ABƖDƖASƖƖ SƐBƐ
Gɩrɛ sɛbɛɛkɛ n mɩɩnɩ
Thãgbaa mɩmɩɩ ha Abɩdɩasɩ. Ɔɔ I kɩr dʋɔn Thãgba Kɔ̃tɩnɩ thɔ̃daar. Abɩdɩasɩɩ sɛbɛɛkɛ n mɩɩrɛ kɩɩlɛɛkɛ Edɔ̃dara na ‘lɛnɩ. Edɔ̃dara kɔɔ toore awɩ dʋɔ, Judasɔɔ dɩ bilo, ka wire n phãnɩ dɩ pɛr ɲɔ̃bɩlã. Omina wɩ do kha na Ɩjɩrayɛl bɩsana, gɩdonɩ Ɩjɩrayɛl bɩsanaa thɩ kɔ̃tɩ̃ Jakɔbɩ na Edɔ̃daraa thɩ kɔ̃tɩ̃ Ejayu, õkona wɛ. Jən 25.26; 36.9 Sɩ Edɔ̃dara cʋʋ wɩ puure ga do kpãkpla ga. Wɩ bule a pɛr Ɩjɩrayɛl bɩsanaa lãlaardarara, ɔbɔɔkɛ lãlara sɔbɩ wɩnɩ Jerujalɛm a kʋʋr wɩ sa khɩɩ thɩ̃ɛ. Dɩ gɛr gɩ dɩ Thãgbaa mɩmɩɩ Abɩdɩasɩ so Thãgba na kɩɩlna wɛr sɩ na tee awɩ dɩ a na ha ɔɔ too Ɩjɩrayɛl bɩsanaakɛ a hɩnɩ. Thɩmɩɩ yʋʋsɔ Thãgba na kɩɩlnanɛ Edɔ̃dara (v2-9). Puuree kɛ Edɔ̃dara cʋʋnɩ (v10-15)
Ɩjɩrayɛl bɩsana na ’lɛ kəəre (v16-21)