AMƆSƖ 8

Balanã thɩ̃ yɩr: kpʋʋnɩkɛ hananɩ thɩr bi bɩnanɛ.

1 Dɩ Kɔ̃tɩn, Thãgba Kɔ̃tɩn cʋʋ mɩ wo

dɩ mɩ yɩ kpʋʋnɩkɛ hananɩ thɩr bi bɩnanɛ.

2 Dɩ bule mɩ: Amɔsɩ, aɲe fɩ yɩ?

Dɩ̃ tu mɩ yɩ: kpʋʋn gɩ dɩ wɩ pɛr thɩr bi bɩnanɛ.

Dɩ Thãgba Kɔ̃tɩn so mar aa:

Ɩ̃ too Ɩjɩrayɛl bɩsanaada khuri nĩ mɛ̃

mɔ̃ thɩr biri n bɩnɩ.

Nɛnɛ̃, ma faa ɔɔ puu cʋʋrra na haa bã.

3 Dɩ Kɔ̃tɩn, Thãgba Kɔ̃tɩn bir so thakɛ ayɩ:

Wireekɛ ma ɩɩrna wɩnɩ,

gɩrɛ na dɔnɩ da nɩɛ le Thãgba fʋɔr paar,

benɩɛ ga do.

khe na jɔrɛ

dɩ wa dʋʋrna wɛr paar fɛw

dɩ paar na ha kɩrkɩrkɩr.

Ƴaƴabaakɛ n yuoni tɩbɩla n car Thãgbaa nĩkhi.

4 Nɩ pɛr nũu, nɛr ƴaƴaba, kɛ n tagɩrɛnɩ bɔdara,

Dɩ nɩ yaal nɩ bũburone wɩ thɩɩraakɛ.

5 Nɩ n so: sɩpo pha fɛtɩ n ka khǝ̃khǝ̃,

sɩ nɩ dolõ anɩ bile

Hɩɩr wire dakha n ka sɩ nɩ dolõ anɩ jʋ.

Nɩ tɔ the nʋɔ nɩ dɛɛnɔ̃

Sɩ nɩ wur anɩ thɩ̃ mɩɛdasɔ;

Nɩ gba thɩ̃ mɩɛda gɩrɛ na telenena' na n yunǝ tɩbɩla.

6 Nɩ fʋlɛ bɔkʋdara

wɩ do nar dea hel fɩʋraakɛ

wa punonɩ na lɩmɩna'.

nɩ dolõ bɔdaar gɩrɛraakɛ na dɔnɩ thɩ̃a'.

nɩ dolõ jʋ lɔ.

7 Dɩ Thãgba Kɔ̃tɩnɩkɛ dɔnɩ Jakɔbɩɩ i ƴaalda ʋlfɛrɛ na ɔɔbara a yɩ:

Ma diinə cʋʋ pa puunəəkɛ nɩ n cʋʋnɩ kpɩɩraaka'.

8 Gelela do nɔɔ dɩ thɩɩ na jẽ

Dɩ dɩdara fɛw n ha yilə̃bera,

Dɩ dɩɩ na kheire sɩ a na n ji mɔ̃ Ejipiti mɩɩr n cʋʋnɩ ɔbɔɔkɛ a bɩlanɩ.

9 Kɔ̃tɩn, Thãgba Kɔ̃tɩn so wɔɔ:

Ga wiile, ma cʋʋrɛ wire da lõ ʋlkhɔ

Ɩ̃ cʋʋ dɩɩ n birə dɩwɩllɔ.

10 Ma debire anɩ ɓolsɔ gɩ do nar yilə̃be.

Ɩ̃ debi anɩ nɩsɔ fɛw gɩ do nar benɩɛ

Ma cʋʋrɛ dɩ tɩbɩla fɛw na saa bɔrɔsɔ

Ɩ̃ cʋʋ tɩbɩla fɛw n bel yʋʋsɔ mɔ̃ gɩ n hanɩ

Ɔbɔɔkɛ bikuun bɩɛl 'lẽ'lẽ'le n khini.

Dɩ gele fɛw na hor

Mɔ̃ bɩɩ n karɔnɩ dɩɩ ha.

11 Kɔ̃tɩn, Thãgba Kɔ̃tɩn sor wɔɔ:

Wiresɔɔ hale a na dã

Dɩ ma to kɔmɛr dɩɩra fɛw

Kɔmɛr na fʋlɛlɛ tɩbɩla

sɩ ga do dikor kɔmɛr ga,

yɔlkhaa na fʋlɛlɛ tɩbɩla,

sɩ ga do ɲɔ̃ ɲɔ yɔlkhaa ga,

sɩ kɔmɛr na yɔlkhaa na fʋlɛ wɛr

Ɩ̃ thɩmɩ nɩɛrɛra

12 Tɩbɩla na n kpaarɛ paar fɛw bababa,

Mɔ̃ tibil n buni,

wa the ka wire na n jalnɩ dɩ pɛr ɲɔ̃bɩlã, wɩ jal wi lõ paar,

Wɩ the ka wire na n jalnɩ dɩ pɛr ɲɔ̃bɔɔ,

wɩ jal wi phã paar,

wa n ƴaal wɩ nɛ mɛr Thãgba Kɔ̃tɩnɩ thɩmɩ

sɩ wa nɩɛra'.

13 Ga wiile, yɔlkhaa na dor nɔɔ

dɩ khebi bɔy na daɓolaa fãga na pɩ.

14 Dɩ wɩrɛ fɛʋʋkɛ n ʋlfɛnɛnɩ dɩ wɩ wena

sõsõ thãgbaakɛ hanɩ Samarɩ dɩɩra,

kɛ n sɔnɩ dɩ wɩ yɩ:

Ɔɔ afɩ thãgba n hanana yire yaa Dã!

Ɔɔ Bɛɛr-Seba thãgba fʋɔrɛ n hanana fãga

wele fɛw na jiire wa ɩɩr bã'.