Salomɔ̃ɔ sokpa kpɩɩsɔɔkɛ a sonɩ wo
25
1 Yɛkɛ Salomɔ̃ɔ sokpa kpɩɩsɔɔkɛ a sonɩ,dɩ Juda jamana Ejekɩasɩɩ thɔ̃dara khere.
2 Thãgbaa i dʋbɩ dʋɔn thɩ̃ɛɛkɛ a n kernɩ dɩ fʋrɔ,
Dɩ jamanasɔɔ i dʋbɩ dʋɔn thɩ̃ kernanɛsɔɔkɛ wɩ n 'lonɩ a jɩ kɩrʋ.
3 Mɔ̃kɛ thãgbara ƴũu gbaanɩ pər, dɩ thɩɩ hulono hulululu,
Mɛ̃ jamanaa kpɩɛr ha, ga ha 'lʋʋra ga.
4 A wɩ ti dɛ bulo pɩɩn dɛ bulola a faa sa sɩɩ,
Dɛ phebɩdaar na cʋʋgʋʋrɛ a do thɩ̃ ɓʋ̃ɔ.
5 Mɛna gɩ, ado wɩ hɛllɔ tɩɩ puu jamanaa kɩrɔ,
Ɔɔ jamana do na 'lɛr fãga gɩ do fɩl sar cʋʋrɛ dɔ nɔɔ.
6 Fa n ka ire jamanaa ƴɛbʋrɔa',
Fa n gba kɔ̃tɩnaa too pa ga,
7 Gɩdonɩ a wɩ khəi fɩ aa, fɩ jʋnɛ ƴũu,
Gɩ baar wa wur fɩnɩ nũfee ƴɛra na gbunə tɩɛr.
8 Fa n phana kɔrɔ a nɩna afɩ hʋ hana sogʋʋr paara',
A mɛ̃ ga sɩ afɩ sodaar na mɩɩ dɩɩ do fɛr dɛ,
Mɔ̃ fa do?
9 Ado fɩ hana sor na afɩ alãkha tibil, mɩa gɛr dɩbara,
Sɩ fa n caan tɩɩ kpɩɩ sʋ jɩɛra ga.
10 A mɛ̃ ga a punone nɩɛ a na nɩɩr fɩ,
Sɩ gɩ do fa puno na bir na fʋ afɩ thɩmɩɩ 'lo bã.
11 Thɩmɩɩkɛ tibil mɩɩnɩ bɔ bʋɔra,
Gɩ n bɔrɛ ka a ho thɩ̃ɛɛkɛ wɩ cʋʋnanɩ dɛ, a bir ɓol gɩ na dɛ bulo.
12 Mɔ̃ dɛ ɲẽbitʋʋ n ɓɔnɩ, na mɔ̃ lẽbuukɛ wɩ cʋʋnanɩ dɛ kilele n bɔrnɩ,
Mɛ̃ tɩɩ kpɛsɛɛ phaan do thɩ̃ bʋɔ tibiləəkɛ n gbarɔnɩ nũu.
13 Mɔ̃ ɲɔ ɩɩ n ienɩ haar jʋ kha bɔɔ, ɩtʋɛra
Mɛ̃ thɔ̃thɔnɩkɛ dɔnɩ sobɔdaar n ie wɩrɛɛkɛ thɔnaanɩ haar,
A n 'laarɛ ha faarɛ ɔɔ kɔ̃tɩnna.
14 Tibilikɛ n mɩanɩ ɔɔ ha bulo thɩ̃ 'laa na nɔ haar dɩbara,
A hor thãgbaakɛ n jonanɩ dɩ the jɛ haar sɩ dɩ ka.
15 Ha fʋ gbãa n punone cʋʋ kɔ̃tɩn dɩ debɩ kpɩɛrɛ,
Dɩ thɩmɩɩ hɛlɛlɛ n wure tibilikɛ khiinonɩ a ho khubi.
16 A fɩ 'lɛ thʋʋr, dɛ a mɩɛrɔ,
A mɛ̃ ga sɩ fɩ hi jɔɔ, fa bire na kpee gɩ.
17 Fa n jal afɩ alãkha tibili cɔ tɔ̃tɔ̃tɔ̃a',
A mɛ̃ ga, fa thʋnɛ na yagʋʋ a na n laar fɩ.
18 Tibilikɛ n pɛnɩ ɔɔ alãkha tibillǝ so khɩɩ,
A hʋrɛ ɓɔrkhɔ, agɩbo bajɩna agɩbo sõokɛ wɩ khaanɩ.
19 Tibilikɛ dɛɛnɛnɩ ha pɛrɛ gõgolõdaara nɩwɛ bɔɔ,
A hor tibilikɛ n khɔnɩ thɩ̃ɛ na ɲɩnɛɛkɛ yɔyɔɔnɛnɩ,
agɩbo tibilikɛ sananɩ nɔ ɓɔrʋ a jɩɩl.
20 Dɩ fa khɩ̃ nɩɛ na pɛ yilẽbidaara,
Gɩ hor kẽkɩɩn fɩ taaraa ie kʋ wire,
Gɩ n helle a ho thɩ̃ ƴʋ̃ɔɔkɛ wɩ n deernɩ kho sɩɛra.
21 A kɔmɛr fʋ afɩ lãlaardaar hanaa dikor a kho,
A yɔlkhaa fʋʋ hanaa ɲʋɔn a ɲɔ.
22 Gɛr na dɔ nɔɔ yicur n fʋʋ gɩ ho dɔkhãbe fɩ heenʋ yʋɔ,
Dɩ Thãgba Kɔ̃tɩn na lɩmɩ fɛr ga lɩmɩ.
23 Jɩɛɛkɛ n thɛnɩ ka wire na n jalnɩ dɩ pɛ ɲɔ̃bɔɔ n 'laarɛ thãgba ɲʋɔn,
Dɩ lĩliir thɩmɩa dakha na n 'laa nĩkhii.
24 Korõkorõ balƴɔ phɩɩn nãsʋrɔ baar,
Kɩl ƴaal khɛrɩkɛ fa gbɛbɩnanɩ cɔ bɩɛl.
25 Mɔ̃kɛ ɲɔ ɩɩ n daarnɩ tibiləəkɛ ɲɔlkhaa fʋnɩ,
Mɛ̃ thɩmɩɩ bʋɔɔkɛ thɛnɩ dɩ ƴɔɔ n daar ʋrɛraakɛ n nɩɛnɛnɩ.
26 Tɩɩ sarʋʋkɛ n jenanɩ tɩɩ puu ƴɛbʋrɔ,
A hʋrɛ lir ɲʋɔnɩkɛ ɓɔɓɔlɔnɛnɩ, na bir ɲʋɔnɩkɛ kpɔnɩ.
27 Thʋ dɩ kəəre na bɔra',
Kɔ̃tɩ̃ ƴaal kheu dakha na bɔra'.
28 Tibilikɛ na n punonenɩ dɩ fʋ ɔɔbara ga,
A hor dɩɩkɛ wɩ wɩɛlnɩ dɩ bɛr gʋʋ,
Dɩ aa hana thɩ̃ɛ dɩɩ kɛɛraa ga.