Balanã thɩ̃ yɩr: Jojue gbõdaar
3
1 A gele pɩ, Thãgba Kɔ̃tɩn cʋʋ mɛr dɩ̃ yɩ Jojue, kɛ dɔnɩ gbõdaar dɩ jɩɩl Thãgba Kɔ̃tɩnɩ thɔ̃thɔ̃ thuu ƴɛbʋrɔ. Dɩ Satã, kɛ dɔnɩ so pɛdaar hale a jɩɩl Jojuee ɲɔ̃bɔra da n pɩɛraa sor. 2 Dɩ Thãgba Kɔ̃tɩnɩ Thɔ̃thɔ̃ thuule so Satana ayɩ: Thãgba Kɔ̃tɩn n khaanɛ fɩ nʋɔ! A khaanɛ fɩ nʋɔ, ɔrkɛ phireni Jerujalɛm. Jojuera na ho doku kuruukɛ wɩ halnɩ dɔɔra a ti gaa ? 3 Sɩ dɩɩ do Jojue kɔɔ tor kẽkenaakɛ bisenenɩ ka a jɩɩlna thɔ̃thɔ̃ thuii ƴɛbʋrɔ. 4 Dɩ Thɔ̃thɔ̃ thuirə gbaar thɩmɩɩ, a so wɩrɛraakɛ jɩlɛnɩ ɔɔ ƴɛra ayɩ: Nɩ fʋrɛɛ ɔɔ kẽkẽ bisesɔɔra! Agɩpɩ a sor Jojuera aa: Yɛ gɩ, mɩ hɛl farɛ afɩ dɩpa, sɩ ɩ̃ to fɩ kẽkẽ ɓɔna. 5 Dɩ a bire so wɩ paraa yʋ parda hɩrɛ yʋɔ. Dɩ wɩ parʋʋrɛ yʋ parda hɩrɛ yʋɔ a tonaa kẽkẽ kpɩɩsɔ. Thãgba Kɔ̃tɩnɩ thɔ̃thɔ̃ thuiile kɔɔ hale a jɩɩl.6 Agɩpɩ Thãgba Kɔ̃tɩnɩ thɔ̃thɔ̃ thu mɩɩrɛ Jojue thɩmɩɩ thakɛ ayɩ: 7 Thãgba Kɔ̃tɩnɩkɛ dɔnɩ kokenaa kɔ̃tɩ̃ sɔ thakɛ ayɩ: Ado fa ɩɩr ɩ̃ hʋsɔɔra bɔɔbɔɔ, dɩ ado fa jɩɩ hɩɩn ɩ̃ jɔfʋsɔ, fɛr na dʋɔn kɔ̃tɩn ɩ̃ fʋɔr cɔra, fa n hɩɩn ɩ̃ fʋɔr cɔ gbasasɔ. Dɩ fa n ha kha na wɩrɛɛkɛ n dɔ marnɩ thɔma kɩɛr. 8 Gɛr gɩ pɛ nũu, fɛr Jojue gbõdaar na afɩ tookɛ tɔɔnɩ afɩ ƴɛbʋrɔ, gɩdonɩ nɩ dor tɩbɩlaakɛ n nɛnanɩ thɩ̃ɛɛkɛ na ɩnanɩ. Gɛr dʋɔn ɩ̃ thɔ̃daarɩkɛ ma thɔnɩ. Ɔr dɔ ʋrɛɛkɛ wɩ n wenɩ phulole. 9 Dɩ bokaar ha ʋrɛ mɩ thɩɩnɩ Jojuee ƴɛbʋrɔ. Boka bɩɛl 'lẽ'lẽ gɩ, kɛ hananɩ yinə makoɲɔ. Dɩ mɛrɛɛ thɛthɛ na khererore gɩrɛɛkɛ teananɩ gɩ kherarɔ. Dɩ ma hɛlɛ dɩɩkɛɛ dɩ para wi bɩɛl dɩbara. Mɛr Thãgba Kɔ̃tɩn kokenaa kɔ̃tɩ̃ sɔ. 10 Ga wiile, na wer kha nɩ too anɩ dɩvɛ̃ thɩr na anɩ fɩgɩ thɩra ɩtɩrɔsɔ. Mɛr Thãgba Kɔ̃tɩnɩkɛ dɔnɩ kokenaa kɔ̃tɩ̃, mɛr sɔ.