20
1 Dɩvɛ̃ yʋɔr n pɛr ɓoɓorore, dɩ ta kha yʋɔr n pɛr mɔlɔ khɔ̃ɩ,Ʋrɛɛkɛ n laarɛ gɩnɩ a na hana kpɛsɛra'.
2 Jamanaa nĩkhi n kʋrɛ maar a ho sidũ'ũu oore,
Tibilikɛ caanɩ jamanaa nĩkhi, ɔɔbara a cʋʋ puure.
3 Tibilikɛ n bɔnɩ kɩla, gɩ n haarɛ i dʋbɩrɛ,
Sɩ də̃bəl n gbaan nĩkhii.
4 Ɩɩr n dor nɔɔ dɩ khãkhal n bo kʋʋlɛ,
A kha bɔɔ dã dɩ ƴaal ɩnɩ n kha, sɩ dɩɩ do thɩ̃ɛ na hala'.
5 Tibili bɩ̃ kpɩɛr hor ɲʋɔnɩkɛ hanɩ thɩɩra tɩɛr,
Sɩ tibilikɛ jɛnɩ fɩlɛ a n 'li ger dɩ cɛ.
6 Tibil jɔjʋɔ n mɩɩrɛ awɩ thɛthɛɛ bɔ,
Sɩ amɛ na jɩ̃ɛ ʋrɛ dʋɔnɩ sobɔdaar?
7 Tɩɩ sarʋ n cʋʋrɛ datelẽe.
Gɩ da ɔɔ bɩsãsɔɔraakɛ n kpaanɛnɩ.
8 Ɔbɔɔkɛ jamana toonɩ so gʋʋr paar,
A n jɩrɛ dapaara gɩrɛ dɔnɩ puure dɩɩ the ɔɔ hɩ̃ɩ para.
9 Amɛ na 'la na so ɩnɩ ha phure,
Ɩnɩ 'leere sopuu phuphuphul?
10 Thɩ̃ dʋbɩ mɩɛda caar yeɲɔɔkɛ jɔnɩ kha,
na thɩ̃bi mɩɛda caar yeɲɔɔkɛ jɔnɩ kha kɛ wɩ n yunəni,
Thãgba Kɔ̃tɩn na n ƴaal ga.
11 Tibili bɩsã bu bɔɔ ɔɔ cʋʋ pa n kɔɔ nɩna,
Ado ɔɔ fɩl na telene a na sar.
12 Thãgba Kɔ̃tɩn cʋɛ nũu dɩɩ do nɩdaa,
Ɔr cʋɛ yire dɩɩ do yɩdaa.
13 Fa n na daan jɔa', a mɛ̃ ga bʋɔ na ji farɛ,
Fa n daara', fa yɩrɛ dikor fɩ kho fa n hi.
14 Ƴaƴabɩɩkɛ n thɛnɩ thɩ̃ɛ n hulene aa: Gɩ khire ka! Gɩ khire ka!
Sɩ aa the pɩ a na jal, dɩ so aa ɩnɩ 'liri nɔbɔɔ.
15 Dɛ hale wer, dɩ lẽbi ɓɔna dakha hale jɔɔ,
Sɩ delẽbireekɛ jɛnɩ mɩɩrɛ a dor thɩ̃ ɓʋɔn a jɔ gele fɛw.
16 A tibil 'laa ɔɔbara ɩnɩ n do tɩɩ kpɩɩ hel todaar thɩɛnaakɛ ntɛ pemɩ farnɩ, tea ɔɔ kẽkẽ gɩ do barãdaa,
Aa tu ɩnɩ n do kpakpalɩkɛ fa jɩnaa hel todaar, ɩaraa a hana fɩ barãdaa.
17 Dɩkor yunəne n daarɛ khora ka,
Sɩ ɔbɔɔkɛ gɩ lonɩ nʋɔra na pɩ dɩɩ ho boka be he nʋɔ.
18 Fɩl 'laarɛ n bule tibili bɩ̃ kpɩɛr thɔ̃ dɩɩ jal bɔɔ,
A fa jal kʋʋra kɔɔ ƴaalɛ koke fɩlɛ ɓo sa jala.
19 Tibilikɛ n mɩanɩ baba, a n khɩɛlɛ thɩ̃ kernanɛsɔ,
Fa n toona tibilikɛ ɔɔ nɔ na n gbɛbɩnaa ga.
20 Tibilikɛ n beesinenɩ ɔɔ thɩ na ɔɔ nɩ,
Ɔɔ pɩɩr pa na hor mɔ̃ dɔ carãa n khiirni dabirəə thɩ̃thɩɩn.
21 Lẽle thɩ̃ɛɛkɛ tibil n 'lɛnɩ dapaara kɔrɔ,
Na n hana bɔnanɛ pɩpɩɩ paara'.
22 Fa n so fa tiire helu phubə',
Na pɛ Thãgba Kɔ̃tɩn nũu, a na taa fɛr.
23 Thɩ̃ dʋbɩ mɩɛda caar yeɲɔɔkɛ jɔnɩ kha, kɛ wɩ n yunəni na n da Thãgba Kɔ̃tɩnna ga,
Dɩ thɩ̃ kpɛdaakɛ wɩ n yunəni na bɔra'.
24 Thãgba Kɔ̃tɩn dɔ ʋrɛɛkɛ n thɔɔnɩ tibil ɔɔ ɩɩr pa,
Dɩ mɔ̃ tibil na fʋ sɩ na jɩ ka a n jalnɩ?
25 Tibilikɛ n sɔnɩ na phananɛ dɩ yɩ:
«Thãgbaada ha gɩrɛ dɛ !»,
Kɛ na n kpɩɛrɛnɩ dɩ hiə' sɩ dɩ so nʋɔ, pheru gɩ n dʋʋraa.
26 Jamanaakɛ hananɩ kpɛsɛrɛ a n bɩ̃bɩlanɛ tɩɩ puusɔ,
A n bũburõ wer dɩ wɩ hɛllɔ.
27 Tibili kpɩɛr nɔ dʋɔn dɔ carãakɛ Thãgba Kɔ̃tɩn pɩɛraanɩ,
A puno a na n jʋʋrna ɔɔ thɛthɛɛ tɩɩ do biləni.
28 Bɩ̃ bulole na sobɔ cʋʋrɛ n bɛrɛ jamana,
Bɩ̃ bulole n dor nɔɔ dɩ ɔɔ jamana too pa n ma.
29 Daɓolaa fãga dʋɔn awɩ daɓol cʋʋda,
Dɩ tɩɩ kpɛɛnaa yʋsũu bulo do awɩ i dʋbɩda.
30 Puu cʋʋrɛɛ thɩ dʋɔn kho sɛnaakɛ tibil n 'lɛnɩ bera,
Mɛna gɩ na berɩkɛ n lonanɩ tibil haara.