3
1 Jɛna dɩ pɩpɩɩ wiresɔra bɔ puu na hale.
2 Gɩdonɩ tɩbɩla na dor dɩbara nadara, war nadara, nɔfa mɩɩdara, i yaaldara, Thãgbaa i kʋɛdara, thɛ na nɛɛ nũ nʋʋrdara, wa jɩ fɛr hɩna fʋɔra', wa dor Thãgba bodara,
3 wa hana pərrə', wa dor nɔ ɓaar tɩbɩla, tibil i kʋɛdara, dɩbara fʋ 'leedara, ha khedara, fɩl bɔ bodara,
4 tibil liirdara, wolo wolodara, i kadara, gɩrɛ n kɔnɩ tibil thuee ƴaal na har awɩ hara a na jɔ Thãgba ƴaalɛ;
5 sɩrakɛ wɩ hor Thãgba fʋɔrdara sɩɩ do wɩ bor ga fãgaale. Hʋnɔnɛna wa tibil casɔɔle.
6 Wɛ n hale awɩ thɩ̃thɩɩn dɩ wɩ wolõ a lõ tɩbɩlaa cɔ a fʋlɛ khɛr surosɔɔkɛ sopugo doronɩ dɛr a ɩɩrɔ, kɛ dɔnɩ khɛ ƴɩrɛ thɩ̃ caar dɩɩdɩɩ n kʋnɩ thue ka,
7 kɛ n ƴaalɛnɩ wa-n dɩɩr thɩ̃ɛ wire koo, sɩ wa-n mar kpɩɩrakɛ a na dã a na jɩ gɩrɛ dɔnɩ sobɔra'.
8 Mɔ̃kɛ Janɛsɩ na Jãbɩrɛsɩ kɔɔ bãbaranɩ Mʋɩjɩ, mɛna wa tibil casɔɔle n bãbarã sobɔr. Tɩbɩla wɛɛkɛ awɩ kpɩɛr na telena', dɩ wa do bɔ taa tɩbɩla ha pɛdaara ga.
9 Dɩ wa puno na jal ƴɔɔ bã, gɩdonɩ awɩ də̃bəəl na yɩrrɛ tɩbɩlala fɛʋ mɔ̃kɛ kona yenyɔɔleeda kɔɔ yɩrnɩ.
10 Sɩ fe wer, fɩ kpaanɛ ɩ̃ dɩɩrra dɔdɔdɔ, na ɩ̃ cʋʋ para, na gɩrɛ mɩ jɩɩllɔnɩ, na ɩ̃ ha pɛra, na ɩ̃ ha fʋra, na ɩ̃ naʋra, na ɩ̃ yʋ gbuurə,
11 na ɩ̃ kpoora, na ɩ̃ bɔ gaarra. Fɩ jɩrɛ gɩrɛ fɛʋʋkɛ kɔɔ dana mɩnɩ Ãtɩyɔsɩ, na Ɩkɔn, na Lisitiri, kpoore mɩ kɔɔ yɩ gɩmɔ̃, sɩ Kɔ̃tɩn kɔɔ taa mɛr gelela fɛʋ.
12 Dɩrakɛ wɩrɛ fɛʋʋkɛ n ƴaalɛnɩ ɩna-n ɩrɛ na Thãgba fɩlɛ awɩ bɩɛl dora na Jeju Kirisiti, wa yɩrɛ kpoore.
13 Sɩ tɩɩ puusɔ na tɩɩ fɩɩldara wa puurore wa-n pɛr, wa dor tɩɩ fɩɩldara wɩ dona dakha wɩrɛ n fɩlɛnɩ dɩbara.
14 Sɩ fɛrɛ, jɩɛ jɩɩl gɩrɛraakɛ fɩ kɔɔ dɩɩrnɩ, kɛ fɩ jɩnɩ tue dɩɩ do gɛr dɔ sobɔr, gɩdonɩ fɩ jɩrɛ dakha tibil ʋrɛ kɔɔ dɩrɛ fɩnɩ.
15 Dɩ a fʋna afɩ bɩsã bu bɔɔ, fɩ jɩrɛ Thãgbaa sɛbɛ phu, gɛr na punone na ha fɩ kpɛsɛrɛ taa 'lɛrraakɛ fa 'lɛnɩ gɩ the ha pɛrɛraakɛ fa hananɩ Jeju Kirisitira.
16 Thãgbaa sɛbɛɛ thɩmɩɩ fɛʋ dɔ gɩrɛ thɛnɩ Thãgbaa nɔɔ, dɩ gɩ dor dabʋɔ ka a na dɩɩr tibil thɩ̃ɛ, a na nɩna tibil dɩ paar, a na naar tibil, a na dɩɩr tibil a na pɛ dateleena,
17 gɩ do nɔɔ Thãgbaa tibil n 'li dɩbara, a gbɛbɩ a ma thɔ̃ bɔ cʋʋrɛra fɛʋ.