Thãgba bire thɔ̃ Jonasɩ Nɩnɩvɩ dɩɩra. \ref Lu 11.29-30,32; Jer 18.7-8; 1 Fãg 21.27-29; Jow 2.12-20; Eja 55.7-11.
3
1 Thãgba Kɔ̃tɩn bire so Jonasɩra balaɲɔdaa ayɩ: 2 «Jala dɩ kɔ̃tɩ̃ɩnaakɛ wɩ n weni Nɩnɩvɩ, hulene le a sʋɔraa gɩrɛɛkɛ ma so farnɩ.»3 Dɩ Jonasɩ ɩɩr dɩphã a jal Nɩnɩvɩ mɔ̃kɛra Thãgba Kɔ̃tɩn kɔɔ sʋʋraanɩ. Sɩ Nɩnɩvɩ dɩɩ, dɩ kɔ̃tɩ̃ɩ gɩ tǝ̃ǝ. A fɩ yɩ fɩ kpaarɛɛ a pɛ wire yẽther fa ɩɩr na cʋʋna. 4 Dɩ Jonasɩ fʋrɛ caca wireekɛ a danɩ da n hulẽ: «Kɩɛr na wire kpalaɲɔ, Nɩnɩvɩ dɩɩ na wɩɛlɛ.»
5 Dɩ Nɩnɩvɩdara kɔɔ pǝrre Thãgbaa thɩmɩɩraale. Dɩ kɔ̃tɩna na bɩsana fɛw li nʋɔ a tona bɔrɔ kẽkena. 6 Dɩ thɩmɩɩrɩle kɔɔ daan Nɩnɩvɩ jamana, dɩ pal ɩɩr ɔɔ jamana too pa, a for ɔɔ kẽkẽ sa gba bɔrɔ kɩ̃kɩɩn a to a toona thoora.
7 Dɩ jamanaale kɔɔ pɛrɛ dɩ wɩ hulẽ Nɩnɩvɩ dɩɩra ayɩ: «Jamana na ɔɔ khukhusɔ sɔ wɔɔ: Tɩbɩla na nʋma, nʋ̃ kɔ̃tɩna, na nʋ̃ yɩra na n to thɩ̃ɛ nʋɔa'. Wa n khʋʋla', wa n ɲɔ ɲʋɔna'. 8 Tɩbɩla na nʋma n tɔ bɔrɔ kẽkena, a na hulenena Thãgbara kheu. Dɔ wɛr fɛw bɩɛlbɩɛl n kɛr sɩ wɩ faa awɩ fɩl puu na awɩ gbõgolõ thɔ̃ɔkɛ wɩ n cʋʋnɩ. 9 Ʋmɔ̃ jɛ ado Thãgba na sɩrɔ gɩrɛ a kɔɔ kpɩɛrnɩ, dɩ ɔɔ nĩkhi na cɩ, da jɩ sɩ bʋɔra dɩ sa khiirǝǝ ga?
10 Dɩ Thãgba yɩrɛ mɔna wɩ n cʋʋnɩ thale, dɩɩ do wɩ debire haar a kɛr sa faa awɩ fɩl puu. Liir Thãgba debi kpɩɛrɛ puureraakɛ a kɔɔ ƴaalnɩ a cʋʋ wɩ; dɩɩ do aa cʋʋ bã.