Sorɩkɛ kɔ̃tɩnaakɛ n khɔnɩ fãga na 'lɛnɩ
3
1 Dɩ mɩ sor: «Nɩ pɛ nũu nɛr Jakɔbɩɩ too kɔ̃tɩ̃sɔNa nɛr Ɩjɩrayɛl bɩsanaa sogʋʋrdasɔ!
Ga do nɛr teana nɩ jɛ fɩl sarʋaa?
2 Nɩ n laarɛ bɔɔ
Sɩ dɩ nɩ na puure
Nɩ n tire tɩbɩla lʋʋ
A kpona wɩ nʋ̃bʋraakɛ theni khubərə.
3 Wɩ n khor ɩ̃ too
Dɩ wɩ ti wɩ lʋʋ,
A cɔ awɩ khubisɔ.
Wɩ n cɩ wɛr yɩra yɩra
Mɔ̃ wɩ n kuurni nʋ̃ʋ a thɩɩna dãasɩ̃ɛ,
Na mɔ̃ wɩ n kuurni nʋ̃ʋ a cɩɩna thɩ̃ cɩɩdaar.
4 Dɩ wa hulene Thãgba Kɔ̃tɩnna,
Sɩ Thãgba Kɔ̃tɩn na birse wa'
A na ker warɛ ɔɔ ƴɛ ga bɔɔraale
Gɩ the puuresɔraakɛ wɩ cʋʋnɩ.
Sorɩkɛ sõso bobona na 'lɛnɩ
5 Mɛr Thãgba Kɔ̃tɩn mɩɩrɛ sõso bobonaadara,
Kɛ n fɩɩlɛnɩ ɩ̃ too dɩ wa n buur ayɩ:
Wɩrɛ n hana wɩnɩ thɩ̃ɛ dɩ wa n kho
Wɩ n mɩɩna wɛr ha ie thɩmɩɩr,
Sɩ wɩrɛ na n hana wɩnɩ thɩ̃ɛ dɩ wɩ khoa',
Dɩ wa n kena wɩ sʋʋ.
6 Gelela na dor nɔɔ,
Dɩ ga birə nar, nɛr sõso bobona
Na yɩ thɩ̃ yɩrsɔ bã!
Na ha dabirəra na puno na bo bã!
Na ha dabirəra gɩ ho dɩtɩnɛ
Dɩwɩlʋ n debɩ a ho nar dɩtɩnɛ.
7 Wɩrɛ dɔnɩ thɩ̃ yɩdara na dor yicur haar,
Bobonaa ƴɛ na bɩɩrɛ,
Wɛr fɛw na gʋɛrɛ ƴɩɛ
Gɩdonɩ Thãgba na n birse wa'.
8 Sɩ mɛrɛ, mɩ hinəne fãga
Dɩɩ the Thãgba Kɔ̃tɩnɩ Thurə
Mɩ hananɛ hʋɛ na 'lar
A na nɩna Jakɔbɩɩ məlsɔ awɩ lã.
Na Ɩjɩrayɛlɩ məlsɔ awɩ sopuu.
Thãgba na kʋɛrɛ Jerusalɛm dɩɩ
9 Nɩ pɛ gɩrɛ nũu yaa
Jakɔbɩɩ too kɔ̃tɩ̃sɔ,
Na Ɩjɩrayɛl bɩsanaa sogʋʋrdasɔ
Nɛrɛɛkɛ n ƴʋɔnɛnɩ fɩl sarʋ,
Dɩ nɩ kʋɛ fɩl telẽ fɛw a faa,
10 Nɩ n mɩrɛ Sɩyɔ̃ dɩɩ na tibil tɔmɩn deere,
Dɩ na n mɩ Jerujalɛm dɩɩ na tibil kʋʋrɛ.
11 Ɩjɩrayɛl sogʋʋrdara n gʋʋrɛ sɔ,
Sɩ wa n 'lɛ khaardaa;
Awɩ bonɩ jidara n 'laarɛ dɩɩrɛ
Sɩ wa n gba lɩmɩnɛ,
Dɩ bobonaa n bo sɩ wa n tee war
Dɩ wa n barana Thãgba Kɔ̃tɩn sɩ dɩ wɩ so aa:
"Thãgba Kɔ̃tɩn har kha na sɛrɛ,
Thɩlkɩɩr na dã sa'".
12 Dɩ gɛr gɩ, anɩdara dor nɔɔ,
Dɩ wa kʋʋl Sɩyɔ̃ mɔ̃ wɩ n kʋʋlnɩ lɩɛ,
Jerujalɛm n debɩ a do dɩ kpoloo,
Gɔ̃gʋɔnɩkɛ wɩ mɩrɔnɩ Thãgba fʋɔr cʋɔr n debɩ a do thɩr luu.