Sorɩkɛ Samarɩ khɛra na 'lɛnɩ
4
1 Nɛr Samarɩ khɛra,kɛ khʋɔnɛnɩ a ho na nɛɛkɛ hanɩ Basã gɔ̃gʋɔnna,
nɩ pɛ nũu gɩrɛ mɩ hananɩ a na so nar:
nɩ n hʋɔlɛ bɔkʋdarara
nɩ n kpoore bɔdarara
dɩ nɩ so anɩ kosɔɔra;
wɩ ɛna dɩvɛ̃, na n ɲɔ
2 Dɩ gɛr gɩ Kɔ̃tɩn, Thãgba Kɔ̃tɩn ʋlfɛ na ɔɔ I ayɩ:
Hɩnɛ, wire na phãa,
dɩ lãlara na fʋlɛ nɛr na wɩrɛ hanɩ anɩ khiro na nʋ̃ ju ther
mɔ̃ wɩ n fʋnɩ thʋmɩ ɲʋɔnɔ na julẽ,
3 a na hal nɩ dɩ na thena go ɓɛl paar, ntɛ ka a telenanɩ
a na dʋna nɩ Hɛrmɔ̃a gɔ̃gʋɔnna na faa.
Mɛr Thãgba Kɔ̃tɩn sɔ.
4 Nɛr Ɩjɩrayɛl bɩsana,
Na n jalla le Betɛl ɩ̃ fʋɔr pa sɩ na lana mar.
Na n jalla le Gɩlgal ɩ̃ pa phuro sɩ na jɩɛ cʋʋ mar puure 'lo.
Duuro fɛw, nɩ je anɩ bonɩsɔ
Wire yẽther wirera fɛw na n 'laanɛ anɩ bɩɛl yʋɔr.
5 Na n je anɩ fɔfʋɔr bonɩsɔ na tabɩ buru.
Na n hulene nɔ kheu ɔbɔɔkɛ nɩ n ha mɩnɩ anɩ khaardasɔ gɩdonɩ gɛr
Nɛr Ɩjɩrayɛl bɩsana na.
Mɛr Thãgba Kɔ̃tɩn sɔ.
Thãgba pɛr Ɩjɩrayɛl bɩsanana sor, sɩ ga so wɩ thɩ̃ɛa'
6 Dɩ mɛrɛ, mɩ pɛ kɔmɛr anɩ dɩsɔra fɛw
A pɛ dɩko 'leere anɩ bǝnnǝ fɛw
Sɩ na gelelakɛ na kɛr bir marra'.
Mɛr Thãgba Kɔ̃tɩn sɔ.
7 Dɩ mɩ kurre thãgba ɲʋɔn
Ɔbɔɔkɛ anɩ lɛ thɩ̃ gba bɔɔ sɩnɩ sɩpora yẽtherb
Dɩ̃ cʋʋ thãgba ɲʋɔn dɩɩ ɩ̃ ʋ̃ dɩra
Sa faa ʋ̃ dɩ
Dɩ̃ cʋʋ thãgba ɲʋɔn dɩɩ dã ʋ̃ lɔɔ
Sɩ lɛ ʋrɛra aa ɩna' dɩ thɩ̃ɛ n khɩ.
8 Dɩ anɩ dʋɔsɔ, tɩbɩla n ɩɩr,
A wɩ ka ʋ̃ dɩra, dɩ wɩ ka ʋ̃ dɩra.
Wɩ 'lɛ ɲʋɔn wɩ ɲɔ
Sɩ ga n dã wɩ dɩɩ khiir wɩ ƴɔlkhaa ga
Sɩ na gelelakɛ na kɛr bir mara'.
Mɛr Thãgba Kɔ̃tɩn sɔ
9 Mɩ pɛr anɩ lɛ thɩ̃sɔɔra khoo dɩɩ khi
agɩbo dɩɩ hɩ le lɔɔ;
Mɩ kʋɛrɛ anɩ nãkʋɔrsɔ na anɩ dɩvɛ̃ lɛsɔ,
a pɛr toosõsɔ dɩ wɩ kʋɛ anɩ fɩgɩ thɩrsɔ
na anɩ olɩvɩ thɩrsɔ.
Sɩ na gelelakɛ na kɛr bir mara';
Mɛr Thãgba Kɔ̃tɩn sɔ.
10 Mɩ cʋʋrɛ dɩ nʋ̃ khiire lõ anɩ nʋsɔra mɔ̃kɛ gɩ kɔɔ hanɩ Ejipiti mamara,
Mɩ cʋʋrɛ dɩ anɩ lãlaardara kʋʋr anɩ daɓolsɔ kʋʋra,
Sa kpa anɩ gãgosɔ.
Mɩ cʋʋrɛ dɩ wɩrɛ khirenɩ anɩ koke jɛʋʋ hʋ̃ lõ nɩ mɩ̃kanana.
Sɩ na gelelakɛ na kɛr bir mara';
Mɛr Thãgba Kɔ̃tɩn sɔ
11 Mɩ bũburone thɩ̃ɛ fɛw anɩ thɩ̃thɩɩn mɔ̃ gɩ kɔɔ hanɩ Sodɔm na Gomɔɔr mamara
Sɩ dɩ nɩ thero
mɔ̃ wɩ n halnɩ doku kuru dɔɔra a thi,
sɩ na gelelakɛ fɛw, nɩ bor na kɛr bir marra'.
Mɛr Thãgba Kɔ̃tɩn sɔ
12 Dɩ gɛr gɩ nɛr Ɩjɩrayɛl bɩsana
nɩ yɛ mɔ̃kɛ ma cʋʋ nɩnɩ;
dɩ cʋʋ caalera dɔ kɩrʋ
nɛr Ɩjɩrayɛl bɩsana,
nɩ gbɛbɩrɛ a caanɛ mɛr anɩ Thãgba.
13 Nɩ jɛ ɔr te gɔ̃gɔna
Ɔr cʋɛ jɩɛ
Ɔr nɛna ɔɔ kpɩɛr tibil.
Ɔr n cʋɛ dɩwɩlʋ dɩɩ fi do dɩtɩnɛ
Ɔr hɩna punone gɔ̃gɔ̃ gbanana fɛw thɩɩra,
Ɔɔ i dʋɔn: Thãgba Kɔ̃tɩn, Thãgba kokenaa kɔ̃tɩ̃.