Balaɲɔ thɩ̃ yɩr : Ʋmã yenã na phu bɛ yenã
2
1 Dɩ mɩ n hɩɩnɛ a yɩ thɩ̃ yɩr, dɩɩ do ʋma yenã gɩ. 2 Dɩ mɩ bulele thɔ̃thɔ̃ thuiilera n mɩana mɩnɩ, mɩɩ: aɲe ʋmasɔɔlera n nɩna? Dɩ a so marɛ ayɩ: Ʋmasɔɔle n nɩnanɛ fãga dɩɩsɔɔkɛ bɩ̃bɩlanɛnɩ Judaa məlsɔ na Ɩjɩrayɛldara na Jerujalɛmdara.3 Agɩpɩ, Thãgba Kɔ̃tɩn cʋʋ mɛr dɩ̃ yɩ phu bɛ yenã. 4 Dɩ mɩ bulele, mɩɩ: Aɲe wɩ n ɩ̃ wɩ cʋʋ? Dɩ so mar aa: Wɩ ɩnɛ wɩ phərə fãga dɩɩsɔɔkɛra bɩ̃bɩlanɛnɩ Judaa məlsɔ, dɩ tibil bɩɛllakɛ na n 'la dɩ gə̃ yʋʋa'. Wa kʋɛrɛ fãga dɩɩsɔɔlee fãga, kɛ dɔnɩ wɩrɛra kɔɔ ɩrɛnanɩ Juda dɩɩ, a bɩ̃bɩlã dɩdara.
Balãther thɩ̃ yɩr: thɩ̃ mɩɛ pɔ̃ɔ
5 Dɩ mɩ n hɩɩnɛ a yɩ thɩ̃ yɩr, dɩɩ do kuun gɩ a fʋrɔ thɩ̃ mɩɛ pɔ̃ɔ ɲɔ̃kɔɔ. 6 Dɩ mɩ buleele, mɩɩ: kana fɩ n jal ? Dɩ so mar: Jerujalɛm mɩ n jal ɩ̃ mɩɛ, ɩ̃ jɩ ɔɔ gbãʋ na ɔɔ pɛw. 7 Dɩ thɔ̃thɔ̃ thuiilera n mɩana mɩnɩ gbaar da n jal, dɩ thɔ̃thɔ̃ thu kpɩɩ gba da n caanʋ. 8 Dɩ sʋʋraa ayɩ: Ca jala a sɔ daɓolbirəəle fɔrɔnɩ pɔ̃ɔ ayɛ: Jerujalɛm dɩɩ na teena gʋʋ n kpalalɔa', gɩdonɩ tɩbɩlaakɛ na hanɩ le na nʋma, wa jɔrɛ na kar. 9 Mɛrɛɛ thɛthɛ na dʋɔn gʋʋkɛ hɔnɩ dɔɔ a na diirəə. Ma hale ɔɔ thɩ̃thɩɩn ɩ̃ do ɔɔ i dʋbɩ. Mɛr Thãgba Kɔ̃tɩn sɔ.
Thãgba wer wɩrɛ a bɩ̃bɩlanɩ wɩ kɛra birə Jerujalɛm
10 Hei ! Hei!
Nɛrɛɛkɛ mɩ bɩ̃bɩlanɩ thɩ phɛrɛ yenana fɛw,
Nɩ fuo sa faa dɩɩkɛ hanɩ ka wire na n jalnɩ dɩ pɛ ɲɔ̃bɔɔ.
Mɛr Thãgba Kɔ̃tɩn sɔ.
11 Hei ! Nɛr Sɩ̃ɔdaraakɛ tɔɔnɩ Babɩlɔn dɩɩra,
Nɩ phana kɔrɔ a ca thɛ!
12 Thãgba Kɔ̃tɩnɩkɛ dɔnɩ kokenaa kɔ̃tɩ̃ thɔ̃ mɛr
Na thɩmɩɩ kɔ̃tɩ̃ɩ caarsɔraakɛ kɔɔ phʋʋnɛ nɩnɩ.
A sor ayɩ: Tibilikɛ thaa narnɩ, ɩ̃ yibirə a tha.
13 Gɛr gɩ ma thar caarsɔraale ɲɔ̃ɔ,
Dɩ awɩ deesɔ na fire na phʋ̃ʋ wɩ.
Dɩ mɛ̃ na jɩ gɩ do Thãgba Kɔ̃tɩnɩkɛ dɔnɩ kokenaa kɔ̃tɩ̃ thɔna mɩ.
14 Nɛr Sɩyɔ̃dara,
Na n bɛ da hulẽbe, a na kãkanɛna;
gɩdonɩ mɩ n pɔr anɩ thɩ̃thɩɩn ɩ̃ toole.
Mɛr Thãgba Kɔ̃tɩn sɔ
15 Ga wiile, ca jɔjʋɔ bərəəm na kpar
mɛr Thãgba Kɔ̃tɩnna, a na do ɩ̃ too.
Dɩ ma toore anɩ thɩ̃thɩɩn.
Dɩ mɛ̃ na jɩ gɩ do Thãgba Kɔ̃tɩnɩkɛ dɔnɩ kokenaa kɔ̃tɩ̃ thɔna mɩ nɛrɛra.
16 Dɩ Juda dɩɩ na bire na do Thãgba Kɔ̃tɩnɩ kũkũ thɩ̃, dɩɩraakɛ Thãgba Kɔ̃tɩn hɩnɩ.
Jerujalɛm n bir a do dɩɩkɛ a phiirni wo.
17 Thɩ̃ tinəne ɓibi n pɩra nʋɔ Thãgba Kɔ̃tɩnɩ ƴɛra,
gɩdonɩ a ɩɩrɛ ɔɔ cɔ phurə da n the.