Balamɔɩ thɩ̃ yɩr : dɔ carã dɛ̃ɛ paar na olɩvɩ thɩra yeɲɔ
4
1 Dɩ thɔ̃thɔ̃ thuiikɛ n mɩana mɩnɩ pɔr a jaa mɩ, mɔ̃ wɩ n jaanɩ tibilikɛ n daarɛnɩ daanɔ. 2 Dɩ a bule mer aa: Aɲe fɩ yɩ? Dɩ mɩ sʋʋraa: Dɔ carã dɛ̃ɛ paar mɩ yɩ, dɩ do dɛ haa koo, a hana nĩ pɛdaa dɩɩ dɛɛnɔ ƴũu, dɩ dɔ carãa makoɲɔ hale a dɛ̃ɛ nĩ pɛdaara, a hana dɔ pɛ paarsɔ makoɲɔ makoɲɔ. 3 Dɩ olɩvɩ thɩra yeɲɔ hale dɔ carã dɛ̃ɛ paarɩlee kɩrɔ; dɩ bɩɛl ha nĩ pɛda ɲɔ̃bɔɔra dɩ bɩɛl ha ɔɔ ɲɔ̃bɩlana. 4 Dɩ mɩ bulele thɔ̃thɔ̃ thuiilera n mɩana mɩnɩ, mɩɩ: Kɔ̃tɩn, aɲe gelela n nɩna? 5 Dɩ thɔ̃thɔ̃ thuiilera n mɩana mɩnɩ bule mɩ aa: Fa jɩ gɩrɛɛkɛ gelela n nɩnanaa? Dɩ mɩ so, ooho ɩ̃ Kɔ̃tɩn. 6a Dɩ a bire so mar wo aaa: 10b Sɩ ado dɔ carãa makoɲɔɔle gɩ, gɛr dʋɔn Thãgba Kɔ̃tɩnɩ yisɔ makoɲɔɔkɛ n hɩnɛnɩ thɩɩkɛ fɛw. 11 Dɩ mɩ bire bulee wo, mɩ yɩ: Sɩ olɩvɩ thɩra yeɲɔɔle hanɩ dɔ carã dɛ̃ɛ pa kɩrɔ; bɩɛl hanɩ ɲɔ̃bɔɔra dɩ bɩɛl ha ɲɔ̃bɩlana, aɲe gɩ n nɩna? 12 Dɩ mɩ bire bulee balaɲɔdaa wo, mɩ yɩ: Sɩ olɩvɩ thɩr jɛ̃ɛ yeɲɔɔle hananɩ nĩ the paar yeɲɔɔkɛ dɔnɩ dɛdaa, dɩ niinikɛ hɔnɩ dɛ na n thero, aɲe gɩ n nɩna? 13 Dɩ a bule mer aa: Fa jɩ gɩrɛɛkɛ gɩ n nɩnanaa? Dɩ mɩ so ooho ɩ̃ kɔ̃tɩ̃. 14 Dɩ a so marɛ ayɩ: Wɛr dʋɔn kona yeɲɔɔkɛ wɩ pɛrnɩ nĩi yʋɔ a phiir wɩ, dɩ wa n do thɔma kɔ̃tɩnaakɛ hɩnanɩ thɩɩ fɛw.Thãgba ʋlfɛnanɛ Jorobabɛl
6b Gɛr dɔ mɛr Thãgba Kɔ̃tɩnɩ thɩmɩɩrɩkɛ fa mɩɩnɩ Jorobabɛl: Ga do afɩ fãga na afɩ ɲɛ̃ khe fa cʋʋna thɔmana ga, sɩ na ɩ̃ Thu gɩ. Mɛr Thãgba Kɔ̃tɩnɩkɛ dɔnɩ kokenaa kɔ̃tɩ̃, mɛr sɔ. 7 Amɛ fɩ do, fɛr gɔ̃gɔ̃ kɔ̃tɩ̃ɩkɛ Jorobabɛlɩ ƴɛra? A na wɩɛr fɛr. Fɛrra a na ti cɔ kpɛɛ bokaar kpãga hulẽbee thɩ̃thɩɩn, wa n so: A bɔrɛ ka! A bɔrɛ ka!