Fa n lõ thɩɛnaakɛ na ba fɩnaa ga
6
1 Ɩ̃ bikuun, ado fɩ gbaar afɩ 'walãkha tibili thɩmɩɩ a hẽe afɩ yʋɔ,Ado fɩ gbaar ƴɛkʋʋlɛ tibil ʋkhaa sora,
2 Ado fɩ lire afɩbara na afɩ nɔ thɩmɩɩsɔ,
Ado afɩ thɛthɛɛ nɔ thɩmɩɩsɔ fʋ fɛr,
3 Yɛkɛ gɩrɛ fa cʋʋnɩ gɩ do nɔɔ fɩ taa ɔɔ ɲɔ̃kɔɔ yaa ɩ̃ bikuun.
Gɩdonɩ fɩ 'lire lʋʋn afɩ 'walãkha tibili ɲɔ̃kɔɔ pɩ,
Jalla gburõkhunenaa a bɩɛllɛɛ na ƴɛɛrɛ.
4 Fa n do daan n ka fɩ yiro ga thɩmɩɩra ga,
Fa n do dãyuur n fʋ fa'.
5 Taa ɔɔ ɲɛna a ca mɔ̃ jʋwala n taanɩ cɔ̃cɔlɩ ɲɛna dɩ ca,
Fora a ca mɔ̃ 'lomin n fornɩ 'lomin pherdaarɩ ɲɔ̃kɔɔ.
Fɩl dɩɩrɛ khãkhalala
6 Fɛr khãkhal, jalla ɔsãbiree pa a dɩrɛ thɩ̃ɛ,
Jʋrɛɛ gɩrɛra a n cʋʋnɩ a hɩnɛ, ga ha fɛr kpɛsɛrɛ.
7 Ɔsãbire na hana kɔ̃tɩna',
Aa hana thɔ̃ jʋʋrdaar dɩ dɩɩrdaar ga.
8 Sɩrakɛ obulolo a n kɔɔ ƴaal ɔɔ dɩko,
Jʋ kha bɔɔ, a n uul gɩrɛ a na khonɩ dɩ thɩɩn.
9 Khãkhal ya, ʋmɔ̃ɔ bɔɔ fa phɩ̃ na dana?
Bɔ ʋmɔ̃ fa jaa daanɔna a na ɩɩr?
10 A fɩ yɩ fɩ daar gbe, aa fɩ yuufe fɩɩʋ,
Aa fɩ phɩ̃ fɩɩʋ fɩ kpala ɲɛ̃ɛ gbe,
11 Bʋɔ na phuro fer mɔ̃ kpãkpar n phuroni tibil,
Dɩ thɩ̃ leere na wu farɛ mɔ̃ kuunɩkɛ hananɩ koke thɩ̃ɛ n wuni tibilə.
Mɔ̃ tibil sɔ̃sʋ̃ɔdaar n hanɩ
12 Tibilikɛ n mɩanɩ sõoso thɩmɩa da n kpaarna,
Sɔ̃sʋ̃ɔdaar gɩ, kɛ dɔnɩ tɩɩ puu.
13 A n cananɛ tɩbɩla yinə, da n mɩɩna nɛɛ,
Da n cʋʋ jɩ̃ɩsɔ na ɲẽbe.
14 Kpɩɛr puunə hãale ɔɔ hara,
Bɔɔ fɛw, puure a n kpɩɛrna,
A n bɛɛrɛ tɩbɩla dɩ wa n ke.
15 Gɛr dɔ nɔɔ ɔɔ bũburõ na phuroore,
A na bũburone dapaara, thɩɩ na hala'.
Thɩ̃ɛsɔɔkɛ Thãgba Kɔ̃tɩn na n nana'
16 Thɩ̃ɛ maadõ haleekɛ Thãgba Kɔ̃tɩn na n nana',
Delẽbirikɛ n kuronɩ sõsor
Ɲɛ̃ɛkɛ n kɔnɩ dɩpa 'leedaar,
18 Haarɩkɛ n gbɛbanɩ puure,
Nɛɛkɛ n phananɛnɩ puu cʋʋrɛra,
19 Sõso sojɩdaarɩkɛ n kuurenɩ sɔ̃sɔ,
Na tibilikɛ n bɛanɩ omɩna dɩ wa n ke.
Bʋdʋr khɛr bɔdɛlla
20 Ɩ̃ bikuun, jɩɛ fʋrɔ afɩ thɩɩ nɔka thɩmɩɩ,
Fa n bo afɩ nɩɩ dɩɩra'.
21 Fɔrɔ gɩ afɩ hara bɔɔ fɛw,
Gba gɩ gɩ do far lɛ̃buu fɩ to fʋɔrɔ.
22 Ga n thɔɔ fɛr afɩ kpaar para,
Ga n bɛr fɛr afɩ phɩ̃ para,
Ga n dɩɩr fɛr bɔɔkɛ fa n jaanɩ daanɔ.
23 Gɩdonɩ ɩ̃ nɔ ka thɩmɩɩsɔ dor dɔ carãa,
Dɩ ɩ̃ dɩɩrsɔ do dahɩrɛ,
Dɩ nanaar phaanɛ do yi hʋɛ.
24 Ga n bɛr fɛr khɛraakɛ na bʋɔnɔna'
Na khɛ bɔdɛllaakɛ ɔɔ thɩmɩɩsɔ n mɩlanɩ a ho thʋʋr.
25 Fa n do a kho far haara ɔɔ bɔra ga,
Fa n do ɔɔ yi hɩɩn pa n hal fa'.
26 Gɩdonɩ thetoo khɛr wer,
Ɔɔ dikor theda a n yaal,
Sɩ khɛrɩkɛ dɔnɩ kũudaar, afɩ yi biləni, kɛ dɔnɩ thɩ̃ ɓʋ̃ɔ a n ƴaal kʋɛrɛra.
27 Tibil na gbaar dɔɔ na to ɔɔ kẽkẽ lokara,
Sɩ ɔɔ kẽkẽsɔ na hɩ̃aa ya?
28 Dɩ tibil na sar dɔkhãbe,
Sɩ ɔɔ nɛ na luurəə ya?
29 Mɛ̃ gɩ ha na tibil wo tibilikɛ n jalanɩ ɔɔ 'walãkha tibili khɛra;
Ʋrɛɛkɛ na thaanɩ ɔɔ 'walãkha tibili khɛra, a na 'lɛr sor.
30 Wa n beesi yuukɛ n yuonɩ dikor ɩnɩ n kho kɔmɛra ga,
31 Sɩ a wɩ fʋʋ, a na birsere gɩrɛ a yunɩɩ ca ɲẽbe makoɲɔ a na 'laa,
Thɩ̃ɛ fɛʋʋkɛ a hananɩ ɔɔ cɔ, a na 'laarɛ.
32 Sɩ tibilikɛ n jalanɩ khɛraakɛ hananɩ kuun, a də̃bəəle,
Ʋrɛɛkɛ n ƴaalɛnɩ a bũburõ ɔɔbara, ɔr n cʋɛ thale.
33 Bɩɩrɛ na I kʋɛrɛ na dɔ ɔɔ lɩmɩ,
Dɩ ɔɔ yicur na pɩ kpɩɩraka'.
34 Gɩdonɩ gbugi na pɛ khɛrɩ kora nĩkhii,
Dɩ a na jɩɩ bʋɔra hel tiir wirera ga.
35 A na tu na tee lɩmɩna',
A fɩ haa khaardaa jɔɔ mɔnakɛ,
Sɩ ɔɔ nĩkhi na ɩa'.