2
1 Dɩ fa hananakɛ thɩ̃ɛ a na ther bã, a fɩ harakɛ mɔ̃, fɛrkɛ n 'laanɛnɩ dɩ fa-n yɩ haanɩda; gɩdonɩ mɔ̃ fɩ-n 'laanɩ dɩ fa-n yɩ haanɩda, dɩbara fɩ-n heen sor, gɩdonɩ mɔ̃ fɩ-n 'laanɩ fa-n yɩɛ awɩ khara fɩ-n cʋʋ fer.
2 Sɩ jɩrɛ dɩ Thãgbaa kɩɩlɩkɛ a na kɩɩlnanɩ wɩrɛ n cʋɛnɩ thɩ̃ɛ thale gɩ teere kha.
3 Fɩ-n kpɩɛrɛ dɩ fɛrkɛ n 'laanɛnɩ dɩ fa-n yɩ wɩrɛ n cʋɛnɩ thɩ̃ɛ thaleeda, sɩɩ do dakha awɩ khara fɩ-n cʋʋ fa fuure Thãgbaa kɩɩlla gaa bɛ?
4 Agɩbo mɔ̃ a buloni haar, a hanana jʋʋrɛ na ha fʋrɛ dɩɩ thʋ̃ kar, fa gbarakɛ dɩɩ do far thɩ̃a', sɩ fa-n ka jɩ dɩ Thãgbaa ha bulola n tɔ fɩ dɩ ga-n pɛ ha debirera ga.
5 Sɩ mɔ̃ afɩda khɩɩrnɩ dɩ fa-n tu ha debira', Thãgbaa nĩkhi fɩ-n kpa fa-n thɩɩn gɩ dana nĩkhi wire, kɛ dɔnɩ wireekɛ Thãgbaa kɩɩl telẽ na ɩɩrnɩ,
6 dɩ na lɩmɩ tɩbɩla fɛʋ bɩɛlbɩɛl mɔ̃ ntɛɛ thɔ̃ hanɩ.
7 Yire khorr a na ha wɩrɛɛkɛ n yɩranɩ dɩ wa-n cʋʋ bɔɔ, dɩ wa-n ƴaalna i dʋbɩrɛ na cʋʋrɩkɛ thɛnɩ Thãgbaa pa, na gɩrɛɛkɛ na dɔnɩ dakʋɛnaa ga.
8 Sɩ nĩkhii na ha helle a na lɩmɩ wɩrɛ dɔnɩ dɩbara nadara dɩ wɩ ka na bo sobɔr sɩ na tu dapuu.
9 Bɔ gaarɛ na ha dɩr na dɔ tɩbɩla ɓibiikɛ n cʋɛnɩ puureeda, Juifisɔ na dɔ cacadara, agɩpɩ wɩrɛ na dɔnɩ Juifisɔa'.
10 l dʋbɩrɛ, na cʋʋr, na ha ɩɩ na dɔ tibil wo tibilikɛ n cʋɛnɩ bɔɔda, Juifisɔra na dɔ cacadara, agɩpɩ wɩrɛ dakha na dɔnɩ Juifisɔa'.
11 Gɩdonɩ Thãgba na-n hɩɩn tɩbɩla dɩɩdɩa'.
12 Ca kpala fɛʋʋkɛ n cʋɛnɩ sopugo sɩ wa jɩ Mʋɩjɩɩ jɔfʋa', wa bũburone na jɔfʋ 'leerera; sɩ Juifisɔɔkɛ hananɩ jɔfʋ sɩ wa-n cʋʋ sopugo, gɩrɛ jɔfʋra n sonɩ na kɩlɛna wɩ.
13 Gɩdonɩ ga do wɩrɛ n pɛnɩ jɔfʋ nũu dɔ tɩɩ sara Thãgbara ga, sɩ wɩrɛ n cʋɛnɩ gɩrɛ jɔfʋ sonɩ sor na hɛllɔ.
14 Ca kpalaakɛ na hananɩ Mʋɩjɩɩ jɔfʋa', sɩ awɩ ti para wɩ-n cʋʋrɛ gɩrɛ jɔfʋ sonɩ, wa hana jɔfʋ wera', sɩ awɩ thɛthɛ dɔ awɩ jɔfʋ.
15 Wɩ-n nɩnanɛ dɩ gɩrɛ jɔfʋ n ƴaalnɩ gɩ kherere awɩ hara, dɩ thalera awɩ kpɩɛrnɔ n nɩrɔ gɩ har, gɩdonɩ awɩ kpɩɛr n so warɛ aa, dapuu ha gɩrɛ aa, dabʋɔ ha gɩrɛ.
16 Gɛr na yɩra wireekɛ Thãgba na pɛrnɩ Jeju Kirisiti da kɩɩlna tɩbɩla awɩ thɔnaakɛ wɩ cʋʋnɩ wolonena, dɩ ga har mɔ̃kɛra tutugo bʋɔɔkɛ mɩ-n mɩɩnɩ sonɩ.
17 Fɛrkɛ yɛnɩ Juifi ha fɩ, dɩ fɩ bo dɩ fa-n ɩɩ jɔfʋʋdara, dɩ fa-n məbi Thãgbaada dʋʋrra,
18 a jɩ dakha gɩrɛ Thãgba n ƴaalnɩ, jɔfʋ kɔɔ dɩɩr fɛr dɩ fɩ jɩ gɩrɛ bʋɔnɔnɩ kpɩɩ;
19 fɛrkɛ yɛnɩ fa marrɛ fa-n nɩrɔ yara hʋɛ, aa wo, dahɩrɛ fɩ do wɩrɛraakɛ hanɩ dabirəra,
20 aa wo, də̃bələə dɩɩrdaar ha fɩ, na sikpuloosɔɔ dɩɩrdaar, gɩdonɩ jɔfʋra fɩ jɩɩ hana jɩɩr na gɩrɛ dɔnɩ sobɔr.
21 Dɩ a mɛ̃ gɩ fɛrkɛ n dɩrɛnɩ wɩ̃ tibil, fa-n dɩɩr afɩbara gaa? Fɛrkɛ n mɩanɩ dɩ fɩ yɩ wa-n yuə', fɛr n yuon?
22 Fɛrkɛ n sɔnɩ dɩ fɩ yɩ, tibil na-n ƴaal khɛ kpɩa', tibil na-n ƴaal kũu kpɩa', fɛr n ƴaalɛ khɛ kpɩɩ? Fɛrkɛ n kpɛnɩ thɩla, fɛr n yuon thɩl du thɩ̃ɛɛ?
23 Fɛrkɛ n məbəni Thãgbaa jɔfʋ hananɛna, fɛr n bɔ jɔfʋ hɩɩnɛ dɩ ga-n kʋɛ Thãgbaa ii?
24 Mɛ̃ gɩ khere Thãgbaa sɛbɛra ayɩ: «Nɛr Juifisɔra n cʋɛ dɩ ca kpala na-n kʋɛ Thãgbaa i.»
25 Sobɔr gɩ wer, khʋ̃ kurre bɔrɛ ado fa cʋʋ gɩrɛ jɔfʋ sonɩ, sɩ ado fa kʋɛ jɔfʋ afɩ khʋ̃ kur bire debi a ho fa kur khʋ̃a'.
26 Ado ʋrɛ wa kurni khʋ̃a' na cʋʋ gɩrɛ jɔfʋ sonɩ, ga do Thãgba na-n hɩɩnʋʋnɛ mɔ̃ a donɩ khʋ̃ kurdaaraa?
27 Ʋrɛɛkɛrakɛ tomɩ nʋʋnnaakɛ na kuroni khʋ̃a', sɩ da-n cʋʋ gɩrɛ jɔfʋ sonɩ na heen fɩ sor fɛrkɛ hananɩ jɔfʋ sɛbɛ na khʋ̃ kurre sɩ fa-n kʋɛ jɔfʋaa?
28 Gɩdonɩ ga do Juifi dʋʋr tomɩrra wɩ-n we Juifi dʋʋra', dɩ khʋ̃ kurre ga do tomɩ khʋ̃ kurreekɛ wɩ soa';
29 sɩ Juifi dʋʋr, bɩnɔ gɩ ha, dɩ khʋ̃ kurre dʋɔn hadaa, a the Thu Phuu pa, ga do jɔfʋ sɛbɛra ga. Juifi ca olee khɩɩ na-n the tɩbɩlala ga, sɩ Thãgbara gɩ-n the.