3
1 Nɛr Ɩjɩrayɛldara, nɛr caarɩkɛ Thãgba Kɔ̃tɩn tiniEjipiti dɩɩra a ɩna, nɩ pɛ nũu gɩrɛ a n sonɩ anɩdara:
2 Caar fɛʋra thɩɩra, nɛr dɩbara mɛr Thãgba Kɔ̃tɩn phiir,
dɩ gɛr gɩ ma pɛ narɛ sor puure fɛʋraakɛ nɩ cʋʋnɩ.
A Thãgba Kɔ̃tɩn mɩɩ thɩ̃ɛ ɔɔ mɩmɩɩ na n mar na pɩra'
3 Tɩbɩla yeɲɔ n kpaarɛ kha
Saagado wɩ kɔɔ 'liri kha ga ya?
4 Sidũ'ũu n oore luu pɔy
Saagado nʋmɩ a yɩ gaa ya?
Dɩ sidũ'u ɓolʋ n bʋnɛ ɔɔ phɩ̃ para pɔy,
Saagado nʋmɩ a fʋ gaa ya?
5 'Lomɩn n jire pherʋra
Saagado dikor a yɩ laa ya?
Dɩ kẽkẽ wi pheru n khɩmɩnɛ pɔy,
Saagado thɩ̃ɛ a khɩmaa ya?
6 Wa ʋnɛ koke banake ʋnɛ dɩɩra
Sɩɩdo maar na fʋ tɩbɩla gaa ya?
Thɩlkɩɩr na daan dɩɩra
Saagado Thãgba Kɔ̃tɩn tuonaa ya?
7 Mɛna gɩ, Kɔ̃tɩn, Thãgba Kɔ̃tɩn na n cʋʋ thɩ̃
bɩɛllakɛ sɩɩdo aa kɔɔ nɩna ɔɔ kpɩɛrsɔ ɔɔ
thɔ̃dararaakɛ dɔnɩ ɔɔ mɩmɩɩsɔa' ga.
8 A sidũ'ũu oor,
Amɛ hãale gɩ do maar na fʋa'?
A Kɔ̃tɩn, Thãgba Kɔ̃tɩn mɩɩ
Amɛ na 'la na bo ɩna gba ɔɔ thɩmɩɩr na mɩa'?
Sorɩɩkɛ Samarɩdara na 'lɛnɩ
9 Thãgba Kɔ̃tɩn sor:
Nɩ hulene cɔ ɓɔ̃ nãsʋrɔsɔra Asɩdɔdɩ dɩɩra
Na cɔ ɓɔ̃ nãsʋrɔsɔra Ejipiti dɩɩra
a sɔ: Nɩ kpa a jɛ Samarɩ gɔ̃gɔ̃ yʋɔsɔ, kɛ diǝrǝǝni
a hɩnɛ ƴɔ̃ƴɔ̃ɔ thɩ̃ caarɩkɛ hierǝǝni
na gbõgolõ caarɩkɛ hanɩ le ɔɔ bɩnɔ.
10 Mɛr Thãgba Kɔ̃tɩn sor wo ayɩ:
Samarɩdara na jɩ datelẽe dɩ wɩ cʋa'
Gɩrɛ henɩ awɩ cɔ ɓɔ̃sɔra dʋɔn thɩ̃ɛɛkɛ wɩ tagɩnɩ na gbõgolone.
11 Gɛr gɩ nɛr Samarɩdara, mɛr Kɔ̃tɩn, Thãgba Kɔ̃tɩn sor ayɩ:
'Lãlara na diire anɩ dʋɔ,
a na kʋɛ anɩ bɛbɛr gosɔ,
a na khɩɩna thɩ̃ɛsɔɔkɛ hanɩ anɩ cɔ ɓɔ̃sɔɔra.
12 Thãgba Kɔ̃tɩn sor ayɩ:
Mɔ̃ bana khe n taanɩ bana nɛ kuro yeɲɔ agɩbo nũ kuruu sidũ'ũu nɔra,
Ɔmɛ̃ wa taa nɛr Ɩjɩrayɛl bɩsanaakɛ hanɩ Samarɩ dɩɩra,
a too too paara agɩbo a phɩ̃ phɩ̃ paara. Dakuruu wa taa.
13 Mɛr Kɔ̃tɩn, Thãgba Kɔ̃tɩn kɛ dɔnɩ kokenaa kɔ̃tɩ̃ sɔ. Nɩ pɛ nũu sa kpãkpaanɛ Jakɔbɩɩ mǝlsɔɔra:
14 Wireekɛ ma pɛnɩ Ɩjɩrayɛl bɩsanana sor awɩ puu cʋʋra,
ma khaarɛ Betɛl bonɩ ji pa ʋmasɔ
dɩ ga jiir thɩɩra.
15 Ma wɩɛlɛ lẽle cɔ ɓɔnaakɛ wɩ mɩnɩ wa n cɔrɔ ɩe kʋ bɔɔ agɩbo susu kʋ bɔɔ, kɛ wɩ ɓolnɩ na thũgbu khɛlla,
Dɩ cɔ kɔ̃tɩ̃ jɔjʋɔɔle na jiire.
Mɛr Thãgba Kɔ̃tɩn sɔ.