Jonasɩ ɲɔ bɩnɔ na ɔɔ Thãgba bɩɛl \ref Eja 38.9, etc.; Dan 4. 37.
2
1 Thãgba Kɔ̃tɩn cʋʋrɛ dɩ thʋ̃ kɔ̃tɩ̃ɩ pɔ a dɩɩ Jonasɩ. Dɩ Jonasɩ cʋʋrɛ thʋ̃ bɩnɔ wire yẽther. 2 Dɩ le thʋ̃ bɩnɔna, a bɩɛlɛ Thãgba Kɔ̃tɩn, ɔɔ Thãgba thakɛ:3 «Ɩ̃ bɔgaarra, fɛr Thãgba Kɔ̃tɩn mɩ kɔɔ huleno
dɩ fɩ tu mɩ.
Khĩdi dɩ bɩnɔ mɩ kɔɔ ha sa hulẽ far,
dɩ fɩ kɔɔ nɩrɛ ɩ̃ hulẽbi.
4 Fɩ kɔɔ dʋna mɛr dahulõ pa biro laɲʋɔnnɔ
dɩ ɲɔ cɩnanɛ na n calla mar.
Afɩ ɲɔkhɔrɔ̃ bisɔ fɛw na ɲʋɔnɩkɛ n ubǝni dɩ ga n ji
kɔɔ calla marɛ.
5 Dɩ mɛrɛ, mɩ n kɔɔ sor
fɩ wee mer dɩ̃ hʋnɔna afɩ ƴɛ,
sɩrakɛ dɔ ɩ̃ bir ɩ̃ yɩ afɩ fʋɔr cɔ phu.
6 Ɲʋɔn saa mɛr a thʋ̃ dã ulobire,
dɩ laɲɔ̃ kõkoru kpala mar bilǝbilǝbilǝ,
dɩ poo ƴepǝlǝ̃be paar mɩ yʋʋ fɛw.
7 Mɩ thʋnɛ gbũ waa a ba dã gɔ̃gɔ̃ nɛɛ ɲɔ bɩnɔ;
Dɩ khĩdi dɩ lõfonʋɔ kpala khor a pɛ mar.
Sɩ fɩ cʋʋ mɛr dɩ̃ bir the kaw na yire yaa
Thãgba Kɔ̃tɩn ɩ̃ Thãgba.
8 Ɔbɔɔkɛ mɩ wɔrɔnɩ khir,
mɩ jɩna fɛr, Thãgba Kɔ̃tɩn,
dɩ ɩ̃ bɩɛl pɔr phaphapha a dã fɩ;
gɩ pɔr a dã fɩ le afɩ fʋɔr cɔ phurǝ.
9 Wɩrɛ n bɔnɩ dɩ wa n ma thɩlalaakɛ na dɔnɩ bɔtaa thɩ̃a',
wɛr n bɔ bɔ jɩɩr awɩbara.
10 Sɩ me wer, ma ji farɛ bonɩɛ a na fʋɔrna fɩ.
Ma tire nʋɔɔkɛ mɩ kɔɔ so farnɩ.
Thãgba Kɔ̃tɩnna taarɛ n the.»
11 Dɩ Thãgba Kɔ̃tɩn mɩɩnanɛ thʋ̃ kɔ̃tɩ̃ɩle dɩ kpee Jonasɩ faa thɩ khɩɩra.