Jonasɩɩ cɩ̃cɩma na Thãgba Kɔ̃tɩnɩ fɩl dɩɩr \ref Jer 20.7-9, 14-18; Khɩ 103.8-14; 145.8-9; Lu 15.28ss
4
1 Dɩ gelela puure Jonasɩra ka, dɩ nĩkhii fʋʋ. 2 Dɩ a sor Thãgba Kɔ̃tɩnna ayɩ: «Pha! Thãgba Kɔ̃tɩn, ga do gɩrɛra mɩ kɔɔ so ɔbɔɔkɛ mɩ kɔɔ hanɩ ɩ̃ dʋɔaa? Gelela mɩ kɔɔ 'laa yɩ, dɩ ma n kɔɔ cara ɩ̃ jal Tarsɩsɩ; gɩdonɩ mɩ kɔɔ jɩrɛ dɩ fɛr dʋɔn Thãgbaakɛ n jɩɛnɩ bʋɔra a dona bɔ fʋdaar. Nĩkhii na n phana dɩɩ fʋ fa'. Dɩ bɔɔkɛ fɩ bɔrnɩ wo gɩ karrɛ, dɩ fɩ n debire kpɩɛrɛɛkɛ fɩ kɔɔ hananɩ fɩ cʋʋna tibil puure. 3 Nɛnɛ̃ Thãgba Kɔ̃tɩn, gba ɩ̃ yi gɩdonɩ khir ka ba marɛ yi hananɛ.» 4 Dɩ Thãgba Kɔ̃tɩn birsee: «Gɩ bɔrɛ fɩ gbanɩ nĩkhii thakɛ ya?»5 Sɩ Jonasɩ kɔɔ ther a dʋ waa le wi phã paar, dɩ khuirǝ a tooro ɩtɩrɔ, da n pɩɛr a yɩ gɩrɛ na dananɩ le dɩɩra. 6 Dɩ Thãgba Kɔ̃tɩn cʋʋrɛ thɩrʋ dɩ phu a kɛɛ Jonasɩra gɩ dʋʋraa ɩtɩɩr, gɩ cʋʋ dakha ɔɔ nĩkhi n cɩ. Dɩ da kɔ̃tɩ̃ɩ fʋrɛ Jonasɩ jɔɔ ka thɩrʋraale. 7 Sɩ mɔ̃ dɩɩ na wɩlnɩ duuro jijiirǝ, Thãgba cʋʋrɛ dokoru dɩ pɔ gɔ thɩrʋʋle dɩ khi. 8 Dɩ ɔbɔɔkɛ wire heni, Thãgba cʋʋrɛ jɛ kporu dɩɩ the wi phã paar dɩ ɩtʋɛ ber Jonasɩ yʋʋ dɩ tǝǝ ji a jo jɔlɔjɔlɔ. Dɩ a bɩɛlɛ khir da n sona: «Khir ka ba marɛ yi hananɛ.» 9 Dɩ Thãgba bulee: «Gɩ bɔrɛ fɩ gbanɩ nĩkhii thakɛ thɩrʋʋdaraakɛ ya?» Dɩ tu: «Gɩ teere kha nĩkhii n fɔ mɩ, ɩ̃ thʋ̃ ɩ̃ ƴaalɔ khir.» 10 Dɩ Thãgba Kɔ̃tɩn so: «Fɛrɛ, thɩrʋʋkɛ fa kɔɔ vɔɔrɔna', dɩ ga do fɛr kɔɔ cʋɛɛ wo dɩ khɔ̃a', sɩɩ do dɩtɩ̃ bɩɛl a phu, a khi dɩtɩ̃ bɩɛl, ɔr fɩ ka jɩ bʋɔra. 11 Sɩ mɛrɛ, ma ka na hana bɔ jɩɩr Nɩnɩvɩraakɛ dɔnɩ dɩ kɔ̃tɩ̃ɩ tǝ̃ǝ, kɛ hananɩ tɩbɩla gbɩlanɩ kpalmaadõ na dɛbɩrɛ, kɛ na n jɩɛnɩ dɩ wɩ lee bɔɔ na puure dɩɩdɩa', dɩ nʋma dakha hale a jɔr ka gaa?»