Nɔ lir
7
1 Darɩyusɩ donɩ jamana, ɔɔ balanã yɩɛrɩ ɲẽbe yʋɔr phebire sɩporɩ wire yenana, kɛ wɩ n wenɩ kɩsɩle sɩpor, Thãgba Kɔ̃tɩn mɩɩnanɛ mɛr Jakarɩ. 2 Betɛldara kɔɔ thʋɔn Sarɛsɛɛr na Regum-Melɛkɩ, na tibil ɩkhasɔ wɩ bɩɛlɛ Thãgba Kɔ̃tɩn a bɔna wɩ, 3 sa bulene bonɩ jidaraakɛ hanɩ Thãgba Kɔ̃tɩnɩkɛ dɔnɩ kokenaa kɔ̃tɩ̃ɩ fʋɔr cɔra na Thãgbaa mɩmɩɩsɔ ayɛ: Sa n khɩa yɩɛrɩ ɲẽbe yemɔy sɩpora a na lenə nʋɔ 'lo mɔna sɩ n kɔɔ cʋʋnɩ a dana yɛna yemɔ̃ ya?4 Dɩ Thãgba Kɔ̃tɩnɩkɛ dɔnɩ kokenaa kɔ̃tɩ̃ mɩɩna mɩ aa: 5 Birsene dɩdara fɛw na bonɩ jidara aa mɩ sor: Nʋɔra nɩ n lini dɩ na n bɩna yɩɛrɩ balamɔy na makoɲɔ sɩpora, a dana yɛna kpalãther yʋɔr nĩ, ɩ̃da kɔɔ dɔ nɔɔ dɩ na n li nʋɔra mɛ̃ ya? 6 Dɩ ɔbɔɔkɛ nɩ n khonɩ dikor dɩ na n ɲɔna, ga do nɛra gɩ n da gaa?
7 Gɛr dɔ gɩrɛra Thãgba Kɔ̃tɩn kɔɔ thɔnɩ ɩ̃ caca mɩmɩɩsɔ dɩ wɩ kpãkpãa war. Dabɔɔlera tɩbɩla kɔɔ too na ha ɩɩ Jerujalɛm na dɩɩsɔraakɛ diərəəni. Dɩ tɩbɩla kɔɔ ha dakha Negɛvɩ bəənnə na bəənnə fɛw.
Na n cʋɛ dasarʋ
8 Dɩ Thãgba Kɔ̃tɩn bire mɩɩna Jakarɩ wo dɩ Jakarɩ so : 9 Thãgba Kɔ̃tɩnɩkɛ dɔnɩ kokenaa kɔ̃tɩ̃ sor ayɩ: Na n gʋrɛ sɔ ga n telẽ. Na n hanana kha ha bulole na bɔ jɩɩr bɩɛlbɩɛl. 10 Na n hʋɔl khikhɛrʋʋra na khilə̃buurə ga. Na n hʋɔl kpakpalla na bɔdaara ga. Tibil bɩɛllakɛ nɛrɛra na n hana ɔɔ hara puu cʋʋ kpɩɛrɛ ɔɔ alãkha tibilə ga. 11 Sɩ wɩ kɔɔ bor nũ pɛrɛ, sa fi khiru a pɛr. Wɩ sɔbɩrɛ awɩ nũsɔ gɩ do nɔɔ wa n nɩɛra'. 12 Wɩ khɩɩrɛ haar fɩɩ bokaarɩkɛ wɩ n wenɩ dɩamã. Gɩdonɩ wa ƴaal wɩ pɛ nũu ɩ̃ jɔfʋra na thɩmɩaraakɛ mɛr Thãgba Kɔ̃tɩnɩkɛ dɔnɩ kokenaa kɔ̃tɩ̃ɩ thu kɔɔ hanɩ ɩ̃ caca mɩmɩɩsɔ dɩ wɩ ha wa'. Gɛr dɔ nɔɔ dɩ nĩkhi kɔ̃tɩ̃ fʋ mɛr Thãgba Kɔ̃tɩn, kɛ dɔnɩ kokenaa kɔ̃tɩ̃ na sobɔr. 13 Dɩ a sor, gɩdonɩ mɩ n kɔɔ we wer, dɩ wa pɛ mɩ nũuə', gɛr gɩ mɛrɛ dakha, dɩ̃ bo wɩ nũ pɛrɛ ɔbɔɔkɛ wɩ n we mɩnɩ. Mɛr Thãgba Kɔ̃tɩn, kokenaa kɔ̃tɩ̃ sɔ. 14 Mɩ bɩ̃bɩlã wɛr caarsɔ fɛʋʋkɛ wa kɔɔ jɩnaa thɩ̃thɩɩn; sɩ dɩ wɩ faa dɩ kpoloo awɩ khiro. Tibil bɩɛllakɛ na n lo la' , tibil bɩɛllakɛ na n the la'. Dɩ bɔbʋɔ kɔɔ gɩ, sɩ dɩ wɩ cʋgʋʋ dɩ do dɩ kpoloo.