5
1 Fa-n phaan kũu kɔ̃tɩ̃ɩ na fɩlɛɛkɛ khiinona', sɩ mɩanaa mɔ̃ a donɩ thɩrɛ; fɔ daɓola õkũu khaa,
2 na khɛ kɔ̃tɩna nɩ khaa, na khɛ biirə õkhɛ̃ khaa, sɩ dɔ gɩ do na fɩl phuu.
3 Wɩrɛ dɔnɩ khikhɛra na sobɔr, na jɩɛ hɩɩn wɩ.
4 Sɩ a khikhɛrʋ gɩ a hana bɩsana, agɩbo ɔɔ bii bɩsãsɔ gɩ, dɔ wɩ jɩ dɩ caca thɩ̃ɛ Thãgba fʋɔrɛra dʋɔn awɩ cɔdaraa hɩɩn, dɩ wa tiir dakha helu wɩrɛraakɛ kɔɔ haanɛ wɩnɩ, gɩdonɩ gɛr dʋɔn thɩ̃ɛɛkɛ n danɩ Thãgba haar.
5 Sɩ ʋrɛ dɔnɩ khikhɛrʋ na sobɔr, aa hana tibil bã, Thãgba a-n pɛ nũu; dɩtɩnɔ na dɩwɩlʋ a-n yɩr da-n phʋʋr Thãgba da-n bɩɛlnaa.
6 Sɩ khikhɛrʋʋkɛ n faanɩ dɩbara da-n 'lɛ gɩrɛɛkɛ n daaraanɩ khaakhaar cʋʋrɛra, fɩ-n yɩɩrɛ na yire wer sɩ a khire.
7 Na kpãkpaanɛ war thɩ̃ɛsɔra thakɛ, dɩ mɛ̃ tibil na puno na pɛ war sora'.
8 Ado tibil na-n hɩɩn ɔɔ toa', dɩ ado aa-n hɩɩn ɔɔ cɔdara da-n jɔa', ha pɛrɛ a bo, a ka puurore a jɔ ʋrɛɛkɛ na dɔnɩ ha pɛdaara'.
9 Khikhɛrʋʋkɛ kanɩ yɛna kpalãther, ɔɔ i punone khere sɛbɛra, sɩ dɔ a do khɛrɩkɛ kɔɔ hɛnɩ kũu bɩɛl,
10 a dɔ khɛrɩkɛ hananɩ i bʋɔ thɔ̃ bɔ cʋʋrɛra, a dɔ ʋrɛ kɔɔ haanɛnɩ bɩsana, a dɔ dakha kpakpal tee khɛr, a dɔ ʋrɛ n kɔɔ tuonni da-n cʋʋ sikpulo thɔma tɩɩ phuusɔra, na ʋrɛ n kɔɔ buloni wɩrɛ n gaarɛnɩ, a dɔ dakha ʋrɛ n kɔɔ cʋɛnɩ thɔ̃ bɔ caar dɩɩdɩɩ fɛʋ.
11 Fa-n khere khikhɛraakɛ na tɩnanaa iə', gɩdonɩ ɔbɔɔkɛ thue n fʋ wɩnɩ gɩ-n cʋʋ wɛr dɩ wɩ hʋnɔna Kirisiti, dɩ wɩ-n ƴaalɛ ɩnɩ-n birə hɛ kona,
12 dɩɩ do wɩ hananɛ dɩɩ gɩrɛraakɛ wɩ phiini awɩ caca ʋlfɛɛkɛ wɩ kɔɔ ʋlfɛnanɩ Kirisiti.
13 Dɩ wo, wa hananɩ thɩ̃ɛ a na cʋa', wɩ-n ɩɩrɛ dɩ wa-n kpaar cɔna cɔna, sɩ gɩrɛ puuroni a jɔ dʋɔn mɔ̃ wɩ donɩ wɩrɛ n kpaarnanɩ sɔ, dɩ wa-n 'lɔɔ gɩrɛraakɛ na ba wɩna', dɩ wa-n mɩɩna thɩmɩaakɛ na teananɩ mɩɩra'.
14 Gɛr gɩ mɩ-n ƴaalɛ dɩ wɩrɛ na tɩnana' n birə hɛ kona, a hanana bɩsana, a jɩɛ fʋ awɩ cɔ, dɩ wa-n 'laa hʋɛ lãlaardaarra a na-n kʋɛ sɩ irə'.
15 Gɩdonɩ ɩkhasɔ kɔɔ 'lire kɛrrɛ gɩrɛ dɩ wa-n kpa Satana.
16 Ado ha pɛdaar hale, a kuun gɩ, a khɛr gɩ, a hana khikhɛra, ntɛsɔ na-n hɩnɛ wɩ, ga-n do we gbɛbɩdaraa heenda ga, dɩ mɛ̃ we gbɛbɩdara na puno na jɩɩ hɩɩn wɩrɛ jɩɛnnɩ do khikhɛra na sobɔr.
17 We gbɛbɩdaraa kɔ̃tɩ̃sɔɔkɛ jɩɛnnɩ gba ƴɛ kʋʋlɛ wɩ teenanɛ cʋ dɛbɩnaa, sɩ wɩrɛ n gbũgbuloneni Thãgbaa thɩmɩɩ mɩɩrɛra na tibil dɩɩrɛra, wɛr teana gɩ a jɔ.
18 Gɩdonɩ Thãgbaa sɛbɛ sor ayɩ: «Nakɩɩrɩkɛ na-n sanɩ jɔ, fa-n lii nʋɔa'.» Wo: «Thɔ̃daar teenanɛ ɔɔ lɩmɩ.»
19 Fa-n pɛ nũu sorɩkɛ wa pɛnɩ we gbɛbɩdaraa kɔ̃tɩna saagado gɩrɛ tɩbɩla yenyɔ dɩ yẽther gɩ tornɩ yirəə ga.
20 Wɩrɛ n cʋɛnɩ sopugo, phaanɛ wɩ tɩbɩla fɛʋʋ ƴɛra, ga cʋʋrɛ dakha maar dɩ ga fʋ wɩrɛ sɛnɩ.
21 Mɩ-n kpãkpãa farɛ kheu Thãgbaa ƴɛra, na Jeju Kirisitii ƴɛra, na thɔ̃thɔ̃daar thusɔɔkɛ Thãgba phiirnii ƴɛra dɩ fa jɩɩ hɩɩn ga thɩ̃sɔɔkɛ, sɩ fa-n do tibil bo pɛrɛ na-n hale na dɩɩdɩɩ hɩɩna'.
22 Fa-n phana kɔrɔ a na dɛ̃ɛ tibillə nyɛ̃ɛ Thãgba thɔmana ga, dɩ fa-n do tibili sopugo n ma fa'. Jɩɛ fʋ dɩbara a 'lea dɩɩ.
23 Fa-n yɔ yɔ haar dɩbara bã, sɩ na 'lɛ taan gbegbe afɩ bɩ̃ khorara na afɩ tomɩraakɛra n sɛ fɩnɩ tɔ̃tɔ̃tɔ̃.
24 Ʋkhasɔ sopugo n yɩrrɛ sɩ dɩ kɩɩlʋ n pɩɩrɔ dɩɩ adã wɩ, sɩ ɩkhasɔɔda wer pɩpɩɩ paar gɩ-n yɩr.
25 Mɛna dakha thɔ̃ bʋɔ n yɩr, sɩ gɩrɛ na yɩrana' ga puno na too thale gɩ do gɩ kerra'.