NEHEMƖ 12

Bonɩ jidara na Levɩɩ məlsɔɔkɛ kɛranɩ bir awɩ dʋɔ

1 Yɛkɛ bonɩ jidara, na Levɩɩ məlsɔɔkɛ kɛranɩ bir na Jorobabɛlɩkɛ dʋɔnɩ Sealsɩɛlɩ bikuun na Yesua: Seraya gɩ, na Ɩrmeya na Ejɩra, 2 na Amarɩa na Malukɩ na Hatusɩ; 3 na Sekanɩa na Rehum na Meremɔtɩ, 4 na Ɩdo na Gɩnetoyɩ na Abɩa, 5 na Mɩamɛ̃ na Maadɩa na Bɩlga, 6 na Semaya na Yoyarɩbɩ na Yedaya, 7 na Salu na Amɔkɩ na Hɩlkɩa na Yedaya. Wɛr kɔɔ dʋɔn kɔ̃tɩna bonɩ jidarara na awɩ omɩsɔra Yesuaa bɔɔ. 8 Levɩsɔra: Yesua gɩ na Bɩnʋɩ na Kadɩmɩɛl na Serebɩa na Yehuda na Matanɩaakɛ n kɔɔ thɔanɩ Thãgba khɩɩ nɩɛsɔ, ɔr na ɔɔ omɩsɔ. 9 Dɩ Bakɩbukɩa na Unɩ, kɛ dʋɔnɩ awɩ omɩsɔɔkɛ hanɩ thɔmana hale awɩ ƴɛbʋrɔ.

10 Yesua kɔna Yoyakɩm, dɩ Yoyakɩm kɔ̃ Elɩasɩbɩ, dɩ Elɩasɩbɩ kɔ̃ Yehoyada ; 11 dɩ Yehoyada kɔ̃ Yonatã, dɩ Yonatã kɔ̃ Yadʋa.

12 Yɛkɛ wɩrɛ kɔɔ dʋɔnɩ kɔ̃tɩna bonɩ jidaraa thɩ kɔ̃sɔra ɔbɔɔkɛ Yoyakɩm kɔɔ donɩ gbõdaar. Serayaa thɩ kɔna, Meraya gɩ; Ɩrmeyaa thɩ kɔna; Hananɩa gɩ; 13 Ejɩraa thɩ kɔna, Mesulam gɩ; Amarɩaa thɩ kɔna Yohanã gɩ; 14 Melɩkuu thɩ kɔna, Yonatã gɩ; Sebanɩaa thɩ kɔna, Jojɛfɩ gɩ; 15 Harɩmɩ thɩ kɔna, Adɩna gɩ; Merayɔtɩɩ thɩ kɔna, Hɛlkaɩ gɩ; 16 Ɩdoo thɩ kɔna, Jakarɩ gɩ; Gɩnetɔ̃ɔ thɩ kɔna, Mesulam gɩ; 17 Abɩaa thɩ kɔna, Jikiri gɩ; Mɩamɛ̃ na Mɔadɩaa thɩ kɔna, Pɩltaɩ gɩ; 18 Bɩlgaa thɩ kɔna, Samʋa gɩ; Semayaa thɩ kɔna, Yonatã gɩ; 19 Yoyarɩbɩɩ thɩ kɔna, Matenaɩ gɩ; Yedayaa thɩ kɔna, Ujɩ gɩ; 20 Salayɩɩ thɩ kɔna, Kalayɩ gɩ; Amɔkɩɩ thɩ kɔna, Ebɛɛr gɩ; 21 Hɩlkɩaa thɩ kɔna, Hasabɩa gɩ; Yedayaa thɩ kɔna, Netaneyɛl gɩ.

22 Elɩasɩbɩɩ bɔɔ na Yehoyada na Yohana na Yadʋaa bɔɔ, a dana Dariusɩkɛ dʋɔnɩ Pɛrsɩ jamanaa bɔɔ, wɩ kherene Levɩɩ məlsɔɔkɛ dʋɔnɩ kɔ̃tɩna awɩ thɩ kɔ̃sɔra na bonɩ jidaraa thɩ kɔ̃sɔra awɩ isɔ a pɛ sɛbɛra. 23 Levɩɩ mǝlsɔɔkɛ dʋɔnɩ kɔ̃tɩna awɩ thɩ kɔ̃sɔra, wɩ kherere awɩ isɔ foo a dana Yohanakɛ dʋɔnɩ Elɩasɩbɩɩ bi mǝli bɔɔ a pɛ sɛbɛraakɛ n mɩanɩ thɩ̃ kɔ̃tɩnaakɛ n kanɩ dɩɩra. 24 Levɩɩ məlsɔɔ kɔ̃tɩ̃sɔɔkɛ dʋɔnɩ Hasabɩa na Serebɩa na Yesuaakɛ dʋɔnɩ Kadɩmɩɛlɩ bikuun n kɔɔ jɩɩlɛ a pɛ kha ƴɩɛ na awɩ omɩsɔɔkɛ dʋɔnɩ wɩ̃ Levɩɩ məlsɔ. Dɩ wɩ n khɩnɛ nɩɛ kpakha kpakha dɩ wa n kpãga, dɩ wa n dʋbɩna Thãgba Kɔ̃tɩn mɔ̃ɔkɛ Davɩdɩ, Thãgbaa tibil kɔɔ pɛrnɩ gɩ hana. 25 Dɩ Matanɩa na Bakɩbukɩa na Obadɩa na Mesulam na Talmɔ̃ na Akubɩ, kɛ dʋɔnɩ lõ bɛrdara na n bɛr thɩ̃bi thɩɩn lõfonʋɔsɔ. 26 Wɛr dɔ wɩrɛ kɔɔ hanɩ le Yesuaa bikuun Yoyakɩmɩ bɔɔ; Yesuaakɛ ɔɔ thɩ n donɩ Yosadakɩ, na Nehemɩ, kɛ dʋɔnɩ Gobanɛrɩ bɔɔ na Ɛsɩdɩrasɩɩkɛ dʋɔnɩ bonɩ jidaar na jɔfʋ dɩɩrdaarɩ bɔɔ.

Wɩ cʋʋrɛ Jerujalɛm go phʋɔl fɛtɩ

27 Jerujalɛm go phʋɔl fɛtɩ bɔɔ, wɩ jaal paar fɛʋʋkɛ Levɩɩ məlsɔ hanɩ a ƴaal wɩ, a kpa wɩ pɔna Jerujalɛm wɩ puno wɩ cʋʋ go phʋɔl fɛtɩɩle na daw na kãka nɩɛ na kpãga nɩɛ, na nɩ khɩ̃ thɩ̃beekɛ dʋɔnɩ ɓilǝ̃sɔ na kãkarmasɔ na kolõjʋ̃ʋsɔ. 28 Dɩ nɩ khɩnaa ther Jerujalɛm dɩ khuirǝsɔ a kpa gbɛbɩ: wɩrɛ thɛnɩ Netofa dɩ khʋrasɔ, 29 na Bɛtɩ-Gilgal dɩɩra na Geba dɩ khʋrasɔ na Ajɩmavɛtɩ khʋra; gɩdonɩ nɩ khɩnaale kɔɔ kurre awɩ dɩsɔ Jerujalɛm dɩ khuisɔra. 30 Dɩ bonɩ jidara na Levɩɩ məlsɔ phʋɔlɛ awɩbara, a phʋɔlna dakha tɩbɩla na lõosɔ na gʋʋ.

31 Dɩ mɩ cʋʋrɛ wɩrɛ dʋɔnɩ Juda kɔ̃tɩna dɩ wɩ jʋʋn gʋʋra ƴũu. Dɩ mɩ tɩnɛnɛ nɩ khɩna gbulõ kɔ̃tɩna yeɲɔ. Dɩ caca gbulone na n jalna ɲɔ̃bɔ billu lõfonʋɔraakɛ wɩ n wenɩ beethɩ̃ lõfonɔ khʋra le gʋʋra ƴuunǝ. 32 Dɩ Hosaya na Juda kɔ̃tɩnaa gbulo kur ha awɩ khiro dɩ wa n kpaan; 33 na Ajarɩa na Ejɩra na Mesulam; 34 na Yehuda na Bɛ̃jamɛ̃ na Semaya na Ɩrmeya. 35 Dɩ bonɩ jidara na n kpaan na tutuusɔ; Jakarɩkɛ dʋɔnɩ Yonatãa bikuun gɩ; dɩ Yonatã do Semayaa bikuun, dɩ Semaya do Matanɩaa bikuun, dɩ Matanɩa do Mɩkayaa bikuun, dɩ Mɩkaya do Jakuuri bikuun, dɩ Jakuur do Asafɩɩ bikuun. 36 Ɔr na ɔɔ õkũusɔ Semaya na Ajarɛl na Mɩlalayɩ na Gɩlalayɩ na Maayɩ na Netaneyɛl na Yehuda na Hananɩ; a fʋrɔ nɩ khɩ̃ thɩ̃beekɛ dʋɔnɩ Davɩdɩ, Thãgbaa tibilida. Ɛsɩdɩrasɩɩkɛ dʋɔnɩ jɔfʋ dɩɩrdaar kɔɔ gbana wɩ ƴɩɛ. 37 Mɔ̃ wɩ danɩ lõfonʋɔraakɛ wɩ n wenɩ ɲɔ bu ka lõfonʋɔ, a pɛ ƴɩɛ jʋʋn paarɩkɛ n jʋnɛnɩ Davɩdɩ jamanaa dʋɔ, wɩ jʋʋnɛ gʋʋra Davɩdɩɩ cɔ yʋɔ ƴũu foo a jal dã lõfonʋɔɔkɛ wɩ n wenɩ ɲɔ lõfonʋɔ, kɛ hanɩ wi phã paar. 38 Dɩ balaɲɔ gbulone jalna ɲɔ̃bɩlã billu. Dɩ mɩ kɔɔ hale dɩ ma n kpaan khiro le gʋʋra ƴũu na tibil wɩrɛ sɛnɩ. Dɩ sɩ kananɛ cɔ cõcoolna, kɛ dʋɔnɩ cama cɔ khʋra, a jal foo a kana ka gʋʋ pɩɛrnɩ. 39 Agɩpɩ sɩ kananɛ lõfonʋɔraakɛ wɩ n wenɩ Efɩrayɩmɩ lõfonʋɔra ƴũu na lõfonɔ tɩɩna, na lõfonʋɔraakɛ wɩ n wenɩ thʋmaa lõfonɔra, na Ananeyɛl cɔ cõcoolnana, na Mea cɔ cõcoolnana, foo a jal dã lõfonʋɔraakɛ wɩ n wenɩ bana lõfonʋɔra, a jɩɩl lõfonʋɔraakɛ wɩ n wenɩ bɛbɛr lõfonʋɔra. 40 Liir nɩ khɩ̃ gbulona yeɲɔɔle jɩɩl Thãgba fʋɔr cʋɔrɔ; dɩ̃ jɩɩl dakha na dʋɔ kɔ̃tɩnaakɛ sɩ kɔɔ hananɩ kha. 41 Dɩ bonɩ jidaraakɛ dʋɔnɩ Ɛlɩakɩm na Maaseya na Mɩnɩanɛ̃ na Mɩkaya na Ɛliohenayɩ na Jakarɩ na Hananɩa hale na tutuusɔ. 42 Maaseya hale dakha na Semaya na Eleajaar na Ujɩ na Yohana na Malkɩa na Elam na Ejɛɛr. Dɩ nɩ khɩnaa nɩ wi n ther na sobɔr. Awɩ ƴɛkʋʋldaar dʋɔn Ɩjɩrahɩa. 43 Ga wiile tɩbɩla jire bonɩɛ jɔɔ dɩ wa n kãkana, gɩdonɩ Thãgba ha wɛr da kɔ̃tɩ̃ɩ ka. Dɩ khɛra na bɩsana n kãkarɛ dakha, dɩ ƴɔɔdara na n nɩɛ Jerujalɛm da hulẽbe.

Gɩrɛ dɔnɩ bonɩ jidara na Levɩɩ məlsɔɔda

44 Ga wiilera wɩ pɛrɛ tɩbɩla wa n hɩnɛ duusɔɔkɛ wɩ n thɩɩnɔnɩ khaardaasɔɔkɛ wɩ n tini na caca thɩ̃ɛsɔ na bɩɛl yʋɔrsɔ. Wɩ pɛ warɛ wa n tea lɩɛsɔɔraakɛ diǝni dɩɩsɔra gɩrɛ dʋɔnɩ bonɩ jidara na Levɩɩ məlsɔɔdaakɛ jɔfʋ kɔɔ pɛrnɩ a na thɩnɛ le; gɩdonɩ Judaa mǝlsɔ n kãkarɛ mɔ̃ bonɩ jidara na Levɩɩ məlsɔ birni a ha awɩ thɔna; 45 dɩ wa n hɩɩn gɩrɛ dʋɔnɩ awɩ Thãgbaa thɔ̃ na phɔphʋɔl thɔmasɔ. Dɩ nɩ khɩna dakha na lõ bɛrdara na n cʋʋ mɔna Davɩdɩ na ɔɔ bikuun Salomɔ̃ kɔɔ pɛrnɩ ga n cʋɛ. 46 Gɩdonɩ mamara Davɩdɩ na Asafɩɩ bɔɔ, nɩ khɩnaa kɔ̃tɩ̃sɔ kɔɔ hale; dɩ wɩ n khɩnɛ fɔfʋɔr nɩɛsɔ na kpãga nɩɛsɔ dɩ ga n dʋbɩ Thãgba. 47 Jorobabɛl na Nehemɩɩ bɔɔ, Ɩjɩrayɛl bɩsana fɛw n kɔɔ 'laarɛ wire wire gɩrɛ teananɩ nɩ khɩna na lõ bɛrdara oti, dɩ wɩ 'laana gɩrɛ dʋɔnɩ Levɩɩ məlsɔɔda, dɩ Levɩɩ məlsɔ n 'laa gɩrɛ dʋɔnɩ Aarɔ̃ɔ mǝlsɔɔda a ha wɩ.