1
1 Mɛr Polɩkɛ dɔnɩ Jeju Kirɩsitii thɔ̃thɔn mɔ̃ Thãgba tuni dɩ ma-n mɩɩ yidaakɛ hanɩ Jeju Kirisitira, kɛ Thãgba yɩnɩ ɩna 'laarɛ,
2 mɛr thɔna sɛbɛɛkɛ a ha Timotheekɛ dɔ marnɩ bikuunikɛ mɩ-n nanɩ: Thãgba Thɩrɛ, na asɩ Kɔ̃tɩ̃ Jeju Kirisiti na-n jɛ fɩ bʋɔra a na-n dɔna fɩ dakha bʋɔ, a na-n hana fɩ dakha ha ɩɩ.
3 Mɩ-n khɩɩrɛ Thãgbaakɛ mɩ-n doronɩ thɔma ɩ̃ thɩthɩsɔɔ kha na kpɩɛrnɔ phuu; bɔɔ fɛʋʋkɛ mɩ-n jɩna fɩnɩ ɩ̃ Thãgba bɩɛlla dɩtɩnɛ na dɩwɩlʋ, mɩ-n khɩɩrɛ Thãgba.
4 A ma jɩna afɩ yilẽbi mɩ-n ƴaalɛ ka ɩ̃ yɛ fɩ daʋ n fʋ mɩ vʋ̃ʋ.
5 Mɩ-n jɩnanɛ dakha afɩ ha pɛɛkɛ na hananɩ fɩɩla'; dɩ afɩ nɩ kɔ̃tɩ̃ Lʋɩsɩ na afɩ nɩ Enɩsɩ kɔɔ hana gɩ ɓo, dɩ mɩ jɩrɛ fɩ hana gɛr dakha.
6 Gɛr gɩ dɩ ma-n so far dɩ fa cʋʋ Thãgbaa khaardaakɛ fɩ kɔɔ 'lɛnɩ ɩ̃ nyɛ̃ dɛɛna ga-n jɩɩ le dɔ khaa.
7 Gɩdonɩ Thueekɛ Thãgba ha sɩnɩ na pɛ sar ha phaarɛ kpɩɩraka', sɩ fãga a na-n ha sɩ, na naʋ, na dɩbara fʋʋr.
8 Gɛr gɩ fa-n do yicuru na-n fʋ fɩ asɩ Kɔ̃tɩ̃ɩ sobɔ so jɩ thɩmɩɩra ga, dɩ mɛrɛraakɛ dɔnɩ ɔɔ khaɩdaar ga, sɩ gaarɛ bʋɔ na mɛrɛ tutugo bʋɔɔ thɩmɩɩra, gɩ the Thãgbaa fãgara.
9 Ɔr gɩɩkɛ kɔɔ taa sɩnɩ a we sɩ sɩ pho, sɩ ga do asɩ thɔ̃ cʋʋra gɩ tha', sɩ mɔ̃kɛ ɔɔ ƴaal hanɩ gɩ, na ɔɔ bɔ jɩɩkɛ a kɔɔ maanɩ thɩɩn sar kɛkɛkɛ dɩɩ do Jeju Kirisitii pa gɩ the.
10 Gɛr dɔ gɩrɛ yɩranɩ nɛnɛ̃ Jeju Kirisiti asɩ Taadaarɩ ɩna, kɛ kɔɔ bũburoneni khir, sa gba tutugo bʋɔɔ thɩmɩɩ a nɩnana yireekɛ na dɔnɩ dapɩnana', dɩɩ yɩr dɩphã.
11 Ga tutugo bʋɔɔ thɩmɩɩra Thãgba pɛ mar dɩ ɩ̃ do ga mɩmɩɩ na thɔ̃thɔn na dɩɩrdaar.
12 Gɛr dɔ nɔɔ dɩ ma-n gaar bʋɔ thakɛ sɩ yicuru na-n fʋ ma', gɩdonɩ mɩ jɩɛ jɩ ntɛɛkɛ mɩ pɛrnɩ haar, dɩ mɩ jɩrɛ tue gel dɩ a hananɛ punone a na hɩɩnna gɩrɛ a kɔɔ gbanɩ a dʋ mɩ nyɔ̃kɔɔ gɩ dana ga Wiile.
13 Gba thɩmɩɩ bʋɔɔkɛ mɩ kɔɔ ha fɩnɩ gɩ do far thɩ̃ nɩrɔrɛ fɩ jɩɩllɔ ha pɛrɛra, na naʋraakɛ sɩ hananɩ dɩɩ the asɩ bɩɛl dora na Jeju Kirisiti.
14 Thu Phuukɛ hanɩ asɩ bɩnɔ, jɩɛ fʋrɔ na ɔɔ fãga thɩ̃ bʋɔɔkɛ Thãgba dʋ fɩnɩ nyɔ̃kɔɔ.
15 Fɩ jɩrɛ dɩ wɩrɛ fɛʋʋkɛ hanɩ Ajɩ kɔɔ faa mɛr, ɩkhasɔ wɛrra dʋɔn Fɩjɛl na Ɛrmojɛn.
16 Kɔ̃tɩn n jɛ Onejɩfɔɔrɩ cɔdara wer bʋɔra, gɩdonɩ bɔ jɔjʋɔra ɔr n kɔɔ ƴɔla mɩ haar, dɩ yicuru na kɔɔ fʋʋ ɩ̃ khaɩdaar dora ga;
17 sɩ ɔbɔɔkɛ a hanɩ Rɔm dɩɩra a ka kɔɔ ƴaal mɛr jɔɔ ka sa yɩ mɩ.
18 Kɔ̃tɩn n jɩɛnɛɛ bʋɔra ga Wirəəle gɩ the Kɔ̃tɩnɩ pa. Fɩ jɩrɛ bɔɔbɔɔ mɔ̃kɛ a kɔɔ bul mini jɔɔ Efɛjɩ dɩɩra.