AMƆSƖ 2

Sorɩɩkɛ Moabɩdara na 'lɛnɩ

1 Thãgba Kɔ̃tɩn sor ayɩ:

Moabɩdara cʋʋrɛ puure jɔɔ ka,

Sɩ puu ʋrɛ kpalanɩnakɛ a jɔ dʋɔn:

Wɩ thiire Edɔ̃ jamanaa khubisɔ

dɩɩ do thoo.

Gɛr gɩ ma sɩrɔ gɩrɛ mɩ ƴaalnɩ ɩ̃ cʋʋ wa'.

2 Ma tore dɔɔ Moabɩ dɩɩra

Dɩ dɔɔra na hɩnɛ cɔ ɓɔna

kɛ hanɩ Kɩrɩyɔtɩ dɩɩra.

Moabɩdara na bũburone kʋʋra,

koke jɔɔ thɩ̃thɩɩn koke hulẽbera,

na banake ʋnɛnaakɛ na ʋnanɩ.

3 Ma bũburone awɩ jamana,

Ma bũburone dakha ɔɔ khukhusɔ na ɔr,

Mɛr Thãgba Kɔ̃tɩn sɔ.

Sorɩkɛ Judaa bǝ̃dara na 'lɛnɩ

4 Thãgba Kɔ̃tɩn sor ayɩ:

Judaa bǝ̃dara cʋʋrɛ puure jɔɔ ka,

Sɩ puu ʋrɛ kpalanɩnakɛ a jɔ dʋɔn:

Wɩ bʋʋrɛ ɩ̃ dɩɩrsɔ

Wa hɩɩn ɩ̃ jɔfʋsɔa'

Sõso thãgbasɔɔkɛ awɩ thɩ kɔ̃tɩ̃sɔ

n kɔɔ kparɔnɩ mamara,

Wɩ faa warɛ awɩbara dɩ wɩ fɩɩl wɩ dakha wo,

Gɛr gɩ ma sɩrɔ gɩrɛ mɩ ƴaalnɩ ɩ̃ cʋʋ wa'. 5 Ma tor dɔɔ Juda bǝǝnnǝ.

Dɩ dɔɔra na hɩnɛ cɔ ɓɔnaakɛ hanɩ Jerujalɛm dɩɩra.

Sorɩkɛ Ɩjɩrayɛl bɩsanaakɛ hanɩ ka wire n phanɩ dɩ pɛ ɲɔ̃bɔɔ na 'lɛnɩ.

6 Thãgba Kɔ̃tɩn sor ayɩ:

Ɩjɩrayɛl bɩsana cʋʋrɛ puure jɔɔ ka,

sɩ puu ʋrɛ kpalanɩnakɛ a jɔ dʋɔn:

Wɩ dolone tɩɩ sarʋ dɩ do dee,

hel fɩʋraakɛ aa punonɩ a lɩma',

A dolõ bɔdaar thɩ̃ gɩrɛraakɛ na donɩnakɛ thɩ̃ɛa'.

Gɛr gɩ ma sɩrɔ gɩrɛ mɩ ƴaalnɩ ɩ̃ cʋʋ wa'.

7 Awɩ kpɩɛrɩkɛ wɩ hananɩ dɩbara dʋɔn:

Wɩ yɛ bɔdaar a jɩɩ gaar a na n pɛr,

So gʋʋr paarra, wɩ bɔ ɔɔ thɩmɩɩsɔ.

Thɩrɛ na bikuun n gbɛbɩrɛ

dɩ wa n ƴaal khebi bɩɛl dɩ wa n kʋɛ ɩ̃ I.

8 Thãgba fʋɔr paasɔra fɛw,

Wɩ n bele kẽkenaakɛ wɩ teenɩ bɔdarara

dɩɩ do barãdaa a phɩnɔ.

Awɩ thãgba fʋɔr cɔra,

dɩvɛ̃ gɩrɛ wɩ teenɩ tɩbɩlalaakɛ na punonenɩ

a lɩmɩ wɩ hellʋa' wɩ n ɲɔ.

9 Sɩrakɛ, mɛr bũburone awɩ ƴɛbʋrɔ Amɔɔr məlsɔɔkɛ

gbãanɛnɩ a ho sɛɛdɩrɩ thɩra

a khɩɩrna a ho sɛn thɩra.

Mɩ bũburo wer fɛw a ti.

10 Mɛr kɔɔ tenɩ Ejipiti dɩɩra a thena

a thɔɔ nɩ a cʋʋna yɛna kpalaɲɔ bǝ̃ kparara

a dana bɔɔkɛ nɩ teenɩ Amɔɔr məlsɔɔ dɩ.

11 A gɩ karɔ mɩ phiire anɩ bikũusɔɔra ɩkha dɩ wɩ do ɩ̃ mɩmɩɩsɔ

a phiir anɩ daɓolsɔɔra ɩkha dɩ wɩ so mar nʋɔ a do ɩ̃da.

Mɛr Thãgba Kɔ̃tɩn n bulele nɛr Ɩjɩrayɛl bɩsana ga ha mãa ya?

12 Sɩ nɩ cʋʋrɛ wɩrɛ sɔ marnɩ nʋɔ ado ɩ̃da,

kɛ na teenanɩ wɩ ɲɔ dɩvɛ̃a', dɩ wɩ ɲɔ dɩvɛ̃,

A pɩɛr mɩmɩasɔ wa n mɩɩ ɩ̃ irǝ ga.

13 Nɛnɛ̃ nɩ hɩnɛ:

Mɛrɛ ma fɔ̃fɔrɔ̃ nɛr

mɔ̃ na hotorokɛ gbaanɩ thɩ̃ɛ n

fɔ̃fɔ̃rɔnɩ thɩ̃ɛ ɔɔ ka para.

14 Gawiile ma ɩɩrna nɩnɩ,

ʋrɛ phɩɛnɩ nɛɛrakɛ na puno na ca ga,

Dɩ ʋrɛ dɔnɩ fãga haarakɛ na puno na pɛr fãga ga.

Koke kpɩɛ na marrakɛ na taa ɔɔ yiǝ'.

15 Ʋrɛ n thanɩ na 'la na pɩɛra'

Dɩ ʋrɛ phɩɛnɩ nɛɛ na puno na ca ga,

Ʋrɛ hanɩnakɛ gãgʋʋra ƴũu na mar na taa ɔɔ yǝ'.

16 'La'larakɛ kokenana

na kpɛɛrɛ ɔɔ koke thɩ̃sɔ sɩ a ca.

Mɛr Thãgba Kɔ̃tɩn sɔ.