ƖJƖRAYƐL NA CA KPƖƖSƆƆ THƖMƖƖ
Kɩɩlɛ na taarɛɛkɛ caarsɔɔkɛ khonəni Ɩjɩrayɛl na 'lɛnɩ.
9
1 Thãgba Kɔ̃tɩn mɩɩrɛ ɔɔ thɩmɩɩ na nɔ khue.dɩ ɔɔ thɩmɩɩ daan Hadɩrakɩ bəənnə,
a khu le Damasɩ dɩɩra;
gɩdonɩ Thãgba Kɔ̃tɩn hɩna tɩbɩla fɛw
mɔ̃ a hɩnɩ Ɩjɩrayɛl caar fɛw.
2 Gɩ mɩɩnanɛ dakha Hamatɩdara
kɛ hanɩ Damasɩ dɩ pɛlla
na Tɩɩrdara na Sɩdɔ̃daraakɛ
hananɩ fɩlɛ thɩ̃ cʋʋrɛra fɛw.
3 Tɩɩrdara mɩrɛ dɩ bɛr gʋʋ
a der dɛ bulo dɩɩ ho thɩlãkobe,
a der dɛ dɩɩ ho pɔsɔɔkɛ n hanɩ hʋɛra.
4 Sɩ Kɔ̃tɩn na taarɛ dɩɩ
a tʋɔr dɩ bɛr gʋʋle a kpɛɛ laɲʋɔnnɔ,
sɩ dɔɔ n hɩ̃ dɩɩ.
5 Ɔbɔɔkɛ Asɩkalɔ̃dara na toronɩ yire,
maar na fʋlɛ wɛr.
Gajadara na n jɩɩn kpakpakpa,
na Ekʋrɔ̃dara dakha
gɩdonɩ Tɩɩr, kɛ n bulo wɩnɩ,
na hale bã.
Jamana na hale Gaja dɩɩra kpɩɩ bã
Dɩ tibil na ha Asɩkalɔ̃ dɩɩra bã.
6 Caarsɔɔkɛ ɲaɲaanɛnɩ na gbaar
Asɩdɔdɩ dɩɩ a na tooro.
Dɩ ma bũburone gɩrɛ dɔnɩ Fɩlɩsɩtɛ̃sɔɔ i ƴaalda.
7 Ma tire awɩ nɔra nʋʋnɩkɛ hananɩ tɔmɩn
ɩ̃ ti awɩ yɩ̃ ballɔ nʋ̃ gɩrɛ wɩ n jinəni
bonɩɛ.
Wɩrɛ na sɛnɩ na yire awɩ thɩ̃thɩɩn,
ɩ̃da wa do gɩ horakɛ Judaa cɔ ka ʋkha.
Ekʋrɔ̃dara na lʋʋn ɩ̃ toora mɔ̃kɛ
Jebusidara kɔɔ cʋʋnɩ.
8 Ma kɛɛrɛ ɩ̃ dɩra, ma n bɛrʋ
ɩ̃ tee ma n pɩɛraa ɔɔ lãlaardararaakɛ n kanɩ
sɩ wa n kɛr,
Dɩ tibil na bir na ɩ̃ na ʋʋn ɩ̃ toora kpɩɩ bã,
Gɩdonɩ nɛnɛ̃kɛ mɩ gaaraarɛ ɩ̃ yi dɩ ma n bɛrʋ.
Ha ie jamana na ɩnɛ
9 Sɩyɔ̃dara ya, nɩ dɔ daw n ho ga lɩɛr nɛr!
Na n bɛ kãka hulẽbe ya Jerujalɛmdara!
Nɩ hɩnɛ anɩ jamana n pɔr nɛrɛra;
A sarrɛ a dona kəkəədaar
dɩbara wurdaar gɩ.
A jʋʋnɛ kũkəənə,
Kũkə̃ ɓolʋlla a jʋʋn.
10 A na bũburone lãlaraa koke hotorosɔ, Efɩrayɩmɩ dʋɔ,
A bũburõ lãlaraa koke gãgosɔ Jerujalɛm.
A na khaarɛ koke thaasɔ.
A cʋʋ ha ɩɩ n ha caarsɔ thɩ̃thɩɩn.
Dɩ ɔɔ kʋmãdɩ pa na fʋrɛ ʋ̃ʋ laɲɔna
gɩ jal gɩ thʋ ʋ̃ʋ laɲɔ̃,
Ga fʋrɛ Efɩratɩ mɩɩra gɩ jal gɩ thʋ thɩ khu paar.
Wɩrɛ wɩ fʋlɛnɩ a jalna dɩ kpɩɩra na 'liri dɩbara.
11 Kɔ̃tɩn so ayɩ : Ado ner wer gɩ, nɔ bɩɛl ʋlfɛrɛɛkɛ
mɩ ʋlfɛna nɩnɩ na tɔmɩnɩkɛ deereni dor nɔɔ,
dɩ ma tiire anɩ tookɛ wɩ khaanɩ dɩ wɩ ho khaɩdara ɲɔ tɛ korʋraakɛ na hananɩ ɲʋɔnna'.
12 Nɩ kɛra birə anɩ dɩraakɛ
wɩ mɩnɩ gʋʋ a kpalalɔ,
Nɛr khaɩdaraakɛ henəni nũ pɛrɛ!
Mɩ n so narɛ nĩikɛ;
Ma ha nɛr gɩrɛɛkɛ nɩ kɔɔ hananɩ a na dɛbɩ balaɲɔ.
13 Ma gbaar Juda dɩɩ a ho mar koke thaa,
Ɩ̃ pɛr Efɩrayɩm a do sõo.
Jerujalɛm, ma thʋɔn afɩ bikũusɔ wɩ kena Gɩrɛsɩɩ bikũusɔ.
Wɛr ma gba wɩ ho koke kpɩɛɛ bajɩna.
14 Mɛr Thãgba Kɔ̃tɩn na ther le ƴũu ɩ̃ too yʋɔ,
Dɩ ɩ̃ sõ na jaal mɔ̃ thãgba n lɩnɩ dɔɔ.
Mɛr Kɔ̃tɩn, Thãgba Kɔ̃tɩn na ʋnɛ tutuu,
Ma tɔr na dã na jɛ kʋkʋʋlʋʋkɛ n thɛnɩ
ka wire na n jalnɩ dɩ pɛ ɲɔ̃bɩlã.
15 Mɛr Thãgba Kɔ̃tɩn kokenaa kɔ̃tɩ̃
na bɛrɛ ɩ̃ too.
Wa bũburone a na cʋɔrna lãlaardaraa
bãbo bokasɔ.
Wa deere awɩ lãlaardaraa tɔmɩ̃
gɩ ho mɔ̃ dɩvɛ̃ n deernɩ.
Wa cʋʋ gɛr ga n cel bonɩ ji tɔmɩ̃ khaa
bonɩ ji bilẽserə, agɩbo gɩ ho tɔmɩnɩkɛ
deerenɩ bonɩ ji pa ʋmana.
16 Mɛr Thãgba Kɔ̃tɩn awɩ Thãgba
na taa wɛr ga wiile,
Mɔ̃kɛ bana khe n taanɩ ɔɔ nʋ̃sɔ.
Wa hor boka ɓɔnaakɛ n hanɩ jamana kpɩɛra,
Wa n carbara ɩ̃ dʋɔ.
17 Ɔɔ! Ga da warɛ waa sobɔr !
wa bɔrɛ na ka !
Bile na dɩvɛ̃ phaa na ha kuuminə na kheminə fãga.