15
1 Tuurikɛ n 'laanɛnɩ na hɛlɛlɛ fɩlɛ, gɩ n jor tibili nĩkhi,Sɩ thɩmɩɩr puu n car nĩkhii.
2 Tɩɩ kpɛsɛsɔɔ thɩmɩ n cʋʋrɛ dɩ jɩ hananɛ na n kʋ thui,
Sɩ də̃bələə nɔ wer, də̃bəəlela n thɛrɔ.
3 Thãgba Kɔ̃tɩnɩ yisɔ har paar fɛw,
Da n jʋʋr tɩɩ puusɔ na tɩɩ bɔy dakha.
4 Thɩmɩɩ bʋɔ hor thɩrʋʋkɛ n 'laanɛnɩ yiri,
Sɩ thɩmɩɩr puu n kʋɛrɛ kpɩɛrɛ.
5 Bɩsã də̃bəl n beesine ɔɔ thɩɩ naar,
Sɩ ʋrɛɛkɛ n tuonɩ phaanɛ, fɩl jɩdaar gɩ.
6 Lẽle thɩ̃ɛ jɔɔ hale tɩɩ sarʋʋ cɔ,
Sɩ khorɩkɛ tɩɩ puu n 'lɛnɩ ɔɔ thɔna, gɛr n pɩɛraa thɩlkɩɩr.
7 Tɩɩ saraa delẽbi n 'laarɛ jɩɩr paar fɛw,
Sɩ də̃bələə kpɩɛr na ha thala'.
8 Tɩɩ puunəə bonɩ n kʋrɛ ƴɔ̃ƴʋɔnɛ Thãgba Kɔ̃tɩnna,
Sɩ tɩɩ telẽesɔɔ bɩɛl a n tu.
9 Tɩɩ puu cʋʋ pa kʋrɛ ƴɔ̃ƴʋɔnɛ Thãgba Kɔ̃tɩnna,
Sɩ ʋrɛɛkɛ n ƴaalɛnɩ dasarʋ, ɔr a n na.
10 Tibilikɛ faanɩ hʋ sarʋ, a n 'lɛr naarɛ dɩɩ khɩɩr,
Ʋrɛɛkɛ phaanɛ n yaanɩ, a na khiri.
11 Thãgba Kɔ̃tɩn n yɩrɛ khĩdi dɩɩ na thɛrɛ 'lee kõkorʋ,
Dɩ aɲe tibili ha do, dɩ a na puno na yɩ ga !
12 Ɓoɓorodaar na n tu wɩ phaanɛna',
Gɛr gɩ a n toona tɩɩ kpɛsɛsɔa'.
13 Ɔbɔɔkɛ daw hanɩle haara gɩ n cʋʋrɛ ƴɛbire dɩɩ bɔr,
Sɩ a nɩwɛ hale haara, gɩ n kʋɛrɛ kpɩɛrɛ.
14 Tibilikɛ jɛnɩ fɩlɛ, a n ƴaalɛ jɩɩr,
Sɩ də̃bələ wer, də̃bəəle dʋɔn awɩ dɩkookɛ wɩ n khonɩ.
15 Wi puu haar n phana bɔkʋdaara wire fɛw,
Sɩ ʋrɛ hananɩ daw, dɩwɩlʋ fɛʋra n dʋɔraa fɛtɩ.
16 Thɩ̃ gbe hananɛ, a na mana Thãgba Kɔ̃tɩn,
Gɩ baar thɩ̃ jɔ hananɛ tə̃tə̃tə̃, kɛ hananɩ kpɩɛr ɲaɲaanɛ.
17 Bi fa haakɛ wɩ ha fɩnɩ na naw,
Baar na nʋʋnɩkɛ dɔnɩ nĩ haar, sa hinə laarɛ.
18 Tibilikɛ dɔnɩ nĩkhidaar, a n pɛr sʋʋ,
Sɩ ʋrɛɛkɛ dʋɔnɩ ha jodaar, a n kuure sʋʋ.
19 Khãkhalɩ hʋ dor u haar,
Sɩ tɩɩ telẽesɔɔ hʋ do hʋ phɛlnanɛ bɔɔbɔɔ.
20 Bikuunɩkɛ kpɛsɛnɛnɩ, a n dor daw thɩrɛra,
Sɩ də̃bǝl n beesire ɔɔ nɩ.
21 Də̃bəəle dor thɩ̃ daw tibiləəkɛ na jɩɛnɩ fɩla',
Sɩ ʋrɛɛkɛ dɔnɩ fɩl jɩn a n jaal dẽdẽ na hʋɛ.
22 A fɩl 'laadara 'lee thɩɛna ga n bɔra',
Sɩ a fɩl 'laadara jɔr thɩɛna, gɩ n jaal bɔɔ.
23 Tu bʋɔɔkɛ tibil 'laanɩ na ɔɔ nɔ, gɩ n daaraarɛ ka,
Dɩ a thɩmɩɩ mɩɩ bɔ bʋɔra, mɔ̃ gaa da na thʋ̃ na ha!
24 Tibilikɛ hananɩ kpɛsɛrɛ, a n gbaar yi hʋɛɛkɛ n jʋnɛnɩ ƴũu,
Dɩɩ do nɔɔ dɩ golõ hʋɛraakɛ n gbunoni khĩdi dʋɔ.
25 Thãgba Kɔ̃tɩn n wɩɛlɛ i ƴaaldaraa cɔ,
Sɩ a n bɛrɛ khikhɛrʋʋ bə̃ bɔɔbɔɔ.
26 Kpɩɛr puu na n da Thãgba Kɔ̃tɩnna ga,
Sɩ thɩmɩɩ daw dʋɔn thɩmɩɩ bʋɔ.
27 Tibilikɛ naanɩ thɩ̃ jɔ ƴaal khew,
A n pɛr ɲaɲaanɛ ɔɔ cɔ,
Sɩ ʋrɛ na n teanɩ gõgolõ khaardaasɔa',
A na hananɛ yiri na pʋɔr.
28 Tɩɩ sarʋ n kpɩɛrɛ ɓo sɩ dɩ 'laa tuur,
Sɩ tɩɩ puusɔɔ nɔ wer, thɩmɩɩ puunə gɩ n jal.
29 Thãgba Kɔ̃tɩn hʋnɔnɛ fĩi na tɩɩ puusɔ,
Sɩ a n pɛr tɩɩ saraa bɩɛl nũu.
30 Yi bɔ hɩɩnɛ n 'laarɛ daw tibili hara,
Dɩ thɩmɩɩ daa n har tibil fãga.
31 Tibilikɛ n pɛnɩ nũu phaanɛnaakɛ telenenɩ,
a na toore tɩɩ kpɛsɛsɔɔ thɩ̃thɩɩn.
32 Tibilikɛ n bɔnɩ naarɛ, ɔɔbara a n laar,
Sɩ ʋrɛɛkɛ n tuonɩ phaanɛ, a n 'lɛr fɩl bʋɔ.
33 Ma hananɛ Thãgba Kɔ̃tɩnna, n 'laanɛ kpɛsɛrɛ,
Dɩ dɩbara wure n kʋlɛ ƴɩɛ ɓo, sɩ i dʋbɩrɛ na n kpaan.