Sorɩkɛ wɩrɛ n khɔnɩ fãga na 'lɛnɩ.
2
1 Ga puure wɩrɛraakɛ n kpɩɛrɛnɩ kpɩɛr nɔ puu,Kɛ n phɩnanɩ daanɔ dɩ wa n kpɩɛrna thɔ̃ puusɔɔkɛ wa cʋʋnɩ;
A dɩɩ wɩl dɩ wɩ cʋʋ gɩ,
Gɩdonɩ wɩ hananɛ punone.
2 Wɩ n pɩɛrɛ haar tɩbɩlaa lɛsɔɔra, a taa gɩ,
Dɩ wɩ pɩɛr haar cɔnana, a tee.
Wɩ n kpoore cɔdaar kuunna na ɔɔ cɔdarara,
Dɩ wɩ kpoo tibilə a taa ɔɔ thɩ̃sɔ.
3 Dɩ gɛr gɩ dɩ Thãgba Kɔ̃tɩn so thakɛ ayɩ:
«Ma pɛr thɩlkɩɩr gaa tibil caarsɔɔraakɛ,
Na puno na yɩrɔ fuu paara'
Na ɓa ƴɩɛ ƴũu sɩ na n ɩɩra'
Gɩdonɩ bɔɔsɔɔkɛ n ɩnanɩ thɩlke bɔɔ gɩ.
4 Ga wirəəle wa dʋ narɛ sokpaa,
Wa khɩnɛ bɔ waal nɩɛ thakɛ:
Wa n sor: «Wɩ taa sarɛ thɩ̃ɛ fɛw,
Wɩ taarɛ asɩ toora awɩ thɩsɔ!
Aɲera wɩ n taa sar thɩɩsɔ?
Wɩ tɩnɛnɛ asɩ thɩsɔ a ha lãlana!
5 Dɩ gɛr gɩ tibil bɩɛllakɛ
Anɩ thɩ̃thɩɩn na 'lɛ thɩɩkɛ Thãgba kɔ̃tɩnɩ hanɩ ɔɔ too wɩ tɩnɛna'.
Gɩrɛ wɩrɛ n bananɛnɩ Thãgbaa mɩmɩɩ Mise n sonɩ
6 Ɩkha n so marɛ: Fa n kɩɛr nʋɔa'.
Fa n thʋ̃ na kɩɛr nʋɔ thala'.
Ga do gele na te sɩ yicuruə' !
7 Thale na mɩɩ bɛɛ
Jakɔbɩɩ cɔdara?
Thãgba Kɔ̃tɩn n phananɛ dɩ gba nĩkhii ya?
Thale ɔɔ cʋʋ pa ha ya?
A n mɩɩ thɩmɩɩ bɔɩsɔ wɩrɛrakɛ n ɩrɛnɩ na fɩl telẽe gaa?
8 Sɩ nɛrɛra Thãgba sor:
«Nɩ wure ɩ̃ toora a cʋʋ wɩ dɩ wɩ do anɩ sodara;
Konanaakɛ thɛnɩ kʋʋrra dɩ wa n bir na kpɩɛrɛ ba',
Nɩ fʋʋrɛ kẽkenaakɛ wɩ tonɩ a dɛbɩrɔ ƴũu.
9 Nɩ n weere ɩ̃ too khɛrsɔ
Awɩ cɔsɔɔraakɛ wɩ nanɩ
Nɩ tire bɔɔ khor awɩ bɩsãsɔɔra
I dʋbɩrɛɛkɛ wɩ hananɩ, mɔ̃ wɩ donɩ ɩ̃da.
10 Nɩ ɩrɛ a jala!
Gɩdonɩ paarɩkɛ na do kãkɛ na hɩɩrna',
Ɔɔ bise na dor nɔɔ,
Dɩ na 'lɛ gaarɛ gɩ thʋ̃ gɩ ka.
11 A tibil na mɩɩ mɔlɔ thɩmɩasɔ,
A ma a na kuur sɔ̃sɔ ayɩ:
«Na 'lɛr dɩvɛ̃ na ta khaa jɔɔ»,
Sõso bobon ca ole
Tɩbɩlaakɛ n ƴaal.
Thãgba na kpa ɔɔ too a na gbɛbɩ
12 "Baalɛ na hala' ma kpa nɛr fɛw na der yaa Jakɔbɩɩ məlsɔ!
Baalɛ na hala' ma kpar nɛr Ɩjɩrayɛlɩ məlsɔɔkɛ sɛnɩ a na der
Ma kpa wɛr a na gbɛbɩ mɔ̃ banaa n hanɩ bana cʋɔrɔ,
Wɩ ho mɔ̃ banaa n hanɩ khʋʋl paar.
Dɩ tɩɩ jɔ nɔ kɩɛrɛ na n ther awɩ thɩ̃thɩɩn.
13 Ʋrɛ phɛlanɩ hʋɛ,
N kʋlɛna wɩ ƴɩɛ
Wɩ n curi kaar,
Dɩɩ do lofonʋɔ dɩ wɩ thena.
Dɩ Thãgba Kɔ̃tɩnɩkɛ dɔnɩ awɩ jamana
Na gbana wɛr ƴɩɛ,
A na n thɔɔ wɩ.