4
1 Thu Phuu sor casɩ ayɩ: Pɩpɩɩ bɔɔ ɩkhasɔ na-n pɛr kɔ̃tɛɛbiisɔɔda nũu, kɛ na cʋɛ wɩnɩ wɩ buur, wɩ faana ha pɛrɛ gɩ the kɔ̃tɛɛbiisɔɔ dɩɩrraalera.
2 Sõsodaraakɛ daanɔnɩ nʋɔ, kɛ haar dibini mɔ̃ wɩ-n fɔfɔrɔnɩ haar na the phʋɛ, na fɩlɛ wɩ nayɩ,
3 tibil na-n he khɛr dɩ kuun ga; aa, wa-n sãsɩnɛ dakha thɩ̃ khonanɛɛkɛ Thãgba tini, dɩ wɩrɛ dɔnɩ ha pɛdara a jɩna sobɔr na kho na fɔfʋɔr haar.
4 Gɩdonɩ thɩ̃ɛ fɛʋʋkɛ Thãgba tini gɩ bɔrɛ, thɩ̃ bonanɛ na hala', sɩ gɩ dor gɩrɛ tibil na fʋɔrɔnɩ Thãgba sɩ a na-n tee;
5 gɩdonɩ Thãgbaa thɩmɩɩ na Thãgba bɩɛlɛ n cʋʋrɛ thɩ̃ɛ fɛʋ dɩɩ phu.
6 Ado fɩ gba ga thɩ̃ɩkɛ a na dɩɩr omɩna, ga dor fɩ dor Jeju Kirisitii thɔ̃daar bʋɔɔkɛ ha pɛ thɩmɩɩr n haannɩ na dɩɩr bʋɔ, kɛ dakha fɩ kparɔnɩ bɔɔbɔɔ.
7 Bɔ mama sɔɔkɛ hɔnɩ kpuro nɩɛ, sɩ na gbuoro yʋʋ Thãgba fɩlɛla.
8 Gɩdonɩ tomɩ gbʋ̃gbʋnyanɛ wer, dabʋɔ harrɛ gbe, sɩ Thãgba fɩl hananɛ, dabʋɔ harrɛ a thʋ̃ kãasɩ, gɩdonɩ gɩ-n ɩnanɛ nɛnɛ̃ yire na yireekɛ na ɩnanɩ ƴɛ kʋʋlɔ.
9 Sobɔr thɩmɩɩrɩkɛ do a teena tuur koo.
10 Gɛr gɩ dɩ sa-n gbũgbulõ thɔmana dɩ sa-n kɛ̃kɛrɛna gɩ, gɩdonɩ asɩ nũ pɛ Thãgba yidaarra gɩ ha, kɛ dɔnɩ tɩbɩla fɛʋʋ Taadaar, sɩ ha pɛdaraa Taadaar a do cacaca.
11 Na kpãkpaanɛ war ga thɩ̃ɩkɛ a na dɩrɛna wɩ.
12 Tibil na-n beesi lɩ daɓol dʋʋrra ga, sɩ ka dɔ thɩ̃ nɩrɔrɛ ha pɛdarara, thɩmɩɩ mɩɩrɛra na cʋʋ paarra, na naʋra, na ha pɛrɛra, na phurrə.
13 Gɩ dana bɔɔkɛ ma pɔnɩ le, gbuoro yʋʋ a na sɔ sɛbɛ, a na mɩa Thãgbaa thɩmɩɩ, a na dɩrɛna tɩbɩla.
14 Fa-n hɛbɩ bɔ jɩ khaardaakɛ ha farnɩ, kɛ fɩ kɔɔ 'lɛnɩ dɩɩ ha mɔ̃kɛ Thãgba tukɩr tidara kɔɔ mɩɩnɩ bɔɔraakɛ we gbɛbɩdaraa kɔ̃tɩ̃sɔ kɔɔ dɛ̃ɛ farnɩ nyɛ̃a'.
15 Na jɩɛ tɩrɔ ga thɩ̃ɩle; faa afɩbara gɛrra, dɩ mɛ̃ tɩbɩla fɛʋ na yɩ mɔ̃ fɩ-n bãbanɩ.
16 Na jɩɛ hɩɩn afɩbara, na afɩ dɩɩr, na yɩrana ga thɩ̃ɩle; gɩdonɩ mɔ̃ fa-n cʋʋnɩ thalera fa taarɛ afɩbara na wɩrɛɛkɛ n pɛ fɩnɩ nũu.