a na cɔcɔɔ Davɩdɩɩ cɔdara
na Jerujalɛmɩdara
awɩ sopuu na awɩ bise jɔfʋ hʋɛra.
Thãgba Kɔ̃tɩn na bũburone thɩla na sõso bobona
2 Mɛr Thãgbaakɛ dɔnɩ kokenaa kɔ̃tɩ̃ so ayɩ:
Ga bɔɔraale
ma bũburone thɩla dɩɩra
Wa nɩ awɩ i kpɩɩrakɛ bã.
Ma bũburone sõso bobona,
ɩ̃ ti nar thɩl ji thue.
3 Ado tibil bir ƴaal a mɩɩ mɛr Thãgba Kɔ̃tɩnɩ irə
ɔɔ thɩ na ɔɔ nɩɩ thɛthɛɛkɛ kɔnaanɩ na sʋʋraarɛ :
Fɩ teenanɛ khir, gɩdonɩ
fɩ n mɩɩrɛ sõso thɩmɩa Thãgba Kɔ̃tɩnɩ irə.
Dɩ ɔbɔɔkɛ a na mɩɩnɩ sõso thɩmɩara ɩ̃ irə
ɔɔ thɩ na ɔɔ nɩɩkɛ kɔnaanɩ
na kʋʋrɛ.
4 Dɩ ga bɔɔraalera,
Yicuru na fʋrɛ bobona awɩ bobon dora
Yicuru na fʋ wɛr awɩ thɩ̃ yɩra.
Dɩ wa 'la na to lo kẽkena
kɛ dɔnɩ Thãgbaa mɩmɩɩ kẽkena,
wɩ fɩlna tɩbɩla wɩ yɩ Thãgbaa mɩmɩa hana'.
5 Wɛr fɛw bɩɛlbɩɛl na n sor:
Ma do Thãgbaa mɩmɩa', kokol ha mɩ.
Mɩ mãa hananɛ lɩɛsɔ ɩ̃ daɓol bʋɔ.
6 Dɩ ado tibil bullee:
Sɩ khoosɔɔkɛ hanɩ afɩ tomɩra,
kana gɩ the?
A na sor : Wɩrɛ naamɩnɩa cɔ wɩ bɩɩr mɩ.
Thãgba Kɔ̃tɩn bire ʋlfɛna ɔɔ too nɔ bɩɛl ʋlfɛrɛ.
7 Mɛr Thãgba Kɔ̃tɩn kɛ dɔnɩ kokenaa kɔ̃tɩ̃ sor:
Bajɩna, jaga a kɛ̃kɛrɛnɛ na
ɩ̃ bana khedaakɛ dɔnɩ ɩ̃ tibil.
Kʋɔ, banaa n bɩ̃bɩla paar fɛw,
sɩ̃ kʋʋr dabii.
8 Dɩ Thãgba Kɔ̃tɩn bir so:
Tɩbɩla der paar yeɲɔ der paar ɲẽtherra na khiire.
Der pa bɩɛlɩle na sɛ na yire.
9 Dɩ welela na sɛnɩ na yire,
ma thɩɩ wɛr dɔɔra wɩ hɩl,
ɩ̃ ƴeesɩ wɩ mɔ̃ wɩ n ƴeesɩnɩ dɛ na dɛ bulo.
Ado wɩ we mɩ, ma ture.
Ma sor : Wɩ dor ɩ̃ too
dɩ wa sor: Mɛr Thãgba Kɔ̃tɩn, dʋɔn awɩ Thãgba.