Sɛbɛɛkɛ taanɩ juifisɔɔ \ref Sokp 13.22, Ɛsɩt 3.8, Jɔb 5. 11-15
8
1 Ga wiilera, Asierisi jamana gbaar Juifisɔɔ lãlaarda, Hamãa thɩ̃ a ha Ɛsɩtɛɛr. Maardose kɔɔ jaal jamanaa pa gɩdonɩ Ɛsɩtɛɛr kɔɔ mɩɛrɛ jamana ntɛ Maardose dʋʋraanɩ. Dɩ jamana wɩɩ dɩ pɔ. 2 Dɩ jamana ti ɲɔ̃bi tʋʋkɛ, a kɔɔ hanɩ Hamã sa tee, a ha Maardose. Dɩ Ɛsɩtɛɛr pɛ Maardose da n hɩɩn Hamãa cɔ.3 Ɛsɩtɛɛr bire mɩɩna jamana. A jire ɔɔ nɛra, da n phʋʋrʋ, da n khɩɩna, a bɔ cʋʋ pa puule na kpɩɛrɛɛkɛ Hamã, Agaagɩɩ mǝl gbɛbɩnɩ Juifisɔra. 4 Dɩ jamana gba ɔɔ dɛ gbãgalãbir a 'laa Ɛsɩtɛɛra dɩ ɩɩr jɩɩl ɔɔ ƴɛbʋrɔ, 5 sa so jamanana: «Ado mɩ 'lɛr fɛr jamanaa bɔjɩ, ado fa ture na ha mɩ gɩrɛ mɩ n bɩɛlnɩ, ado ɩ̃da da farɛ, dɔ wɩ khere sɛbɛɛkɛ na wurronɩ gɩrɛɛkɛ Hamedataa bikuun Hamã, kɛ dɔnɩ Agaagɩɩ mǝl kherenɩ, kɛ 'laanɛnɩ hʋɛ wɩ kʋrɛ juifisɔ fɛw, paar wo paarɩkɛ wɩ hanɩ, jamanaa dɩra fɛw. 6 Mɔ̃ ma puno na khãa yinǝ puu caaraakɛ na dananɩ ɩ̃ too? Mɔ̃ ma puno na pɩr sɩ ma n hɩɩn ɩ̃ too wa n bũburona?
7 Dɩ jamana birse ɔɔ khɛr Ɛsɩtɛɛr na Maardose ayɩ: «Nɩ hɩnɛ, mɩ pɛrɛ dɩ wɩ ju Hamã mɔ̃ a hananɩ kpɩɛr puu juifisɔra, sa gba ɔɔ thɩ̃sɔ fɛw a ha fɛr Ɛsɩtɛɛr, 8 sɩ nɩ jɩrɛ dɩ gɩrɛ kherenenɩ na ɩ̃ i, dɩ wɩ pɛr jɩ̃ɩ na ɩ̃ ɲɔ̃bi to, na n phɩlã bã. Sɩ nɩ punone a kherẽ sɛbɛ na kpɩɛrɛɛkɛ nɩ jɩnɩ ga bule juifisɔ, nɩ kherena ɩ̃ i, nɩ gba mɛr jamanaa ɲɛ̃bi to, nɩ pɛna jɩ̃ɩ». 9 Dɩ wɩ thɔ̃ we jamanaa sɛbɛ kherẽdarasɔ ga wirǝ, balãther sɩporɩ wire kpelẽ yẽthera, kɛ dɔnɩ Sɩvã sɩpor. Dɩ wɩ kherere ha juifisɔ, na jamanaa mɩmɩɩsɔ na dɩ gbulõ kɔ̃tɩna, na wɩrɛ dɔnɩ kɔ̃tɩna caara fɛw, kɛ hanɩ dɩ gbulõ tamaa na kpelẽ makoɲɔra, a fʋ Ɛ̃dɩ dɩɩra a jalna dana Etiopi dɩɩra. Wɩ kherere mɔ̃ Maardose mɩɛ wɩnɩ. Wɩ kherere na ca thɩmɩɩr dɩɩdɩɩ, mɔ̃ dɩɩsɔ na awɩ ca thɩmɩɩr hanɩ na awɩ khere ƴɛ. Dɩ wɩ kherere juifisɔra na awɩ ca thɩmɩɩ na awɩ khere ƴɛ. 10 Dɩ wɩ kherere sɛbɛsɔra na Asierisi jamanaa i, a pɛr jɩ̃ɩ na ɔɔ ɲɔ̃bi to, a thɔna na thɔ̃thɔna. Dɩ thɔ̃thɔnaale jʋʋnɛ jamanaa gãgo bɔsɔɔkɛ wɩ tini jamanaa gãgo cɔra. 11 Dɩ sɛbɛraalera jamana 'laarɛ hʋɛ juifisɔra, dɩ dɔɔraakɛ wɩ hanɩ, wɩ kpa gbɛba a pɩɛrɛ, a kʋrɛ, a bũburone, a te caar agɩbo dɩ gbulõ dɔɔkɛ na pʋɔnɩ ɩnɩ n kena wɩ, wa n faa khɛr dɩ bɩsaan ga; wɩ kʋrɛ wɩ a khɩana awɩ thɩ̃sɔ. 12 Sɩ hʋɛɛkɛ 'laanɛnɩ sɛbɛraale telene sɩpora yʋɔr yeɲɔdaa, kɛ dɔnɩ Adaar sɩpor, ɔɔ wire yʋɔr yẽther gɩ telẽ dɩbara, Asierisi jamanaa dɩra fɛw. 13 Wɩ kɔɔ 'laarɛ sɛbɛ ca bɩɛlɩlera, gɩ do jɔfʋ dɩ gbulona woo dɩ gbulonana fɛw, kɛ wa sonɩ tɩbɩla fɛʋʋ ƴɛra. Gɩ sor aa juifisɔ n gbɛbɩrɛ pɛ, a tire helu awɩ lãlaardarara ga wiilera. 14 Dɩ thɔ̃thɔnaale kɔɔ jʋʋnɛ jamanaa gãgo bɔsɔ a jal na phananɛ mɔ̃kɛ a ha wɩnɩ hʋɛ. Dɩ dapaara thɩmɩɩr gbaa Suuji dɩ kɔ̃tɩ̃ɩ fɛw.
15 Dɩ Maardose ther le jamanaa pa, a to jamana kẽkẽ bulo dɩɩ ɲaana dasɛna khalakhala, a tona gbɔɔlɔ̃ bulo dɩɩ ɲaana dasɛ birə himǝ himǝ, a subinǝ dɛ kpɩɛ. Dɩ Suuji dɩdara fɛw ha daʋra a hulẽ, wa n kãkana. 16 Juifisɔɔ bilo gɩ do warɛ wireekɛ wɩ yɩnɩ dahɩrɛ, a do daw na kãkar na i dʋbɩ wire. 17 Dɩ gbulonǝ fɛw, dɩɩsɔra fɛw, paar wo paarɩkɛ jamanaa thɩmɩɩ na ɔɔ jɔfʋ danɩ, juifisɔɔ pa, daw gɩ n do na kãkar. Dɩ wɩ n cʋʋrɛ ɓolle na dɩkɔ. Dɩ gɩ cʋʋrɛrakɛ dɩdara jɔjʋɔ dɩ wɩ fi do juifisɔ gɩdonɩ maar hor ga hǝrǝ wer juifisɔra.