Puureekɛ na dananɩ Ɩjɩrayɛl bɩsanaa kɔ̃tɩ̃sɔ
6
1 Hũ! Ga puure nɛrɛraakɛ tɔɔnɩ Jerujalɛm dɩɩra ba na ha faarɛNa nɛrɛɛkɛ tɔɔnɩ Samarɩ gɔ̃gɔ̃ dɩɩra yala na ha ɩɩ,
Nɛrkɛ dʋɔnɩ kɔ̃tɩna caaraakɛ dʋɔnɩ cacadaar gɩ̃ɩ casɔra,
dɩ anɩ omɩsɔɔkɛ dɔnɩ Ɩjɩrayɛl bɩsana na n pɔ nɛrɛra.
2 Nɩ jala Kalne dɩɩra a hɩnɛ gɩrɛ kanɩ le
Nɩ thɛ le a jala Hamatɩ dɩ kɔ̃tɩɩna,
nɩ jala gbuno Gatɩ, kɛ hanɩ Fɩlɩsɩtɛ̃sɔɔ dʋɔ.
Nɛr baan tɩbɩlaalera hanɩ gaa jamana dɩsɔɔrale ya?
dɩ anɩ dɩ kɔ̃tɩna jɔ awɩ dɩ ya?
3 Nɩ n yaalɛ nɩ tɔ bɔgaar wire gɩ hʋnɔna nɩ
sɩ anɩ cʋʋ pa n tɔ gbõgolone dɩ ga n wɔrɔ̃ nɩ.
4 Nɛrɛ, nɩ n phɩɩnɛ phɩ̃ pa ɓɔnanaakɛ wɩ cʋʋnɩ, a ɓol gɩ na thũgbu khɛla,
Nɩ n ƴɛllɛ too pa gbanana
dɩ na n kho bana ɓol bɔy banaasɔɔra
Dɩ na n khona na ɓol bɔɩɩkɛ khʋɔnɛnɩ a jɔ fɛw.
5 Nɩ n bɩnɛ kolõjʋ̃ʋ dɩ na n khɩna nɩɛ,
Nɩ cʋʋrɛ nɩ khɩ̃ thɩ̃ phana nɩ phɛl mɔ̃ Davɩdɩ n kɔɔ cʋʋnɩ.
6 Nɩ n ɲɔr dɩvɛ̃ na thɩ̃ ɲɔda kɔ̃tɩna
Nɩ n thirre niinikɛ bʋɔnɔnɩ, kɛ n hʋnanɩ daw a jɔ fɛw,
Sɩ ga n ba nɩ fɩɩʋrakɛ bũburonenaakɛ na dananɩ Jojɛfɩɩ mǝlsɔɔa'.
7 Dɩ gɛr gɩ nɛnɛ̃,
nɛr na dʋɔn cacadaraakɛ
wa khɩɩnɩ na jalna dɩ kpɩɩra,
dɩ anɩ fɛtɩsɔ na khuri nɛr khãkhala!
Samarɩ dɩɩ na wɩɛllɛ.
8 Kɔ̃tɩn, Thãgba Kɔ̃tɩnɩɩkɛ dɔnɩ Thãgba kokenaa kɔ̃tɩ̃ ʋlfɛrɛ na ɔɔ thɛthɛ thakɛ ayɩ:
Gɩrɛ dɔnɩ Ɩjɩrayɛl bɩsanaa i yaal thɩ̃, na da mar yuuraka'.
Ma n na awɩ cɔ ɓɔ̃sɔa'.
Ma gbaar Samarɩ dɩɩ na gɩrɛ fɛʋʋkɛ hanɩ le bɩnɔ a na dʋ awɩ lãlaardaraa ɲɔ̃kɔɔ.
9 Ado tɩbɩla yʋɔr sɩ cɔ bɩɛla wa khiire.
10 Dɩ kheelee tibil na gbaar khera na thena a na thii, sɩ a bule ʋrɛ hanɩle cɔ bɩnɔ: Tibil ʋkha hale wo na yiri ya? Dɩ a na birseere: Kpei! Tibil na sɩ bã. Sɩ a bir a so: Pɩra! Fa n we Thãgba Kɔ̃tɩnɩ i kɩɛra'.
11 Gɛr gɩ a Thãgba Kɔ̃tɩn 'laa hʋɛ lãlãrara wa tʋɔrɛ cɔ kɔ̃tɩna a na kpɛɛlɛ,
Wɩ wɩɛr cɔ biisɔ wɩ faa.
Mɔlɔ kǝǝre
12 Gãgona n car nãabʋ̃ʋsɔra ya?
Dɩ na n kʋʋlɛ le kã?
Sɩ mɔ̃ gɩ, dɩ nɩ fi dasarʋ dɩɩ do kpalʋ
A fi fɩl telẽ dɩɩ do kpalbii?
13 Nɩ n kãkarɛ mɔ̃ nɩ taanɩ Lo-Debaara dɩɩ kɛ na dɔnɩ thɩ̃a'.
Nɩ n sor ayɩ: Asɩ fãga sɩ taana Kaarnayɩmbdɩɩ, kɛ dɔnɩ dɩɩkɛ hananɩ punone.
14 Gɛr gɩ dɩ Thãgba Kɔ̃tɩnɩɩkɛ dɔnɩ Thãgba kokenaa kɔ̃tɩ̃ so:
Nɛr Ɩjɩrayɛl bɩsana, ma tire ca ʋkha na pɛ nar,
da hʋɔl nar, a fʋna Lebo-Hamatɩ ka wire na n jalnɩ dɩ pɛ ɲɔ̃bɔɔ
a gbunǝ dana Araba po nʋɔra, ka wire na n jalnɩ dɩ pɛ ɲɔ̃bɩlã.