dɩɩr sɛr dɩ sa faa thɩ̃ gõgolõ na thɩɩkɛɛ ha pɩɛr, sɩ sɩ too nɛnɛ̃ bɔɔraakɛra sɩ hana dɩbara fʋrɛ, na fɩl telẽe, na Thãgba fɩlɛ,
13 sa-n pɩɛrna kãka wireekɛ sa tornɩ yire gɩrɛra sɩ-n kɔɔ pɛnɩ nũu, kɛ dɔnɩ mɔ̃ asɩ Thãgba Kɔ̃tɩ̃ na Taadaar Jeju Kirisiti na-n ɩnɩ na i dʋbɩrɛ.
14 Ʋrɛɛkɛ kɔɔ faanɩ ɔɔbara asɩ sora, dɩ mɛ̃ a birse si a ti si sopugosɔra fɛʋ, sa phʋɔl sɩ sɩ dɔ caarɩkɛ dɔnɩ ɔɔ thɛthɛɛda, kɛ thɔ̃ bɔ cʋʋrɛ n kʋnɩ thue.
15 Na mɩa ga thɩ̃ɩkɛ, na kpãkpaanɛ tɩbɩlala, na nɛna wɩ awɩ dɩ pa, gɩdonɩ Kɔ̃tɩn ha fɛr hʋɛ. Fa-n do tibil na-n beesi fa'.